إعـــــــلان

تقليص
لا يوجد إعلان حتى الآن.

اقول بسّك .. مكابر و عناد !

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اقول بسّك .. مكابر و عناد !

    [align=right]
    ياخي حاب هالقسم مادري شسالفتي .. هالجم يوم
    ريحته خنينه
    شنو بخوركم يا جماعه الخير


    ندخل بالموضوع ..
    مساكم الله بالخير و الطيب و الامان



    موضوعي عن الوداع .. الرحيل .. الغياب .. الجفى والتزعّـل ..

    لاصاروا اثنين متوافقين متوالمين .. متآلفين ..
    و من تصير بينهم مشكله لو هالتبين !! نتيفه .. تزاعلوا وصدوا !
    طيب .. ماعليه صدوا روحوا بعدوا شوي ، لحظات صمت .. ايام تفكير بس !!
    تمتد اشهر و سنين .؟!
    وين الذكريات و الايام الحلوه ..؟ و ليش ماكو شي يشفع ، و ليش احنا ناكرين الطيب مانذكره لبعض؟
    شفايده الرفجه و الايام الخوالي

    وليش لي اجمعتنا الصدفه ( و الله مسكينه هالصدفه تحاول ) بس بولابس معطينها
    نسوي روحنا ما نشوف بعض
    اعوذ بالله شنو قساوه هالقلب اللي تحوشنا و تخلينا بفتور ؟
    ماكنا احباب يعني .. وكنا اصحاب ..

    المشكله وايد امور و اماكن و اشياء تذكرنا فيهم و تذكرهم فينا ومع هذا ندوس على هالقلب
    وعليه صار دواسه و احنا ندوس عليه
    ونسوي روحنا طاف و اهوا الصج مو طاف !


    يا جماعه الخير ترى الناس للناس و الدنيا ما تسوى فانيه
    و النعم زواله و ترى الاخوه و الصداجه نعمه
    ترى الدنيا فانيه ورايحه و العمر !! شنو العمر ترى اخره موت


    مااقول الا خيركم خيركم من يبدا بالسلام
    صير الجبير .. صير الزين و لا تخلي الشيطان يرز ويهه !! ابليسو الودر ايتكركر عليكم
    ويقولك لي متى و انت الزين؟ وانت الطيب .. ايه و مالو ؟
    صير دايما الزين .. ترى الزينين الله يوديهم الجنه و الشريرين يدشون النار


    عسى الله يصفي القلوب ..
    آنا اقول .. امسك موبايلك و شوف انت مقصر بمنو و منو ما يستاهل هالزعله ..
    كان الشي تافه و سخيف ، ولا تصير ياهل .. كبر عقلك و كبر قلبك ..
    ودز مسج طيب ..

    اللهم اني احبك و احب من يحبك و احب كل عمل يقربني من حبك
    اللهم ان هذا العبد احبه فيك فاجمع قلبينا فيك و في حبك


    وبسك تغلي و عناد
    ترى الصديج وقت الضيج
    و اذا بتظل جذي .. بتعاند و تتزعل و ماتسامح جنك ياهل
    بطشّر الربع كلهم ..
    [/align]
    :
    ,
    Twitter Account

    ,


  • #2
    ههههههههههه عسى دوم انشالله نشوف مواضيعك اخوي ..


    قواك الله اخوي على الموضوع بصراحه استفيد وايد من كتاباتك الشيقه ..

    يسلملي راسك وماقصرت ..

    بأنتظار جديدك ..
    يـخـاطـبـنـي السـفيـه بـكـل قـبـح فـأكـره انُ اكـون لـه مجـيـبـاً ..
    يـزاد سـفـاهـةً فـ أزداد حـلـمـاً كـعـودٍ زاده الإحـراق طيـبـاً ..
    Follow Me On Twitter :@Bo_Mohammed_Q8

    تعليق


    • #3
      اللهم اني احبك و احب من يحبك و احب كل عمل يقربني من حبك
      اللهم ان هذا العبد احبه فيك فاجمع قلبينا فيك و في حبك

      [align=center]
      تسلم أخوي وطن النهار على هالموضوع الحلو بصراحه الله يجزاك كل
      خير ويرزقك الصحه العافيه ,,
      الانسان دم ولحم ومشاعر يعنى كتلة مشاعر ومرات تحوشه عرات وضيقة
      خلق ونفسيه تعبانه وزعل ..الخ
      بسبب الظروف او اشياء خارج سيطرته او من ناس ماتقدره او تستخف
      فى مشاعره أو مايفهمونه عدل وبعدها يسيئون له ويضايقونه زياده !!
      وفى موضوعك تقول بقول رسولنا الكريم عليه أفضل الصلاة والسلام بأن : خيركم من يبدأ السلام ,, كلا صحيح ولكن ماصارت هم أهم يغلطون عليك وتتحمل الغثا وتكسر الشر وتحاول ترد المياه الى مجاريها
      وبدون فائده !!
      سبحان الله قلوبهمم مازالت شايله علييك بالله شلون تتصرف معاهم ؟!!
      عالعموم والله الموضوع من اول كلمه الى أخر حرف بقمة الروعه
      والجمال وعسى الله ان يهدينا جميعا ويمسح على قلوبنا وكلنا خطاء وخيرنا التواب !!


      لك منى كل الشكر والتقدير ,,
      [/align]

      تعليق


      • #4
        [align=right]


        احسنتي بارك الله فيج

        و الله يا غوالي قاعد اقرا ردج مره مرتين ،،
        اقول سبحان الله شلون قاعده تقول اللي بنفسي و اللي بداخلي بالضبط

        بالضبط الانسان ,.
        كتله مشاعر و تتغير نفسيته مثل الفصول الاربع
        لكن وين اللي يفهم هذا الشي
        و اللي يعتبر الطرف الثاني آله ,, لازم تكون على وتيره وحده


        قواج الله مرور جميل
        و رد اجمل ،،
        [/align]
        :
        ,
        Twitter Account

        ,

        تعليق


        • #5
          شكرا لكم وطن النهار
          الله يعطيكم العافية

          تعليق

          يعمل...
          X