If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
هالأغنيه لها قصه طريفه معاي !! أيامها زرت ديوانية شياب و دخل علينا بو إبراهيم (( بو إبراهيم ريال في أواسط الستينيات من عمره و هو أحد مؤسسي هذه الديوانيه )) .. دخل علينا بو إبراهيم تسانده على اليمين عصاته و يسحيه من الشمال سايقه الهندي لكنه دخل و هو يغني طربان (( شكاني الهوى شكه المسله ... تفكيري انا ماهو بمحله )) و كان شريط العنود توه نازل فسألته ها بو إبراهيم طربان اليوم رد بفرح و قال ... إيييييه اليوم انا شفت الحبيبه !! هني انا انصفقت شلون شايف الحبيبه ؟ قال ايييه صار لي جم يوم ما شفتها ... و بعدها عرفت قصة حبه حيث انه كان يحب من اكثر من ثلاثين سنه لكن ما صار نصيب و اليوم اللي يحبها اصبحت بنتها جارت بنت بنت بو إبراهيم و اصبح في كل يوم ثلاثاء يروح حق بنت بنته و يقعد ينطر بره البيت قدوم الحبيبه العيوز مع الدريول يشوفها من بعيد لين يرتاح و يمشي . الحب يا خوي يا عزيزان ما يعرف كبير و صغير و شكاني الهوى وحده من اجمل أغاني الحب الكويتيه الحان راشد الخضر و افضل ما قدمت العنود مع أغنية دقة الساعه الحان سليمان الملا ( هذا باعتقادي طبعا ) . شاكر لك جدا هذا التميز و آسف على الإطاله . تحياتي ... أسير الحبايب
تعليق