إعـــــــلان

تقليص
لا يوجد إعلان حتى الآن.

ديوانية أبوي العود ..

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ديوانية أبوي العود ..

    بسم الله الرحمن الرحيم
    .....
    رسمت من ذاكرتي لوحة
    لديوانية أبوي العود رحمة الله عليه..
    كما أتذكّرها وكان سنّي لا يتجاوز ال5سنوات
    وبمساعدة والدتي وأخي الأكبر مني سنّآ
    بمساعدتهم كوني لا أذكر كل شيء بالتفصيل..



    كما يبدو باللوحه الوجار بالديوانية,ودلّة القهوة,والرّادو
    الللي يسمع الأخبار والغناوي مالة قبل..
    كما تبدو الساعة العربيةالمعلّقة بالطّوفه كما اتذكّرها(التوقيت العربي)والحماية للنّافذة التي اشتهرت هذه الزخرفة بالستينات,كذلك باب السكّة والدهليزوطوفته اللي باللون الأخضر ,وزخرفة الباب البسيطة وفوقه لوح الزجاج الجميل
    حتى تكون زخرفة الباب واضحه وجميلة..
    وعزّكم الله المداس اللي يلبسه أبوي العود ..



    وهذا جزء من حوشنا الرئيسي,وديوانية أبوي العود
    واضحه بآخر الممر.ولها بابين..باب عالدهليز..وباب عالحوش الرئيسي..اللي كنت أنا وأخوتي نلعب به ونروح بديوانية أبوي العود ويعطينا من هالكَبَتْ الأخضر اللي قبال باب الديوانية الجاكليت والحلاو..
    وكل شي كان له طعم حلو بريجنا..وياحلو هذيك الليالي اللي عشناها مع غالينا..وراحوا وخلّوا أرواحهم في ذكرياتنا..وعمرنا كلّه..ماراح ننسى ماضينا....
    التعديل الأخير تم بواسطة شفافية; الساعة 30-09-2010, 07:05 PM.

  • #2
    رائع ياشفافيه يافنانه
    صدقيني وانا اقرأ ماكتبتيه واشاهد الرسومات عشت معاج ذيج الايام
    وجلست بالدوانيه وتمشيت بالحوش وشميت ريحه البيت القديم
    شكرا جزيلا علي ماقدمتيه لنا ونتمني المزيد من الدرر المكنونه

    تعليق


    • #3
      المشاركة الأصلية بواسطة مشرف مشاهدة المشاركة
      رائع ياشفافيه يافنانه
      صدقيني وانا اقرأ ماكتبتيه واشاهد الرسومات عشت معاج ذيج الايام
      وجلست بالدوانيه وتمشيت بالحوش وشميت ريحه البيت القديم
      شكرا جزيلا علي ماقدمتيه لنا ونتمني المزيد من الدرر المكنونه
      .................................................. .......................................

      عاد ما
      تِخْلى ديوانيته الله يرحمه
      عسانا ما نقعد معاه شوي...قال لنا : قوموا يهّال.... ريّال بيْدِش..
      ...
      ياحلوها من أيّام مرّت علينا...
      تسلم ياخوي مشرف على كلماتك اللي كتبتها في الصّفحة..دمت ياخوي بخير..

      تعليق


      • #4
        [align=center]يعطيج الف عافيه يا شفافيه وصج انج صورتي لنا هالبيت الرائع الي كلنا عشنا فيه احله طفولتنا وخصوص هالليوان الي الحلو وهالدوانيه البسيطه بس والله كانت فيها بركه وراحت البال ... الي شدني اكثر انه الساعه بندولها شغال مع انه من النادر تلاقينه شغال الساعه هههههههههه اشكرج كل الشكر ياست الكل [/align]

        تعليق


        • #5
          ما شالله عليج شفافيه : موشي غريب هالفن الرائع اللي تبدعين فيه
          اسلمت ايدج ولا ننحرم من فنج اللي له حس واقعي نعيشه 0
          وانتي تبدعين بخيالج عشان نعيش معاج احلى ما خطته ايدج 0
          حافظج الرحمن ؛ والمزيد من ابداعاتج 0
          sigpic

          ٺدرۆن ۆش يعنيّ [ صّدآقَہ ]


          يعني إغمآء / وفآء . . مآ منہآ إفآقہ

          يعني ٺفآني . .

          يعني محبہ . .

          يعني قلۆب ٺجمعہآ أنقى علآقہ !

          تعليق


          • #6
            المشاركة الأصلية بواسطة كويتي مشاهدة المشاركة
            [align=center]يعطيج الف عافيه يا شفافيه وصج انج صورتي لنا هالبيت الرائع الي كلنا عشنا فيه احله طفولتنا وخصوص هالليوان الي الحلو وهالدوانيه البسيطه بس والله كانت فيها بركه وراحت البال ... الي شدني اكثر انه الساعه بندولها شغال مع انه من النادر تلاقينه شغال الساعه هههههههههه اشكرج كل الشكر ياست الكل [/align]
            .................................................. ...........................................

            ههههههه...اي..صاج كويتي..نادر ما تلقاه
            يشتغل القلب مال الساعه..
            ترى بس الأوّليّين حريصين على الساعه تكون مضبوطه حق الصلاة.. يالله من فضلك..
            من زود الطّوع..ياحلوهم..وكل ساعه يسألونك :أذّن؟؟
            ...
            تسلم ياخوي على مرورك اللي أسعدني..

