إعـــــــلان

تقليص
لا يوجد إعلان حتى الآن.

الى 000الى000اعز النااااااااااااااااااااااااااس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الى 000الى000اعز النااااااااااااااااااااااااااس

    طريقة لنسيان اعز الناس...


    اهليييييين ...
    من يبي يتخلص من أعز الناس ؟؟؟
    طيب خلونا نشوف سبب هالرغبه ؟؟؟؟
    مليت منه...
    طفشت من اسلوبه ...
    صار بايخ ...
    تحس انه لازم تفارقه
    يمكن مايعجب اصدقائك مثلا ؟؟؟
    جاء يوم الوداع مثلا..
    المهم تبي تفارقه صح ؟؟
    يقولون اللي يبي يفارق اعز الناس عنده راح يلقى عذر له في النهايه ..
    يعني طريقه الفراق ابدا ماهي مشكله دام الرغبه في الرحيل موجوده....
    طيب اوكي ..
    ممكن أذكر كل واحد ناوي يفارق اعز الناس عنده بأشياء ...
    قبل لايسوي اللي براسه ؟؟( ياليت نقراها مع بعض الى النهايه ) ياااااااليت..
    ...
    نسيت ياللي قسيت قلبك .... نسيت أحلى الايام ...( ادري بهاللحظه ماودك تكمل باقي الكلام بس حاول عشان خاطري ....)
    نسيت أول يوم تعرفت عليه ...( ممكن تتذكر شعورك وشلون كان ذاك اليوم.. حاول تتذكر الحين ) ؟؟
    ......
    ممله صارت النكته الللي يقولها صح ؟؟؟ ....... وين كنت يوم كانت الضحكه تشقشق شفايفك من كلامه....
    نسيت الساعات الطويله اللي كنت تقضيها معه ؟؟؟ ( بس انت واهو ماحد غيركم ..
    نسيت يوم كنت تغمض وماتسمع غير صوته اللي يبعث الامل في نفسك....
    ماتذكر يوم كان يغيب عنك يوم او اثنين وكنت تشتاقله .. ويغيب اكثر وتحس ماتبي من الدنيا غيره
    نسيت .. يوم كان يواسيك في حزنك
    نسيت انك في عز انكسارك كان يشجعك ويحاول يخليك صامد في وجه هالزمن ؟؟
    ماتذكر ذيج اللحظات اللي كان يحاول ..ويحاول يطيب خاطرك
    نسيت انه كان يفرح بفرحك ويحزن بحزنك ؟؟؟
    تبي تفارق من يتمنالك الخير ؟؟
    نسيت كم اخطيت عليه وهو يسامحك عن طيب خاطر .. وكم وكم اخطيت وهو يسامحك عشانه يحبك ...
    ليش ؟؟؟؟ ليش تسوي فيه جذيه ؟؟
    ......
    نسيت كم وكم ساعدك .. وضحى وتعب وارهق نفسه مو عشان شي بس عشانك..
    صار قلبك حجر على اعز الناس
    تعرف ان فراقك راح يتعبه
    تعرف انه يبيك من دون كل الناس ؟؟
    وتفارقه..
    طيب ممكن تفكر شوي .. وتحط نفسك مكانه ؟؟
    الحين يوم انك صرت قوي ومانت محتاج احد ... اول واحد تنكرت له اعز الناس
    اول واحد بعته اعز الناس
    لاتتعذر بالظروف ؟؟ ومشاغل دنيا فانيه ؟؟
    لاتقول ابي ابدأ حياه جديده .... طيب ابدأ حياه جديده ماحد قالك لا تبدأ
    بس لاتنسى تاخذ وياك من ضحى لاجلك في يوم من الايام .. لاتنسى من خلاك تاج فوق راسه
    طيب اقل شي رد الجميل لاتكون لئيم ؟؟؟
    تبي تفارق ؟؟ نسيت انك امير بدنيته ؟؟ وانك كل شي بحياته ؟؟
    ....
    انا اللي اعرفه ان الدنيا دواره وربي مايرضى انه ينظلم احد بهالدنيا
    الحين انت منت محتاج احد ؟؟؟
    تذكر باجر يوم تضيع بزحمه الايام وتخونك دموع العين وتبجي
    تذكر يوم يتنكرون لك اهلك وناسك اللي تحسبهم بيساعدونك وينقذونك..
    تبي من يواسيك ذيج اللحظه راح تشتاق لأعز الناس
    اعز الناس اللي يوم الكل كان يتخلى عنك كان هو واقف بجنبك ماحسب حساب احد كان يحاول يساعدك بكل ماعنده ..
    بس حسافه يمكن ماتلقاه ذيج الحزه لانك بعته بيوم من الايام...

