إعـــــــلان

تقليص
لا يوجد إعلان حتى الآن.

الأميرة العباسية وولادة فن الصوت

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    اخي الكريم مؤرخين الكويت جميعهم اجمعوا بان عبدالله الفرج قدم الالحان وعلى رأسهم أحمد البشر الرومي ، واتمنى عدم الطعن في تاريخ الكويت وكلام المؤرخين مثل أحمد البشر الرومي الذي تعايش مع يوسف وخالد البكر وفند تناقل الاغنيه الكويتيه من عبدالله الفرج الى من تبعوه . وغيرهم من الباحثين مثل يوسف دوخي في كتابه الشهير الاغاني الكويتيه وايضا مرزوق الشملان .


    [align=center]
    يعطيكم العافيه جميعا وتسعدني هالمشاركه الجميله منكم والنقاش الراقي الي جمعنا
    واحب اقولك يا اخوي يوسف الكويتي ...
    اولا : مو احنا الي نطعن بتاريخنا وهذا الكلام الي نقوله متوارث ومسموع ولحقنا وشفنا وقعدنا
    والشي الي لنا نقول لنا والي مو لنا بنقول ماهو لنا هذا اهوه الرجل الكويتي ولا احنا من الي ننسب الشي الي ماهو لنا لحاجه او لي غرض علشان يقربني ولا يوصلني لوظيفه بالاعلام !!!!
    وللا احنا من الناس الي الفن يوكلهم خبز ولاهي رزقتنا عليه !!!!!
    وعلى فكره يا اخوي احنا ما نشكك ولا نطعن في اي شخص واي ( مؤرخ ) من الي انته ذكرتهم ولهم قدر كبير عن اهل الكويت لكن تقولي فلان ولاعلان!!! امس واليوم وقالي كلمتين انا اقولك مااقتنع ولا اقرأ له .. والكل له وجهة نظر وانا اقولك وهذا على لسان الفنان الكويت الاول عبدالطيف الكويتي بانه الفنان سعود الراشد لا يجيدد العزف على العود وفضل الفنان غازي العطار بانه افضل منه بجمال الصوت واعتقد لمه تاخذ الكلام من فنان كبير بهذا المستوى والقدر عن رايه بالفنون والمطربين افضل من ما تاخذه من مؤرخ يجمع الكلام المسموع بكتاب[/align]

    تعليق


    • #17
      اشكرك اخي كويتي على وجهه نظرك

      محشوم اخوي بالعكس نتمنالك كل خير وانشاءالله تحصل على احسن وظيفه بالاعلام ...

      اخوي كويتي اعتقد انك طعنت بكلام المؤرخين وخصوصا أحمد البشر الرومي واحمد البشر مو اي شخص كما تعتقد او انه مؤرخ اخذ الكلام المسموع وكتبه، الرومي هو من عاصر وتعايش مع يوسف وخالد البكر وسجل ليوسف البكر الاصوات التي لحنها عبدالله الفرج وقدمها للاذاعه والتساجيل موجوده . وكلام أحمد البشر الرومي واضح من خلال تفنيده لتناقل فن الصوت من عبدالله الفرج الى يوسف البكر . واجمعوا على هذا الكلام جميع المؤرخين والباحثين ..!
      وانت تقول ييب دليل انه عبدالله الفرج لحن اغاني الصوت ، اعتقد هذا طعن في التراث والصوت الكويتي.
      اما بالنسبه لسعود الراشد انا لم اتحدث على عزفه او صوته ، اللي اقصده ما اضافه سعود الراشد على الحان فن الصوت اكثر بكثير من ما قدمه محمد بن فارس لفن الصوت وايضا عبدالله الفضاله قدم الكثير من الالحان

      واتمنى انك تذكر المصدر اللي ذكر فيه عبداللطيف الكويتي بأن سعود الراشد لا يجيد العزف على العود ..!

      اخوي هناك اسأله كثيره لم ترد عليها من الاخوان بواحمد وبوبشار اتمنى انك ترجع تقرأ اللي كتبوه الاخوان وانا ردي كان عن جزئيه معينه ولكن اللي كتبه الاخ بوبشار مع المصادر الموجوده تثبت جميع الحقائق

      والسموحه يا الغالي
      [BIMG]http://im1.gulfup.com/2010-09/12834360691.png[/BIMG]

