إعـــــــلان

تقليص
لا يوجد إعلان حتى الآن.

وين كنتوا وقت الغزو ؟؟

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وين كنتوا وقت الغزو ؟؟




    سؤال اصبح واقع في حياتنا وشي اساسي بسوالفنا

    وين كنتوا وقت الغزو ..............؟

    من عقب سنه 1990

    تحولت حياتنا بالكويت الي قبل الغزو وبعد الغزو

    وما تخلا سوالفنا من استرداد ذكرياتنا ومواقفنا بهالايام السوده اللي لا يعيدها

    سؤالي الاساسي

    الكل يدخل ويقول وين كان وقت الغزو ؟؟

    وشنو اسوأ واجمل المواقف اللي صارت لكم ؟؟

    وشلون تلقيتوا خبر التحرير


    اترك المايك لكم




    وانا راح اجاوب بعد على موضوعي


    التعديل الأخير تم بواسطة دروازه; الساعة 14-05-2011, 11:37 PM.



    [align=center][/align]

  • #2
    ايام الغزو

    الله لا يعيدها من ايام

    كنت صامده على ارض الكويت الغاليه مع اهلي كلهم

    عشت الغزو بكل ظروفه من خوف ورعب وانقطاع للكهربا والماي

    اسوأ ايام الغزو اهو الغزو نفسه
    اصعب ما على الانسان ان ينام وهو حر ويقعد من النوم على خبر احتلال ديرته
    اخبار القتل والاسر كنا نتلقاها كل يوم الي ان يا اليوم اللي اسروا فيه اخواني وعيال عمامي
    والحمد لله تم الافراج عنهم


    اجمل مافي الغزو

    اني اكتشفت يعني شنو كويتي
    كنا ايد وحده بكل الاحوال ونبدي الغير على انفسنا

    اجمل ايامي بالغزو اليوم اللي صعدنا فيه فوق السطح نكبر وقوات الغزو مثل الفيران يراكضون بكل مكان

    خبر التحرير تلقيته الصبح مثل كل الكويتيين
    وظلينا شهر كل يوم بالمسيره مع قوات التحالف

    تالي استلمنا ال 500 ورحنا فيها دبي نقاهه




    [align=center][/align]

    تعليق


    • #3
      [align=center]يعطيج العافيه دروازه موضوع جدا جميل
      وخصوصا للناس الي كانت صامده على ارض الوطن الغالي
      والي كانو بره بعد لاحول ولا قوة كل واحد وظروفه المهم كنا ايد وحده الي داخل الكويت والي بره
      وكانو يحاتونا وهما ما يدرون انه احنا الي كنا نحاتيهم وكانت تجينا رسايل واشرطة كاسيت وقتها مافي لا موبايلات ولا انترنت

      اما عن نفسي انا فكنت صامد في منطقة الروضه منطقتي الحلوه وكانت وقت الغزو عجييييييبه
      والي كان وقتها حاضر وعايش هالايام فيها راح يفهم شنو كلمة عجيبه ...[/align]

      تعليق


      • #4
        الله يعافيييك ويسلمك اخوي الفاضل كويتي
        اكيد الكل عانا من الغزو سواء كان من الصامدين او من اللي عاشوا الغزو خارج الكويت لظروف خارجه عن ارادتهم
        والله يا كويتي الكويت كانت كلهم عجيييبه بمثل ما تفضلت
        وياحلو شباب الكويت وهم يشتغلون بالمخابز وبمحطات البانزين والجمعيات

        هذا معدنا الاصيل

        وكل الشكر على مرورك الغالي



        [align=center][/align]

        تعليق


        • #5
          [align=center]الازمه اثبتت انه شباب الكويت
          وبذاك الوقت عنده الامكانيه وقادر على انه يقوم باي شغله من الي الحين نشوفها اعجازيه
          وانهم قدها وقدود وماهو بس بحمل السلاح [/align]


          تعليق


          • #6
            كنت بالكويت الحبيبه ولي ما كان صامد معذور بس ومن غير زعل ما راح يعرف معني وطن الكويت سلمت للمجد

            كويتي كنت اروح الروضه بكاري بي ام اكس وكان مشوار من قرطبه وهذا اخر الايام في الغزو عسي الله ما يردها وعسي الله ياخذ كل من سعي لي خراب بلادي الحره الابيه العربيه اميه بالاميه ولي مو عاجبه ما يشوف شر
            لـكـلِّ كـلـمـةٍ أذن..

            ولـعـلَّ كـلـمـاتـي لـيـسـت لأذنـك .. فــ "لا تــتــهــمــنــي بـالـغـمـوض" !!

