إعـــــــلان

تقليص
لا يوجد إعلان حتى الآن.

هذاك الحـــوش..وسطح الديوانيــّـــة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هذاك الحـــوش..وسطح الديوانيــّـــة

    بسم الله الرحمن الرحيم
    ....
    لكم منّي أخوتي الأعضاء
    هذه اللوحتين..
    الّتي عشت بها أجمل سنين عمري..
    .....

    هذاك الحوش


    معظم البيوت العربيه لها ملحق بالحوش ويسمّى
    هذاك الحوش..خيالي بهذه اللوحه بوقت شهر رمضان حزّة السّحور..وكأنّي أشوف أمي طالعه من المطبخ
    وحاطّه على هالدّجّه المحلبيّه علشان تبرد
    وأبوي العود يصّوّت:زتكم حطّوا السّحور قبل الأذان..
    الله على هذيك الأيّام..
    هالمنظر أتخيّله بذاكرتي وانا عمري 5سنين..
    .........

    سطح الدّيوانيّه
    ....



    وهذي اللوحه لحوش الديوانيّه والدّري اللي يودّي على سطح الديوانيّه..كنّا يهّال نلعب بهالدويره الخضره
    وأبوي العود حاط فيها الجت مال الصخول واحنا ننط من هالفتحة عالجَت ويقعد يهاوشنا..
    ياحلوها من أيّام..وكل شي كان يفرّحنا..
    ...........

    كلمات كتَبْتُها للماضي
    ...

    أيا فُرقَة مع الماضي الذي أعشقه

    وينتابُني الأسى ..

    عندما أيْقَن أنّه لن يعود..

    وأعتَكِفُ على سرابِهِ..وأنتظر على أمل..

    أن يُلَبّي القَدَر لي أن أعود طفلةً..

    ويتحدّثُ معي من رَحَل عنّي..

    عُد..

    عُد أيـــــــّها الماضي..

    أنّي مشتــــاقةٌ لمن رحلوا عنّا..

    ....


    شفافيـــــــــــه




  • #2
    [align=center]الله يعطيج العافيه صور جميله وتذكرنا باحله الايام
    بس ينقصها صوب اللمبه الغاز المنور بالحوش فراشه وحشرات صغيره تفتر عليه
    ولا وبريعصي ممغوط صوب اللمبه ينطر الحشره تقرب ويشفطها
    بس عاد اذكر كنا من نشوفه النعل اتحاذف عليه يافيه ولا باللمبه
    هههههههههههههههه[/align]

    تعليق


    • #3
      يعطييييج العافيه شفافيه علي هالشي الحلو
      والحقيقه عشنا معاج ذيج الايام ياحلوها وياحلو ناسها
      الله يرحمهم برحمته
      شكرا لج وبانتظار جديدج

      تعليق


      • #4
        المشاركة الأصلية بواسطة كويتي مشاهدة المشاركة
        [align=center]الله يعطيج العافيه صور جميله وتذكرنا باحله الايام[/align][align=center]
        بس ينقصها صوب اللمبه الغاز المنور بالحوش فراشه وحشرات صغيره تفتر عليه
        ولا وبريعصي ممغوط صوب اللمبه ينطر الحشره تقرب ويشفطها
        بس عاد اذكر كنا من نشوفه النعل اتحاذف عليه يافيه ولا باللمبه
        هههههههههههههههه[/align]
        .................................................. ...........................

        والله ياكويتي كلمتك نفس كلمة أمّي
        كرّمك الله عند البالوعه اللي بذاك الحوش تقوللي رسمي زهيويّه و الجِنّه تيي تلقّطهم بمنقارها..واحنا مجابلينها..ماكو شغل..هههه
        ...
        أشكر مرورك وتعليقك ياخوي..دمت بخير

        تعليق


        • #5
          هههههههههههه

          سلمت الايادى يالغاليه وعساها ماتمسها النار قوللى اميين

          يهبلون الصور وتعليقات راعيتهم الله لايحرمنا من طلتها الحلوة

          شفشف قويه جنها 5 سنوات!!
          ( ودى اصدق ههههه - عاد انا امون علييج)

          بنتقم منج عقب سالفتج امس وهقتينى .

          المهم الصور وربى رائعة وحلوة ومعبره عن الوقت اللى كان فيه الكويت بسيطة جدا

          بحياتها بناسها بمتطلباتهم البسيطة جدا - ينامون بعد صلاة العشا ويصحون

          قبل الفير عشان السحور ايام حلوة وطيبة ومباركة ....

          والله اسعدنى وشرفنى انى اكون من ضمن اللى يعلقون على رسوماتج الحلوة والمميزة .

          ننتظر الجديد والقادم والابداع من اختى الغالية - فلاتحرمينا الجمال والروعة

          دمتى سالمة من كل شر وان شاء الله من اعلى لاعلى .

          تعليق


          • #6
            المشاركة الأصلية بواسطة مشرف مشاهدة المشاركة
            يعطييييج العافيه شفافيه علي هالشي الحلو
            والحقيقه عشنا معاج ذيج الايام ياحلوها وياحلو ناسها
            الله يرحمهم برحمته
            شكرا لج وبانتظار جديدج
            .................................................. .......................

