سجل حضورك ببت شعر

[سلوة الروح]

وجودي والعدم واحد على قلبك وفي بالك..
وجودي عادي بعينك وهذا ماتبينته...
أبارك لك اذا هذا قرارك ياهنيّالك...
أباركلك على همي وهجر منك أنا شفته...
ماتوقعت بعادي صار يحلالك...
وخطواتك بدت تقصر ودرب الهجر شرعته...
بدى واقعك يتغير طغا مرك على زلالك..
طغت شمسك على ظلك قسى قلبك وطاوعته...
اذاهذي النهايه ياعسى فال السعد فالك
عسى اللّه يسعد أيامك على درب تخيرته...
بواسي قلبي الشاقي بحبك كان يرضالك...
وبمسح دمعتي ويكون لي درس وتعلمته...
لك السلوان ياقلبي تصبرخلك بحالك...
ترى واجبك سويته حبيته وقدرته...
ولا تندم على مافات وكل شي وله وقته

[سلوة الروح]

اضحك .. لامني ذكرت ؟ ايامنا الحلوه
وليا ذكرت انها راااحت ! .. جلست ابكي


كن الشقا ( بير ) واحلام الصبا ( دلوه )
وكن الحزن ؟ .. في صميم القلب ,, متركي


الشك !! (( قطٌع نفوس ٍ )) .. كانت بسلوه
وانا عقب حسن ظني .. هزني شكي ؟؟


مرات ؟ مرتاح ,, والقى البال في علوه
ومرات ! محتار ! .. واعجز لابغيت احكي


نكتم ونشكي من الاحزان في خلوه
واليوم ؟ في صمت ... لا نكتم ولا نشكي


لو ان ؟ دنيا الشقا ياصاحبي حلوه
ماكان ؟ شفت الطفل يولد وهو يبكي !!!

[سلوة الروح]

ماهْو ضروريَ نعتذر ، يوْم نخطي بعضْ العذر ل " الذنب " مثل الإعادة لكن أنا - راح أعتَذر على كثر مَ أعطيْ ( أسف ) لإنيْ : كنت طيب زياااادة

[سلوة الروح]

أسهر معك وأحس ،، بك وين ماكنت وأن شفت فيني نووم طحت بجفونك وأن جيت بصحى منك هونت هونت مرتاح أنا ،،،، لاصار بيتي عيوونك

[سلوة الروح]

ما تقبلت الفراق وما ليدي فيه حيله
آه لو ان الظروف المقبله تكشف قدرها

لو يعرف الشخص منا وش مع الغيب بيجيله
كان جنبنا المشاكل من قبل يوقع ضررها


ما هقيت الليله الي جابت الفرقى طويــــــله
لين صارت ليله امس عندي اطول من شهرها


والعذاب الي يذوب بعين من يفقد خليله
عندي اكبر من عذاب العين لو تفقد نظرها


والحبيب الي صدوده مثل مداته جزيله
صد عني واعرفه لا صد عن حاجه هجرها


كن روحي يوم حست في جفاه وصعب نيله
بشرتني بالضياع وشدت العزم لسفرها


ما رحمها من هلاك وما تقبلها دخيله
تحتضر قدام عينه لين ماتت من قهرها


عاد ليت الي ذبحها وارهب المت بوسيله
ما دفن وجه الضحيه والسكاكين بنحرها


ليت قلبه يوم طاوع فعلته كمل جميله
لو غسلها من عروقه وبكفن صدره قبرها


من حفر بضلوع قلبه حفرة ٍ تكفي قتيله
ليـــش ما يدفن قتيله بالضلــوع الي حفـرها


اشتكيته للرفوف والبراويز الحزينه
وانذعرت من النياح الي سمعته في صورها


رحت اسولف للجبال الصم عن قصه رحيله
ما تركت متونها الا ينحت الدمع بصخره!</b>

[سلوة الروح]

ناس ماتسوى على كَتفي رقت . . وإنتْ غااالي . . مرقبك : قمّة طويق ! منت آخر شخص . . والله : ما إفرقت ! ومنت أول . . من جرحني , لا تضيق !

