إعـــــــلان

تقليص
لا يوجد إعلان حتى الآن.

Nick Name .. اسم المعرّف أو اللقب !

تقليص
هذا موضوع مثبت
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • Nick Name .. اسم المعرّف أو اللقب !




    السلام عليكم ورحمه الله وبركاته





    يمكن البعض .. اول ما قرأ العنوان استنتج .. بعض ملامح الموضوع
    او المشاركه المطروحه ..

    والبعض ما استشف المعنى او القصد ..
    اكيد كلنا .. نحمل ألقاب و اسماء و بعضها لها مناسبات و ذكريات
    و اسباب .. في ان تم اختيارها لنا كي تكون لصيقه لنا كـ اسم او شبيهة بالاسم
    و نعرف بها و تعرف الغير بنا ..

    الاكيد ما تم و ضع او اختيار هذا اللقب او ال nick name
    عبث او بدون هدف او بدون سبب .. الا يمكن القليل القلة اللي اختاروا
    القابهم .. بدون سبب .. و للأسف اذا تم اختيارك للقب الذي يمثلك
    ويمثل شخصك و حروفك و رايك .. عبث او اعتباط .. او بدون سبب ..

    فـ ودنا نعرف مناسبات القابنا و اسباب اختيارنا لها
    ودنا نعرف حكاية و قصة كل لقب

    من باب الفضول من باب التقارب من باب البحث في المجهول
    ومن باب التعريف بشخصيات الغير ..
    فكرهم .. اسلوبهم نمطهم .. و حتى الكريزما في تلك الشخصيات المختلفه


    البعض يشوف ان الموضوع مجرد لقافه ..
    والبعض يشوفه لطافه

    والبعض يشوفه بدون معنى !! سخافه

    والغالبيه اتوقع يشوفه .. @@ ثقافه مو


    عاد يالله ولا عليكم امر !
    صارلي قرن مو مشارك و الحين شاركت !
    لا تكسرون بخاطري ...

    خلوني احلل شخصياتكم



    يمكن اسوي مسابقه
    لاجمل لقب !
    واخليه يتمخطر رايح راد
    بالمنتدى و نصفق له


    :
    ,
    Twitter Account

    ,


  • #2
    يعطيك العافيه وطن النهار على هالطرح الحلو اللطيف
    انا بالنسبه لى لما اختار النيك نيم احس انه قريب لنفسي او عاجبنى او اسم شخص اعزه او شخص اطلقه عليه
    انزين وطن النهار حابه اسالك ؟؟؟؟
    -ما سبب اختياركـ Nick Name ؟؟
    وطن النهار!!!!!
    واخيرااا شكرا لك

    تعليق


    • #3


      هلا وغلا سلوة الروح

      هاجنّج ما جاوبتي .. صايره دبلوماسية بردّج طال عمرج !
      تكلمتي برد عايم و ما حددتني سبب نك نيمج
      عاد بصراحه .. شحلاته نك نيمج .. شغل عدل مدل ..


      والله يا سلوة
      مادري صايرتلي نيرفانا ادريس و بتقابليني
      ما عليه .. راضي بالسؤال و بجاوبج عليه مع اني ما احب الاضواء
      والشهره بس يالله عشان نايس كويتي كل شي يهون


      ابي شي يدلل على الكويت بطريقه مباشره و غير مباشره
      و احداث 2\8 التاريخ الاغبر لي الحين عايشه فيني
      و بنفس الوقت احداث 26 فبراير اللهم لك الحمد و شوفتنا للنور مره ثانيه
      من بعد الظلام .. هم بعد فيني !

      ماكو الا وطن النهار !
      هالاسمين يجمعون .. حقبه تاريخيه .. امتدت من ولادتي .. لي الحين !
      شدعوه علي


      عموماً اغنيه وطن النهار تمثلي الشي الكثير
      و هالاغنيه احسها تجسد الكويت من جره البدايه .. من بوح اللحن و صرخته !
      فينا لي نهايه الاغنيه .. تمثل جرح كبير بخاصره الوطن و رحمة الله فينا
      وكيف ان الكويت .. يحميها رب عظيم ...

      عسى دوم يارب العالمين ...


      وفي شي مهم ما ابي اغفله ...
      فـ لقبي كان مشترك ما اخترته بروحي .. كان ايضاً مشاركه و مقترح من انسان
      عزيز علي و على قلبي جداً ...

      عشان جذي شورته من بعد هداية رب العالمين
      و اصبحت وطن النهار ...

      شايل الوطن على جتوفي ...
      خفيف على قلبي برد و سلام .. و حب
      :
      ,
      Twitter Account

      ,

      تعليق


      • #4
        تسلم وكلك ذوق وذكرتنا بنرفانا ادريس ههههه الله يذكرها بالخير
        ومشكور وطن النهار على الرد وانا حسيت انه مرتبط باغنيه وطن النهار وابطال كان لهم دور فى اليوم المشئوم 2-8 وفبراير التحرير والامل بعد الغصه وبعد الالم والمعاناة
        وبالعكس كنت واضحه بردى لان انا لى عدت اللقاب فى عدة منتديات ولكن بصراحه القريب الى قلبي والى شخصيتى سلوة الروح لانها مثل ماقالو سلاه لكل مجروح وايضااا النيك نيم الاخر وهو فى الموقع لنايس كويتي وهى alnoor لان النور يمثل لى كل شى الوضوح ويمثل لى طلوع النور بعد الظلام واشراقه ويعنى لى الامل
        وبصراحه النيك نيميك يحمل معانى الامل نك نيم رائع
        التعديل الأخير تم بواسطة سلوة الروح; الساعة 04-06-2011, 04:36 PM.

