من تصويري الخاص نجوم العصر الذهبي ..

[كويتي]

من تصويري الخاص

المرعب جاسم يعقووب
الكابتن سعد الحوطي باللباس القدساوي
الملك فيصل الدخيل اثناء حديثه مع المرحوم خالد الغيث
التقطت هذه الصوره مباراة اعتزال الاعب عبدالله العصفور
في موسم
1980م 1981م

[شفافية]

شكرا لك أخوي الكريم كويتي
على هذا التصوير الجميل
الحصري للمنتدى..
تمنّياتي لك بالتوفيق

[mousahindi]

كويتي

الله الله عليك يا عزيزي كويتي وبارك الله فيك على هذه الصورة
المرعب بو حمود والكابت الحوطي والملك حبيبي قلبي الدخيل
اخ لو يرجع الزمان الى زمانهم

[كويتي]

الله الله عليك يا عزيزي كويتي وبارك الله فيك على هذه الصورة
المرعب بو حمود والكابت الحوطي والملك حبيبي قلبي الدخيل
اخ لو يرجع الزمان الى زمانهم

العفو اخووووووي

كنت اصورهم وانا خااااااايف
ههههههههههه

ليلحين اذكر لمن كنت اناديه جاسم جاسم واول ما رفع راسه صورته

بس الحوطي مستانس مومصدق
ههههههههههههههه

اقصد انا مو مصدق
لوووووووووووووووول
قمة الاخلاق والتواضع

ماراح اقولكم جم عمري كان وقتها وشنو كامرتي
بس شوفو الولد الي واقف وره فيصل الدخيل انا كنت اصغر منه
ولو تعرفون منو هذا مراااح اقووووووول

[كويتي]

شكرا لك أخوي الكريم كويتي
على هذا التصوير الجميل
الحصري للمنتدى..
تمنّياتي لك بالتوفيق

العفو اختي شفافيه
وتسلمين

[mousahindi]

يعني لو قلنا اعتزال بو حمود كان عام 1985
وتقريبا عمر الولد اللي خلف فيصل الدخيل 10 سنوات
يعني انت مواليد 1975 او قريب لهذا العام .. العمركله
بس مو كبير عادي هههههههههه
الولد مو واضحة الصورة يمكن اخوك ؟؟

والله يا اخ " كويتي" ذاك الزمن زمن جميل جدا زمن العمالقة
بصراحة كانت في تلك الفترة الكويت مبدعة بكل شيء

على فكرة انا كانت لي صور وايد مع لاعبين منهم مع المرحوم سمير سعيد
وبلوشي وعزيز حسن وعادل عباس والحشاش .. ومع مجموعة من الاعبين
العراقيين .. بس حسافة ما ادري وينهم شكلهم ضاعوا

[mousahindi]

انا اسف صار عندي خربطة
اعتزال عبدالله العصفور مو جاسم يعقوب
ما ادري ليش تفكيري راح على اعتزال بوحمود

هي ما تفرق كثير بينهم اربع سنوات
يعني عرفنا عمرك هههههههههههه

انا قرات هذه الفقرة من حدى الصحف الكويتية
من النت عن اعتزال العصفور وحبيت اضيفها

يذكر ان فريق نوتنغهام فورست زار الكويت عام
1982 ولعب مع القادسية باعتزال العملاق عبدالله العصفور
بستاد محمد الحمد قبل 30 سنة، واقيمت تلك المباراة
في ديسمبر 1982 وسط الامطار الكثيفة التي حولت ارض الملعب
الى مستنقع، وكانت سببا لغياب الجمهور

[كويتي]

[align=center]تعجبني ذاكرتك
ووقتها انا التقطت جم صوره بعد ما وقف الحكم المباراة بسبب الامطار
وكانو الاعبين جالسين تحت المدرج ينتظرون تكملت المباراة

ان شاءالله راح انزلها
على فكره الطفل الي واقف خلف الدخيل اهوه وزير سابق
ههههههههههههههه
بس قدساوي اصلي

وعلى فكره شوف الدنيا اشلون وشوف الصدف عندي صوره بنفس المباراه كنا مجموعه بذاك الوقت نتابع اللعب
في المنصه و بينا جالس صاحب نادي نوتنغهام فورست الحالي السيد فواز الحساوي
ماكان يدري انه راح يمتلك هالنادي
[/align]

[mousahindi]

وزير سابق صعبة شوي ما راح اتذكره
خصوصا اني طالع من الكويت من فترة طويلة

سبحان الله مرت الايام وصار الحساوي رئيس نادي القادسية
وصاحب نادي نوتنهام فرست

تذكر اخ كويتي في تلك الفترة كان الصراع على اشده في الدوري
الانجليزي بين ليفربول ونوتنهام فرست
واذكر ان منتخب الكويت لعب مع نوتنهام فرست مبارة ودية في عام
81في الكويت وانتهت بفوز نوتنهام 2 \1

[alomdah11]

نوتنغهام فورست مو توتنهام اخوى موسي
كان مدربهم كلوف العظيم وتوفى وولده لعب فى نوتنغهام فورست عقب انتقل الى ليفربول
خذوا بطل اوروبا اذا مو ناسي سنة 81