            تعليق


            • #7
              تسلم الايادى غاليتى شفافية على هالرسومات الى فى منتهى الروعه رغم البساطه
              وربي يسعدج كما اسعدتنا بهالرسومات الجميله
              ودمتى بخير

              تعليق


              • #8
                المشاركة الأصلية بواسطة اشواق مشاهدة المشاركة
                ما شالله عليج شفافيه : موشي غريب هالفن الرائع اللي تبدعين فيه
                اسلمت ايدج ولا ننحرم من فنج اللي له حس واقعي نعيشه 0
                وانتي تبدعين بخيالج عشان نعيش معاج احلى ما خطته ايدج 0
                حافظج الرحمن ؛ والمزيد من ابداعاتج 0
                .................................................. .............................................


                يابعد قلبي يالغالية أشواقي..
                أحلى شي أرسم بهاللوحات واحنا نسولف بمرسمنا..أحلى أيام مرّت بحياتنا ومع سوالفنا وضحكنا وذكرياتنا طول هالسنين..
                الله لا يغيّر علينا..
                تسلمين على مرورج اللي عطّر الصفحة..
                وديوانيّة أبوي العود

                تعليق


                • #9
                  ماشاءالله لاقوة الا بالله العلى العظيم

                  بصراحة مبدعة خيتى شفافيه واللى قبلى والله ماخلوا لى كلام أقوله

                  والله ابداع وتميز فى الرسم الطبيعى والعفويه والتلقائية فى شرحج للصور

                  وكل كلمة قلتيها خليتينا ننعزل عن الواقع ونعايش ذاكـ الزمن الجميل...

                  الله يرحم أبوج العود ووالدينى وجميع المسلمين ،،،

                  استمتعنا كثيرا بهذة المشاركة ونطمع بالمزيد وعسى الله يزيدكـ خير وبركة

                  فى عمرج ويمتعج بالصحة والعافيه وراحة البال ...

                  دمتى كما عهدناكـ متألقة فى كلامج وأسلوبج وتعاملج مع الجميع .

                  شكرااااااااااا ولاتكفى .

                  تعليق


                  • #10
                    المشاركة الأصلية بواسطة * لـحظة سـكون * مشاهدة المشاركة
                    ماشاءالله لاقوة الا بالله العلى العظيم


                    بصراحة مبدعة خيتى شفافيه واللى قبلى والله ماخلوا لى كلام أقوله

                    والله ابداع وتميز فى الرسم الطبيعى والعفويه والتلقائية فى شرحج للصور

                    وكل كلمة قلتيها خليتينا ننعزل عن الواقع ونعايش ذاكـ الزمن الجميل...

                    الله يرحم أبوج العود ووالدينى وجميع المسلمين ،،،

                    استمتعنا كثيرا بهذة المشاركة ونطمع بالمزيد وعسى الله يزيدكـ خير وبركة

                    فى عمرج ويمتعج بالصحة والعافيه وراحة البال ...

                    دمتى كما عهدناكـ متألقة فى كلامج وأسلوبج وتعاملج مع الجميع .


                    شكرااااااااااا ولاتكفى .
                    .................................................. .................................................. .

                    والله يالغالية لحظة سكون يكفي مرورج اللي
                    نوّرلي صفحتي..وكلامج الحلو..وعسى الله لا يغيّر علينا..حبيبة قلبي..
                    تسلميلي يالغالية من كل شر..

                    تعليق


                    • #11
                      المشاركة الأصلية بواسطة سلوة الروح مشاهدة المشاركة
                      تسلم الايادى غاليتى شفافية على هالرسومات الى فى منتهى الروعه رغم البساطه
                      وربي يسعدج كما اسعدتنا بهالرسومات الجميله
                      ودمتى بخير
                      .................................................. .................................................. ............

                      سلوة الروح حبيبتي أشكرج على مرورج الحلو اللي أسعدني وايد وكلماتج الحلوه
                      اللي فرّحتني واللي تعطيني الحافز لأعطي
                      الأكثر والأحسن..
                      تسلميلي يالغالية.. ياسعادة الرّوح..

                      تعليق


                      • #12
                        مشالله عليج
                        والله يعطيج العافيه
                        والله يرحم ذيج الايام
                        خلي هجرني تكفى ياموت زرني..وإن ماقدرة دلني مكانك وأنا أجيك
                        مآبـــي حياتــي دام خلي هجرنــــي..مآبي حياتي دامه يقول ماأبيـــك

                        تعليق


                        • #13
                          ماشاء الله عليج شفافيه
                          من خلال هالرسمتين عيشتيني فعلا بهالايام الرائعه
                          الوان متناسقه تعطي للعين واقعيه اكثر من الخيال

                          تسلم الايادي اللي رسمت هالابداع



                          [align=center][/align]

                          تعليق


                          • #14
                            الله يعطيج العافية أختي (شفافية) ، تسلم إياديج على هذي اللوحات الله يحفظج من كل شر ، فنانة تبارك الرحمن وبصراحة شهادتي فيج مجروحة يا أختي يا (شفافية) ، أما تبين تعرفين شنو شعور كل من تأمل في لوحاتج الجميلة ثـقي تماما إن قاعد يشوف بيتهم لأنج رسمتي بيتج اللي اهو بيتي وبيت كل كويتي .
                            وعسى الله يرحم أمواتنا جميع.
                            لج مني كل التحية والتقدير،،،

                            تعليق


                            • #15
                              المشاركة الأصلية بواسطة ام حمد مشاهدة المشاركة
                              مشالله عليج
                              والله يعطيج العافيه
                              والله يرحم ذيج الايام
                              .................................................. ..............

                              الله يعافيج يالغاليه أم حمد
                              اي والله ياخيتي.. الله يرحم هذيك الأيام اللي عشناها..أصبحت فقط في ذاكرتنا

                              تعليق

                              يعمل...
                              X