إتعوّدت عليك ياحبيبي
كلمات..عبدالوهاب محمد
ألحان..خالد الأمير
...
اتعودت عليك يا حبيبي
اتعودت عليك
وبقيت ملك ايديك يا حبيبي
وبقيت ملك ايديك
اتعودت الحنان
وشعوري بالامان
زي الطير ما اتعود عشه
انا تعودت عليك
انت ما كنتش بالنسبه لي
حبي الغالي
دا انت حياتي
وربيع عمري
وكل آمالي
وانت سمايا اللي بتحميني
وانت النيل اللي بترويني
وانت النسمه اللي بتحييني
وانا منك واليك
زي الطير ما تعود عشه
انا اتعودت عليك
آه يا منايا وكل رجايا من دنيايا
انت لوحدك بين العالم كفايه
عالم تاني اشوفه بقربك ..
دنيا جديده بطولها بحبك
حب الناس لي من قلبك
والاقيه جوه عنيك
زي الطير ما تعود عشه
انا اتعودت عليك