إعـــــــلان

تقليص
لا يوجد إعلان حتى الآن.

جفني لطيف..صوت

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جفني لطيف..صوت

    الفنان الراحل
    غريد الشاطئ

    صوت
    جفني لطيف



    كلمات الصوت

    جفني لطيف الكرى ياصاح قد هجرى
    ودمع عيني دماً يوم الفراق جرى

    ومقلتي من جفا الاحباب باكية
    ترعى النجوم وباتت ليلها سهرى

    ولا رسولا عن الاحباب يخبرني
    ولا كتابا ولا علما ولا خبرا

    اسأل الشمس عنكم كلما طلعت
    ولى غابت الشمس اسأل عنكم القمرا

    واسأل الليل ثم الليل يخبرني
    كذلك الصبح اسأل عنكم الفجرا

    خلت قراطيسكم ام جف حبركم
    ام كاتب مات ام اقلامكم كسرا

    كونوا دواء لعيني كلما رمدت
    وان مسحتم عليها يرجع البصرا
    الملفات المرفقة

  • #2
    خلت قراطيسكم ام جف حبركم
    ام كاتب مات ام اقلامكم كسرا

    والصحيح
    قلت قراطيسكم ام جف حبركم
    ام كاتب مات ام اقلامكم كسرا


    [align=center]لك هل تعرف من قائل هذه الابيات اخوى كويتى
    وشكرا لك على الاغانى
    ان شاء الله مافيها اللى خبرك ههههههههه
    [/align]

    تعليق


    • #3
      [align=center] اخوي بوبشار
      شكرا على تصحيح الخطأ الاملائي

      بس فيها الي خبرك انا ما انزل شي الا الي خبرك سابقها
      لانها حصرية لمنتدى نايس كويتي اهم شي انكم تسمعون وتنطربون

      طريقة سؤالك لي جنك متأثر حيل بمنتدى !!!!!!!
      بس ياخوي مادري ليش زعلان على الأغاني العراقية الي قاعدين ننزلها عندنا بالمنتدى مع انك عضو فعال وقوي بمنتداهم الشهير الي ما اعتقد في احد من اعضائنا قط مره دشه
      ولك وضعك ونشاطك الفعال بينهم

      احنا لمه ننزل الاغاني الخليجيه هذا حق علينا للسميعه ولا نقصد انه نسحب البساط من المنتديات الثانيه الكل مجتهد
      وبالآخر المستمع اهوه الربحان

      وبليز يا بعد جبدي لا تشكك الناس بوطنيتنا تره الي قاعد يصير بموقع ومنتدى نايس كويتي وبشهاده الكبار من العمالقه اعلاميين وفنانين وشخصيات بارزة
      انه هذا توثيق لديرتنا الغاليه

      ومن غير اي مقابل او دعم من اي شخص
      كل هذا بهمة اهلها وعيال بطنها والي انته واحد منهم
      [/align]

      تعليق


      • #4
        المشاركة الأصلية بواسطة كويتي مشاهدة المشاركة
        [align=center]
        بس ياخوي مادري ليش زعلان على الأغاني العراقية الي قاعدين ننزلها عندنا بالمنتدى مع انك عضو فعال وقوي بمنتداهم الشهير الي ما اعتقد في احد من اعضائنا قط مره دشه
        ولك وضعك ونشاطك الفعال بينهم
        [/align]
        هذى ياخوى كويتى ما فهمتها - اى منتدى تقصد ؟
        منتظر منك الرد - حتى لو برساله خاصه

        المشاركة الأصلية بواسطة كويتي مشاهدة المشاركة
        [align=center]
        وبليز يا بعد جبدي لا تشكك الناس بوطنيتنا تره الي قاعد يصير بموقع ومنتدى نايس كويتي وبشهاده الكبار من العمالقه اعلاميين وفنانين وشخصيات بارزة
        [/align]
        ياخوى مو انا اللى اقيم الوطنيه عندك او فى غيرك ولا شككت فيها
        والنعم فيكم كلكم واولهم انت
        وانت حطيت كلام بحلجى وانا برئ منه
        الموضوع ومافيه انى ابديت رأيى وهنى حريه ابداء رأى - مو جذيه؟

        اما عن اللى خبرك انا وضعتها على سبيل المداعبه
        والحين عرفت انك ماتحب مداعبه من هذا النوع

        تعليق


        • #5
          [align=center]هلا اخوي بوبشار
          الي خبرك ماتزعلني بالعكس انا احب الدعابه خصوصا مع شخصية راقيه مثلك
          واحنا كلنا متعودين على ردودك ونعرفك زين ونعرف انك انسان تحب الغشمره ( المداعبه ) بالردود
          وهذا الي يعطيها حلاوه اكثر والي تخلي الكل ينتظر منك رد وتعليق جديد ومفاجئ منك
          سواء نقد او مدح كل الي يطلع منك عسل ياعسل
          وانا تره ما ازعل من احد ولا احب ازعل احد
          وانته اخ كبير وعزيز علينا كلنا ونتقبل منك كل شي مهما كان
          ولك كل الود والاحترام

          ثانيا بالنسبة للوطنيه
          كلنا عيال الكويت وان شاءالله محد يشكك بوطنية احد

          اما الشغله الثالثه
          ارسلها لك افضل برسالة خاصه
          للمصلحه العامة

          وهم ارجع واقولك انته الكبير ولاني زعلان منك [/align]

          تعليق


          • #6
            موفق بإذن الله ... لك مني أجمل تحية . كويتي والجميع

            تعليق

            يعمل...
            X