If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
نحن في الإمارات لم نصدق الخبر, ولكن وكالات الأنباء ذكرت لنا ايضاً صدقنا لما شفنا الأخبار المصورة . الصراحة الكل يقول كيف عايشين الآن ... الله اكبر الناس ما تخاف الله في هذا الوقت , ايضاً كنا ننتظر أهل الكويت و بخاصة في الشارقة كنا مستعدين لهم أي شئ يبغونه لأنكم أهلنا و أحبتنا وايضاً نسايبنا
و الحمد لله تم تحرير الكويت وكنا فرحانين بدخول قوات الخليج العربي الى ارض الأحرار ...............الكويت العزيزة
يا اهلا بالغوالي اهل الامارات موقفكم غني عن التعريف حكومه وشعب الشيخ زايد طيب الله ثراه كان ونعم الوالد لكل الكويتيين يوم اللي فتح لهم ابواب ديرته بكل مافيها من بيوت واسواق ومدارس وجيش والشعب الاماراتي ما قصر مع اهلنا اللي عاشوا فترة الغزو بالامارات
ادري ان الموضوع قديم من 2011 تقريبا بس حبيت اشارك معاكم
اتوقع وقته الحرب كان عمري 4 سنين او خمس
بس اتذكر بعض الاشياء
طبعا بيتنا كان في اخطر مكان في السعوديه في هذيك الفترى بالمنطقة الشرقيه
كنا نسكن في بيت في قاعدة عسكريه بحكم عمل الوالد العسكري
وهالقاعدة العسكريه كان فيها تقريبا كل قوات التحالف
اتذكر طلعت مره لشارع واشوف بيت جيرانا فيه ناس كثييير وزحمة سيارات اول مره اشوفهم..
وعرفت بعدين انو هذولي اهلهم كانو جايين من الكويت..
للحين اتذكر صوت صواريخ سكود لما تنفجر بالجو.. صوت مرعب جدا جدا
واللي اكثر منها رعب صوت صافرت الانذار خصوصا اذا كان بالليل.. لانه بعد صوت الصافرة على طول تنقطع الكهربا لدواعي امنية طبعا.. وبعدها يبدا فلم الرعب صوت صراخ الاهل واللي يتخبى واللي يدور الثاني.. وبالعادة ينتهي هذا الفلم بصوت الانفجار
تعليق