بتعاتبني على كلمه

[دوفي دوف]

بتعاتبني على كلمه جات منّي من غير تفكير
بتحاسبني على غلطه ده أنت ياما غلطت كتير
ما فيش حساب… بين الأحباب
ما فيش حساب بين الأحباب
إن كنت ناوي تصون الود
ده انت يا روحي إن جيت للجد
لو عدينا نتوه في العد نتـوه نتوه في العد

ليه بتفكّر في اللي ليك وتنسى دايماً اللي عليك
دي غلطه وكانت مش ذنبي إني يوم ما أحلمش بيك
ما انت دايماً في خيالي وفمنامي وعلى بالي
ما فيش حساب… بين الأحباب
ما فيش حساب بين الأحباب إن كنت ناوي تصون الود
ده انت يا روحي إن جيت للجد
لو عدينا نتوه في العد نتــوه نتوه في العد

لو تحب الحب يوم يبقى العتاب ما لوش لزوم
ليه دايماً بتحب تلومني أنت الجاني وأنا المظلوم
ليه بنسى وما تهونش عليّا انت ليه غاوي قسيّه
ما فيش حساب… بين الأحباب
ما فيش حساب بين الأحباب إن كنت ناوي تصون الود
ده انت يا روحي إن جيت للجد لو عدينا نتوه في العد