إعـــــــلان

تقليص
لا يوجد إعلان حتى الآن.

جانى واحد قالى بسال جم سؤال

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جانى واحد قالى بسال جم سؤال

    جانى واحد وقالى
    بسأل كم سؤال
    وقبل يسأل قلت : أنا ماني خبير !
    قال: جاوب بس , يا ولد الحلال
    وكل كلمه حِطَّهَا .. فبيتٍ صغير
    قال نبدي : شنهو تعريف المُحال..؟
    قلت :
    خَل الكلمهـ
    فـ الشطر الأخيـر ..!
    القهر : إن شفت دمعـات الرجال
    والوطن : ( إنسان ) .. مِتغيِّر كثير
    والطفل : لعبه على شاطـي الرمال
    والأمل : إحساس في عين الضرير
    الوفا : [ قلبين ] .. يجمَعهُم حلال
    والرَجُل : اللـي علـى أهلـه يغير
    والرجا : لا قلت : للواطـي تعال
    والفشل : مدري .. ولكنـه مرير
    الشعر : في وقتنا .. بدر وطلال
    وكان أوَّل : حيـل يعجبنـي جرير ..!


    والغلا : إحساس إلى حَـد الخيال
    والعِشِق : لا شفت مَعشُوقِك تطير
    والجفا : إعكس مفاهيم / الوصال
    والوَصِل : يعنـي تأكَّـد فيك خير
    والعقل : تِسْفَـه أقاويـل الجهال
    والجهل : إن قلت عن نفسك كبير
    والخطر : لا صار ما عندك مجال
    والبلا : إن صرت معدوم الضمير
    والعجب : لا صرت تسأل منهو قال
    والتعب : إن كنت تِبْحَثْ عن مصير
    الغنى : بالنفس ما هو راس مال
    والفقر : من كان .. بأعماله فقير


    يكفي يكفي .. أسئله إنهي الجدال
    ويالله علمني عَن .. السِّر الخطير
    ما أبي تضرب لي في غيرك مثال
    قول : عنِّك وإعتبر سِرِّك في بير


    جات طعنـه مِن جنوبك والشمال
    يعني وضعِك بين مِن حُولك خطير


    صاحبـي وإن ضاقت بعينك ليال
    لك فرشت القلب مفروش الحرير


    في [ بلاد الحلم ].. ممنوع العقال
    والمصيبه الشعب ما أختار الأمير




    وما ألومك .. كان شدِّيت الرحال
    دام بيتك جرح / وفراشك حصير


    هذا تعريفي إلى كلمة : مُحَال

    شي ودِّك فيه ولا يمكن يصير ..!


    تحيآتي

  • #2
    خوش حجي ياسلوه الروح
    يعطيج العااااافيه

    تعليق


    • #3
      المشاركة الأصلية بواسطة مشرف مشاهدة المشاركة
      خوش حجي ياسلوه الروح
      يعطيج العااااافيه
      تسلم مشرف واسعدنى مرورك
      ودمت

      تعليق


      • #4
        عور قلبي هالكلام



        شكرا جزيلا على الكلام اللي يمس الروح
        أنا عمر بلا شباب و حياة بلا ربيع
        أشتري الحب بالعذاب أشتري فمن يبيع

        تعليق


        • #5
          المشاركة الأصلية بواسطة kurinkato83 مشاهدة المشاركة
          عور قلبي هالكلام



          شكرا جزيلا على الكلام اللي يمس الروح
          سلامة قلبج يالغلا
          واسعدنى مرورج الحلو
          ودى وردى لج

          تعليق


          • #6
            خوش كلام قواج الله كلام يطرب
            [align=center]
            [BIMG]http://im1.gulfup.com/2010-09/12844640011.bmp[/BIMG]
            [/align]

            تعليق


            • #7
              الله يقويك كدرى- الرتقه واسعدنى مرورك
              ودمت

              تعليق


              • #8
                [align=center]يعطيج العافيه وكلام حلو وفعلا اي واحد يقراه ينعجب فيه[/align]

                تعليق


                • #9
                  الله يعافيك كويتى واسعدنى مرورك الجميل
                  ودمت

                  تعليق


                  • #10
                    دائما مبدعه يا سلوة
                    خلي هجرني تكفى ياموت زرني..وإن ماقدرة دلني مكانك وأنا أجيك
                    مآبـــي حياتــي دام خلي هجرنــــي..مآبي حياتي دامه يقول ماأبيـــك

                    تعليق


                    • #11
                      كلج ذوق ام حمد وماقصرتى غاليتى

                      تعليق

                      يعمل...
                      X