يا علي

[دوفي دوف]

يا علي صحت بالصوت الرفيع .. يا مره لا تذبين القناع

يا علي عندكم صفرا صنيع .. سنها يا علي قد الرباع
نشتري يا علي جنك تبيع .. بالعمر مير ما ظني تباع

شاقني يا علي قمرا وربيع .. يوم أنا آمر وكل أمري مطاع
يوم أهلنا وأهل مي جميع .. نازلين على جال الرفاع

ضحكتي بينهم وأنا رضيع .. ماسوت بكيتي يوم الوداع
هم بروني وأنا عودي رفيع .. يا علي مثل ما يبرا اليراع

طوعوني وأنا ما كنت أطيع .. وغلبوني وأنا ظفر شجاع
وجد عيني على ظبي تليع .. عندكم كن في خده شماع
شيبتني وأنا توني رضيع .. جاهل تو في سن الرضاع

سايمين الهوى يا من يبيع .. سايمين الهوى لأهل الرفاع
وأنت يا لايمي جعلك تضيع .. ما تماري بها مثل الشجاع

ودي أسلاه والكون الفنيع .. سلوتي يا علي ما تستطاع
دون مي الظبي وأم الوضيع .. والثعالب وتربيع الشراع
ورأس ريع دخل في بطن ريع .. مستطيل ووديان وساع