            الله يعافيك ياخوي مشرف..
            اي والله ياحلو هذيك الأيّام اللي راحت..
            وما بقى منها غير اللي بذاكرتنا..
            تسلم ياخوي على مرورك اللي نوّر الصفحه

            تعليق


            • #7
              تسلم الايااادى حبيتى شفافية على هالصور الحلوه ولى ذكرتنا بذيج الايام الى عشناها وكانت حلوه رغم البساطه
              هههههههه تدرين شفافية لما اشوف الدرج صوب الغرفه يذكرنا بمسلسل سليمان الطيب وهو صاعد يبى يشوف سعاد عبدالله

              تعليق


              • #8
                المشاركة الأصلية بواسطة سلوة الروح مشاهدة المشاركة
                تسلم الايااادى حبيتى شفافية على هالصور الحلوه ولى ذكرتنا بذيج الايام الى عشناها وكانت حلوه رغم البساطه
                هههههههه تدرين شفافية لما اشوف الدرج صوب الغرفه يذكرنا بمسلسل سليمان الطيب وهو صاعد يبى يشوف سعاد عبدالله
                .................................................. ..............
                ههههههه اي والله ترى فيه من الدري مال مسلسل سليمان الطيّب لا يكون أبوي العود الله يرحمه مأجره لهم
                ............تسلميلي يالغاليه على مشاركتج الحلوه مثلج

                تعليق


                • #9
                  المشاركة الأصلية بواسطة بو حمد
                  ابداع جميل ... وصج اللى ماله اول ماله تالى ... الله يعطيج العافية شفافية
                  .................................................. ........................
                  تسلم من كل شر ياخوي بوحمد
                  ..
                  مشكور على مرورك الصفحة

                  تعليق


                  • #10
                    المشاركة الأصلية بواسطة * لـحظة سـكون * مشاهدة المشاركة
                    هههههههههههه



                    سلمت الايادى يالغاليه وعساها ماتمسها النار قوللى اميين

                    يهبلون الصور وتعليقات راعيتهم الله لايحرمنا من طلتها الحلوة

                    شفشف قويه جنها 5 سنوات!!
                    ( ودى اصدق ههههه - عاد انا امون علييج)

                    بنتقم منج عقب سالفتج امس وهقتينى .

                    المهم الصور وربى رائعة وحلوة ومعبره عن الوقت اللى كان فيه الكويت بسيطة جدا

                    بحياتها بناسها بمتطلباتهم البسيطة جدا - ينامون بعد صلاة العشا ويصحون

                    قبل الفير عشان السحور ايام حلوة وطيبة ومباركة ....

                    والله اسعدنى وشرفنى انى اكون من ضمن اللى يعلقون على رسوماتج الحلوة والمميزة .

                    ننتظر الجديد والقادم والابداع من اختى الغالية - فلاتحرمينا الجمال والروعة


                    دمتى سالمة من كل شر وان شاء الله من اعلى لاعلى .
                    .................................................. ....................................

                    ههههههه سكون ..تخيّلتيني أم 5سنوات؟؟
                    عجفتين وشرايط ياخذونها بالأمتار أمهاتنا حق شعرنا هههههه..
                    بس والله كل ما تطري علي سالفة أمس أموت من الضّحك هههههه..
                    ...
                    حبيبتي سكون..والله نورتي صفحتي
                    وكلامج العسل على قلبي..

                    تعليق


                    • #11
                      المشاركة الأصلية بواسطة شفافية مشاهدة المشاركة
                      .................................................. ....................................

                      ههههههه سكون ..تخيّلتيني أم 5سنوات؟؟
                      عجفتين وشرايط ياخذونها بالأمتار أمهاتنا حق شعرنا هههههه..
                      بس والله كل ما تطري علي سالفة أمس أموت من الضّحك هههههه..
                      ...
                      حبيبتي سكون..والله نورتي صفحتي
                      وكلامج العسل على قلبي..


                      ههههههههههههههه


                      شفافية والله بالعجايف والشرااايط أم أمتاااااار كنتى ومازلتى احلى كيوت

                      على قولة بعض الناس !!!!

                      هل تذكرين مره انج مابجييتى بعد تمشيط شعرج ؟؟

                      كان تعذيب مو تمشيط وخاصة اللى شعرهم فلافل ..!!

                      لاخلا ولاعدم والله يديم علييج هالضحكة اللى بالامتــــــــــــــاااار .

                      دمتي كما تحبين

                      تعليق


                      • #12
                        سكون حتى السيور ههههههه
                        السّير الأبيض حق شعرنا ..
                        ومن ناحية التمشّط للشعر اي والله تعذيب
                        مع أول يوم المدرسه والجوتي يديد يعوّر أصابع الريل والدلاقات مستنكرتهم عقب العطله ههههه وأول يوم دوام عصرة رطوبه
                        والمدرّسات من أول يوم يهدّدونا..هههههههه
                        والله سوالف حزره حدها..والسبب هذاك الحوش هههههه..
                        تسلميلي يالغاليه سكوني على مرورج مرّه ثانية بصفحتي..

                        تعليق


                        • #13
                          ماشاء الله صج صج فنانه تبارك الرحمن .. شكرا لج ويعطيج العافيه .

                          تعليق


                          • #14
                            المشاركة الأصلية بواسطة باشة الغيد مشاهدة المشاركة
                            ماشاء الله صج صج فنانه تبارك الرحمن .. شكرا لج ويعطيج العافيه .
                            .................................................. ...................................

                            الشكر لمرورج اللي نوّر الصفحة حبيبتي
                            تسلميلي باشة من كل شر

                            تعليق


                            • #15
                              شفافيه..
                              الله يعطيج العافيه تسلمين على هالعمل المميز
                              رائعة رائعة رائعة
                              والكلمات التي سطرتيها تدل على رقي ذوقك

                              الوسام..

                              تعليق

                              يعمل...
                              X