[سلوة الروح]

وينك حبيبي مبعـدٍ عنـي هنـاك؟
وين اتصالك يا بعـد كـل غالـي؟
ان غبت عني .. غابت الروح ويّاك
تسهر عيوني مـا تبـات الليالـي
يا شين وقتي يـا غناتـي بليـاك
عمري بدونك .. لا حشا ما هنالي</b>

[سلوة الروح]

سمعتُ صوتاً هاتفاً في السحَر

نادى من الغيب غُفاةَ البشر

هُبوا املأوا كاس المنى قبل أن

تملأ كأسَ العمرِ كفُّ القدر

لا تُشغلِ البال بماضي الزمان

ولا بآتي العيشِ قبل الأوان

[سلوة الروح]

ياكثر ماشلت فى قلبى عليك .. ياكثر ما قلت ماسامح خطاك
من اشوفك ترجف اضلوعى تبيك .. واثر هذا كله من حرة هواك
اخلق الاعذار من لمسة ايديك .. والمس جروحى واداريها دواك
قوتي ضعفى وضعفي انى ابيك .. وانت عارف انى ما اعشق سواك
ابتليت بحب جعله يبتليك .. ويا عساك تذوق حراتي معاك
اذكر انك ما تنام الا اجيك .. صرت انا الحين ما اغفى بلاك
ما ابيك اليوم وباشر احتريك .. واللى بعده واللى بعده ياملاك
حسبى الله ع الهوا وحسبى عليك .. الله ياخذنى الا انه خذاك

[سلوة الروح]

صابرين .. صابرين .. صابرين .. صابرين

في ليله كانت القمره .. حبيبي تايه في أمره
وصابرين .. صابرين .. صابرين .. صابرين

فرقت فينـا الليالي .. كل واحد في مكـان
أنا ما خنتك يا غالي .. إلي خان هو الزمان
صابرين .. صابرين .. صابرين .. صابرين

كم تساءلت بسؤالي .. صـاحبي ماله بيان
حالت الولهانـة حالي .. الوله بعيوني بـان
صابرين .. صابرين .. صابرين .. صابرين

دايم زولك في بالي .. وأذكرك في كل مكان
أنا ما نسى يا غالي .. عشرة الحب إلي كان

في ليله كانت القمره .. حبيبي تايه في أمره
وصابرين .. صابرين .. صابرين .. صابرين

للشاعر عبداللطيف البناي
وغناها رابح صقر بالثمنينيات

[سلوة الروح]

أشتقت لك واللي خلق [حلو الإحساس]
يامشغل قلبي و [روحي] وعيني !!


[حبي لك أكبر من هوى الناس للناس]
تبعد ..
وتقرب ..
أنت موجود [فيني] !!


أنت الحبيب اللي على العين والرآس ..
قربك هوى قلبي
..........................وأحلى سنيني !!

[مشرف]

[align=justify]أتسمع الديك اطال الصياح ؟
وقد بدي في الافق نور الصباح
ماصاح الا نادبا ليلة ,,,
ولت من العمر السريع الرواح

عمر الخيام[/align]

[سلوة الروح]

فوق هام السحب يادار الصباح
درّة البلدان والمجد الفريد
كلّنا من دونها درع وسلاح
لو نبيع ارواحنا والله شهيد

[سلوة الروح]

افتح جهازك أنا محتاج تسمعني
عطني دقايق وكيفك بعدها سكّر،
ترى غيابك بدون اسباب قاهرني!
وانا مزاجي على فرقاك متعكّر!

</b>

[سلوة الروح]

سلامتـك والله يحفظـك ويبقيـك
ويقبل دعاتك في صلاتك وصومـك


ياجعلني ماذوق حزنك ولا ابكيـك
يافرحة سنيني عسـى الله يدومـك


ليت التعب فيني حبيبـي ولا فيـك
وياليت يومي ينتهي قبـل يومـك


ودي اضـم ايديـك واقبـل ايديـك
وفرش لك ذراعي مخـده لنومـك


وان قمت من نومك وعيني تراعيك
سولف عن احلامك وعطني علومك


استأذنـك لحظـه دقايـق بخليـك
بروح ابشر عالمـي فـي قدومـك


في غيبتك احلم اشوفـك واحاكيـك
سمتنـي الدنيـا بعـدك محرومـك


يامـا تخيلتـك بدربـي واناديـك
واقول : وشفيها تـردت عزومـك


لك وقت متغير على قلـب مغليـك
ماكنه الـي شـال عنـك همومـك


ابيع من عمري على الناس واشريك
لو باعتك دنياك مارخصت سومـك


ماهو على شانك على شان ماضيك
مهما تسوي اعـذرك مـا الومـك


هذا خيالي كـل مـا مـر طاريـك
والا الحقيقه عايش ارجي غيومـك


اضحك على نفسي اذا قلت مابيـك
انت القمر والناس هـذي نجومـك


حببتني في كـل حاجـه حواليـك
مانيب من قومك واحامـي لقومـك


ماقول غير الله يحفظـك ويبقيـك
وياجعل يومي ينتهي قبـل يومـك