        تعليق


        • #5

          شاكر لج ..
          ذوقج و كلامج و ردّج


          واي والله سلوة الروح
          عساها دوا المجروح يا اختي ..

          قواج الله ونورتي بردّج المشاركه
          :
          ,
          Twitter Account

          ,

          تعليق


          • #6
            [align=center]يعطيك العافيه اخوي وطن النهار على هالموضوع الجميل
            بس اتمنى ان يكتمل الموضع بوضع مسابقه لاجمل نك
            لاني بكل فخر اقولها اني انا الي راح افوز بهذا اللقب
            والي عنده اعتراض ماراح اكمل

            من باب المزحه طبعا فري كويت
            فعــلا فيــه بعــض الا سمــاء يـقــراهـا الواحــد فيـنــا ويـبـنــي صــوره خـاطئــه عـن صــاحبـهـــا
            وبعــض الاسـمــــاء تكــون رائـعـــه ولـكــن تحـتــاج الى ايضــاح مـن اصـحـــابـهــا
            وبعض الاسماء تخفي خلفها معاني واسرار
            ولكن بالآخر المعنى بقلب الشاعر كما يقال
            ويمكن البعض يحب يخفي المعنى ليلفت ويشد انتباه الاخرين نحوه
            فإذا عرف السبب بطـــل العجب

            بالنسبه لي انا اخترت كويتي
            لاني كويتي وافتخر
            [/align]

            تعليق


            • #7


              عدل طال عمرك
              كلّك عدل ..
              ومافي اعتراض .. !



              اي يا كويتي كملت الموضوع ..
              فعلاً .. في الاستزاده افاده
              هذا ايضا ماكنت اصبو له ..
              اللقب او النك نيم .. يمثل صاحبه
              يمثل شخصيته
              فكره اخلاقيته
              احيانا مزاجه اللي كان عليه وقت التسجيل
              والدخول بالمعرف
              احيانا يعكس .. شخصيه خفيه فيه
              او جانب .. مجهول

              واحيانا جانب بائن
              وفعلاً اتوقع ان الغالبيه اللي يتسمون بألقاب
              فيها من الصفات او السمات الانسانيه او الاطباع
              او التشبيهات فهي اتوقع للفت الانتباه ..

              و ترى لفت الانتباه مو دايماً عيب ..
              لكن ان زاد عن حده كـ جميع الاشياء فهو عيب
              و يدلل على نقص و قصور


              احسنت في ردّك و كلنا فخر يا كويتي بلقبك
              ووجودك
              :
              ,
              Twitter Account

              ,

              تعليق


              • #8
                [align=right]



                حبيت اضيف شغله على هذا الموضوع

                مرات الانسان يبيّن ابداعه
                سواء الابداع السلبي او الايجابي
                من النك او المعرف

                يختار نك يلفت الانتباه
                يطلع عن الألوف العادي

                على قولتنا يفنتك فيه

                تحيه للمبدعين الايجابيين والله

                [/align]
                :
                ,
                Twitter Account

                ,

                تعليق


                • #9
                  آمممم

                  أتوقع إن نكي وآضح < مو هع

                  ،
                  من وآقع تجربه (فآشله) عشتهآ ،

                  تعليق


                  • #10
                    هذا أسمي الصجي



                    { هويتك يوم لي قلبٍ يهلي لاسمع طرياك *ونسيتك يوم لك قلبٍ رضى في يوم ينساني }

                    تعليق


                    • #11
                      لم أختر لقب لنفسي
                      وسن هو إسمي الحقيقي
                      ..............................
                      موضوع جميل جداً
                      أعجبني كثيراً
                      شكراً لكم

                      تعليق


                      • #12
                        إختياري لقب ((شفافيه))
                        حبّي لكلّ المعاني التي توحي بالشفافيه والجمال والعذوبه..
                        ....
                        شكراً جزيلاً على هذا الموضوع..
                        فعلاً موضوع جميل جداً

                        تعليق


                        • #13
                          مع أن مشاركتي بالموضوع متأخرة شوي.. إلا أن الموضوع يستحق المشاركة فيه.. والكتاب واضح من عنوانه.. فسبب إختياري لـ cameraman هو حبي وتعلقي بهواية التصوير بنوعيها الفيديو والفوتوغراف.. فأول كاميرا حصلت عليها كانت من نوع كانون وكنت أصور فيها الفيديو وبعدين آخذ الكاتريج وأوديه شركة آلات التصوير السينمائية ( أشرف ) علشان يحمضون الفيلم ويخرجونه على شكل بكرات سينمائية 8ملم.


                          موقعي الشخصي

                          تعليق


                          • #14
                            إختياري للقب عبادي
                            لأن إسمي عبدالله
                            لكن الأغلبية يحسبون 95
                            مواليدي..وهذا غير صحيح..
                            أنا من مواليد 1990
                            انولدت بالغزو
                            والحين عمري 21سنه وداش بال22
                            وسبب نكي بإضافة 95
                            هالرّقم عزيز علي وااايد
                            وما راح اقول ليش عزيز علي واايد

                            تعليق


                            • #15
                              أنا إسمي الحقيقي أحلام
                              ثااانكيوو وطني النهار

                              تعليق

                              يعمل...
                              X