            تعليق


            • #7
              يعطيييك الف عافيه بو عبدالله
              واشكر لك مشاركتك الغاليه
              زين انت رحت الروضه بالقاري احنا مشاويرنا كانت مشي قبل ما يصدر قرار من الوالد الله يرحمه بعدم طلعتنا من البيت لي التحرير عقب ما سمعنا بالسجن العشوائي

              تصدقون على الرغم من ان في بعض المشاوير الضروريه الا ان اهلي محد منهم ركب لوحه كويت -العراق على سيارته

              قواك الله بوعبدالله انت وكويتي
              الموضوع مفتوح لكم وللجميع في حال تذكرتوا اي موقف لكم بالغزو



              [align=center][/align]

              تعليق


              • #8
                يعطيكم العافيه اخواني واختي الغاليه على موضوعكم،،،،

                بس انا من السعوديه وبالتحديد(مكه المكرمه) يعني حتى احنا كنا متخوفين من هذيك الايام الله لايعودها واتذكر للحين كنت رايح المدرسه وقفو يمي 3 سيارات واحد منهم نزل وسلم قالي ياولدي ماكو اهني فنادق شقق؟،،
                وعلى كلمتو هاذي الا الوالد الله يخليه نازل من البيت ومتجه للدوام وحلف عليهم مايروحون فندق الا يفطرون ويتغدون عندنا الموقف اللي ضحكني انهم كانو فنص الشارع والوالد يحلف عليهم وهم يحلفون الناس تعطلت فالشارع وهذولي يحلفون على بعض ههههههههههههههههههههههه وبالفعل اقنعهم وطلعو عندنا البيت وافطرو وتغدو وخلاهم يباتون يومين عندنا وقتها كنت سنه اول متوسط حسيت ان الخليج كلهم سارو يد وحدهـ مافي فرق بينهم وطبعآ كانت احلى ايام عشان مارحت المدرسه هههههههههههههههههههههههههههه

                واسف على الاطاله بس بجد بجد لو بكتب من الحين الين باكر ماراح اخلص

                تحيـــــآآآآتي،،،

                تعليق


                • #9
                  محمد الحربي

                  دايما وابدا خليجا واحد
                  واللي عانت منه الكويت عانت السعوديه ودول الخليج بمثله
                  ومنو ما يتذكر الصاروخ اللي طاح بالرياض من قبل الجيش العراقي

                  احيي السعوديه حكومه وشعب
                  موقفكم مشرف ومو غريبه عليكم
                  والف رحمه ونور تزل على الملك فهد بن عبدالعزيز ال سعود



                  [align=center][/align]

                  تعليق


                  • #10
                    الله لايعيدهآ من آيـآآم
                    وحمــدلله على،، نعـمة الامن والامان اللي احــنآ فيهــآ
                    وربــي ترآ محسودين عليها وخصوصآُ دول الخـليج محسودهـ على هآلآمآن اللي احنآ فيه

                    الله يديمهآ عليــنآآ يآآآرب..
                    وكُــلهآ كم يوم ومـكه تنـور بزوار الخلـيج للحرم،،،
                    ويآآرب دومـ،، خلـيجنآآ وآآحد

                    تحيـــآآتـــي،،،،

                    يآآحلآ اعضآآآء بجد المنتدى روعـه ليا يومين وآنـآ حآآس انـي اعرفكم من زمآآآآ،ن

                    تعليق


                    • #11
                      اللهم امين يا محمد الحربي
                      والساعه المباركه اللي تشارك فيها معانا في هالمنتدى الرائع



                      [align=center][/align]

                      تعليق


                      • #12
                        موضوع رووعه قليله فيه اكثر من رووعه بصراحه

                        انا افتخر اني من مواليد الغزو الغاشم الله لايعيده علينا اللي عاشوا فيه اهلي طبعا كوني سعودي بالسعودية بالتحديد بالشمال كنا خايفين اكثر من اللي بالمنطقه الغربية والجنوبية كونا اقرب للكويت والعراق والله ايام الغزو لصقنا الدرايش من التيب والجرايد تعليمات الدفاع المدني وزعوا علينا كمامات بسبة تهديد الحقير صدام لنا والحمد لله ماطلق الكيماوي عمي اشتغل بالشرطه بالشوارع دوريات بالليل خوفا من اللي راح يصير لما صدام اطلق صاروخ سكود علينا بس الحمد لله طاح بالبر طلعنا كلنا المدينة المنورة قعدنا فيها لين ماتحررت الكويت الحبيبة وفيه 3 خالات لي بالكويت كلهم جونا السعودية اول الغزو بس الله لايوفقهم لادنيا ولااخرة اسروا 2 من عيال خالتي بس الحمد لله فرجوا عنهم بعد الغزو 3 شهور .
                        ماتصدقون الفرحة اللي نزلت علينا لما سمعنا بتحرير الكويت الشعب السعودي كله بالشوارع محتفل اللي شايل اعلام الكويت وصور الشيخ جابر والشيخ سعد الله يرحمهم واللي شايل صور الملك فهد والملك عبدالله من جد الكويت والسعودية شعبين بدولة وحده ...

                        تقبل مروري


                        وطـني الكـويت سلـمت للمجد ...

                        تعليق


                        • #13
                          دمي الكويت

                          اول شي اشكرك على تفضلك بالمشاركه بموضوعي
                          الحقيقه شرحك للاحداث ولا اروع وعيشني الظروف اللي عشتوها بالضبط
                          وموقف المملكه حكومه وشعب محفوظ بقلب كل كويتي
                          منو فينا ينسى الملك فهد عسى الله يتغمد روحه الجنه
                          والقوات السعوديه كانت من اوائل القوات اللي دخلت الكويت بالتحرير
                          عسى الله يجمع شمل السعوديه والكويت على الخير دايما وابدا



                          [align=center][/align]

                          تعليق


                          • #14
                            مشكووره دروازه منوووووووووووره


                            وطـني الكـويت سلـمت للمجد ...

                            تعليق


                            • #15
                              كنّا بالكويت
                              الله يعطيكم العافية على هالموضوع

                              تعليق

                              يعمل...
                              X