      تعليق


      • #18
        [align=center]يعطيك العافيه يا عزيزي يوسف الكويتي واشكرك على سعت صدرك واهم مافي الموضوع انه الكل يطرح وجهة نظره والي اسمعه والي شافه واهم شي نطلع من الموضوع راضين على بعض ومحنا انشاءالله شايلين على بعض وهم احب اشكرك على مشاركاتك الجميله ومواضيعك الي اسعدتنا وخاصة الاغاني الممتعه للفنان الي كل اهل الكويت من تسمع صوته تحس بسعاده و بامان واغنيته المشهوره رفرف ياعلم بلادي ...
        واقولك يا اخوي اني ما طعنت باي مؤرخ كويتي مستحيل وياليت تقرا الرد على راحتك بالعكس انا من شدة المعجبين فيهم وبغيرهم من يكتب الحقائق ولاني بحاجه لي وظيفة في وزارة الاعلام ولو حصلي هذا شرف لي ماعلينا ...
        الي اقصده وهي مصادر الي تطرق لها اخوي بوبشار ياليت يوضح لنا عن تاريخ الاشخاص الي كتبت هذا الكلام مع احترامي الشديد لي الشاعر مبارك العماري وعيال الكويتي الي لهم بصمه في الفن الكويتي القديم والي انا شايفه اما عن المصادر الثانيه مادري جان اهما لهم بصمه ( كويتيه ) ولا لهم الفضل على فن الصوت انا اعترها مجرد اجتهاد بعد بحث في النت ولا بره النت وكتبها لي حاجه في انفسهم وياليت الكل يسأل على جزئية علشان انتناقش وحده وحده وانا ذكرت هالشي قبل ياليت ترجع وتشوف ماهي شغلة بحث بالنت واعرض فيها روابط واقولك شوف وجاوب جذيه ما نخلص لانه لو تبحث راح تلاقي اكثر من عشرين موضوع والكل مختلف وله وجهة نظر ....
        ياليت الكل يحط نقطه نقطه علشان نعرف نرد عليها ..
        وبالنسبه للفنان عبدالطيف الكويتي راح اعرض الحديث الي دار بخصوص الفنان سعود الراشد ...
        اما عن الفنان سعود الراشد ومقارنتك له بالفنان محمد بن فارس ...( بأختصار ) الكل مجتهد بعصره لكن سعود الراشد اخدمه الزمن بتطوير الآلات الموسيقيه والتصوير والعازفين الي معاه ولو اني شايف انه بعض الاغاني البطيئه سرعها والاغاني السريعه بطئها مع ادخال بعض الموسيقا لاعطائها جمال اكثر!!!!! وأغلبها نفس الكلام ونفس اللحن نحن لانكر فنانين الكويت الذي امتعونا واطربونا بفنهم واصواتهم ولكن هم الفنانين البحرينيين لهم تاريخ والدليل على ذلك مازالو فنانين الكويت من السبعينات وهم يسيرون على نفس الخط ونفس المدرسه البحرينيه واعتقد ما له داعي اذكرك منو هالفنانين علشان لا نفتح على انفسنا باب مصكر لانهم لا واحد ولا اثنين ولا خمسه وهذا دليل انه مدرسة الصوت البحرينيه ماني قايل افضل او تتفوق لا بقول اطرب عند الي ما ينطرب !!!!! او يمكن مدارس فن الصوت الكويتيه وفنانينها كانو صعبين ومن المستحيل او من الصعوبه ان تسير على نفس سيرهم او الخطى الي بدؤ فيه ....
        وارد واقول مو كل من هب ودب وكتب ولا سواله دراسه قال انا فاهم ولا هذا صحيح مازالو اهل الكويت وبعض الي عاصر الجيل القديم الله يعطيهم الصحه والعافيه موجودين وعندهم معلومات بس مالهم بالنت وبالآخر اسمحلي اذا في اخطاء املاء لاني ما احب اقرا الي اكتبه [/align]
        التعديل الأخير تم بواسطة كويتي; الساعة 16-09-2010, 03:59 AM.

        تعليق


        • #19
          افا عليك وانا اخوك انشاءالله ما بينا زعل بالعكس تشرفنا بمناقشتك ياخوي

          وعسى الله يوفقك ياالغالي
          [BIMG]http://im1.gulfup.com/2010-09/12834360691.png[/BIMG]

          تعليق


          • #20
            العفو يا خوي يوسف الكويتي واهم شي الهدف واحد انا وانته واخواني الي بالمنتدى
            وانشاءالله راح ارسلك الحوار الي دار بين الفنان عبدالطيف الكويتي بخصوص الفنان سعود الراشد
            لاني ما افضل اني اعرضه على المنتدى اذا اسمحولي الاخوان في هالجزئيه ....

            تعليق

            يعمل...
            X