    نصيحه لكل من يقرا هالمشاركه لااحد يفرط في توأم روحه ابد مهما كانت الاسباب... مهما كانت الظروف مهما كانت المغريات ... لايجرحه ولايتعبه .. لايلعب براسه الشيطان ويقول باجر راح القى احسن منه بألف مره .. ..
    ( وراح يشكرني بيوم من الايام)
    اتمنى من كل واحد قرا هالمشاركه انه يراجع حساباته .. وياليت كل من يفكر الحين انه يفارق اعز الناس عنده انه يتراجع عن قراره ويفرح قلب أعز الناس عنده .. برساله .. او اتصال .. أو انه يشوفه ... ولاينسى يعتذرله ويعوضه عن اللي راح ...
    التعديل الأخير تم بواسطة النهج الاسمى; الساعة 13-12-2010, 01:45 AM.


    سَفَري بَعيدٌ وَزادي لَنْ يُبَلِّغَنـي** * وَقُوَّتي ضَعُفَتْ والمـوتُ يَطلُبُنـي
    وَلي بَقايــا ذُنوبٍ لَسْتُ أَعْلَمُها** * الله يَعْلَمُهــا في السِّرِ والعَلَنِ
    مـَا أَحْلَمَ اللهَ عَني حَيْثُ أَمْهَلَني**** وقَدْ تَمـادَيْتُ في ذَنْبي ويَسْتُرُنِي
    يَـا زَارِعَ الخَيْرِ تحصُدْ بَعْدَهُ ثَمَراً*** * يَا زَارِعَ الشَّرِّ مَوْقُوفٌ عَلَى الوَهَنِ
    يـَا نَفْسُ كُفِّي عَنِ العِصْيانِ واكْتَسِبِي **** فِعْلاً جميلاً لَعَلَّ اللهَ يَرحَمُني

  • #2
    مشكورة يالغالية وربى كلامج طالع من القلب ويدل على طيبة قلبج وصفاء سريرتج

    وحبج للخير ولجميع الناس وصدقينى كل كلمة كتبتيها بهالموضوع راح يحس فيها ناس

    كثيرة حتى لو مانطقوا فيها،،، لكن الاكيد إن اثرها وصل !!!
    وقد يستمروا فى المكابرة !! وقد يردهم طيب اصلهم ويذكرون الناس الطيبة بالخير
    ولو بدعاء من القلب .

    دائماااا مميزة بمواضيعج ومشاركاتج عنوان لصدقج وعفويتج
    لاخلا ولاعدم من الطيبيين .

    شكرااااااا - ننتظر جديدك والمميز ،،، دمتى بكل الود والتقدير .

    تعليق


    • #3
      أختي العزيزة النهج الأسمى..
      فراق من نعزهم ممكن يصير في حالتين
      فراق برغبتنا..وفراق برغبة القدر واللي الله كتبه لنا..وهو في كلتا الحالتين أسمه فراق..
      .......
      أستمتعت بما قرأته ..يسعد أيّامج ودمتِ بكل محبّه وَوِدْ..

      تعليق


      • #4
        شكرا أختي النهج الأسمي علي موضوعج الطيب إلي كمعدن راعيته وأصلها .. بس تأكدي أختي العزيزه في ناس جُبلت علي الجحود ينسون الطيب والوفا وهم يضحكون بعد .. هم طبيعتهم جذي لا عشره تهمهم ولا أحسان لانه معدنهم ردئ وطبيعتهم خبيثه مهما أبدو من طيب .. تمثيل طبعا .. وإن لم تتوافق الأهواء والمصالح كشرو عن أنياب الجحود والغدر القبيحه .. ويظل في ناس تقدر العشره والصداقه والمحبه .. ولو أنهم قله بوقتنا هذا .. ولكن هذا طبيعي لأنه وصلنا أخر الزمان .. حيث تأتي الأمور بالعكس .. زمان الرويبضه .. حيث يخون الأمين ويُكذب الصادق و كذلك تلقين الطيب الوفي ..أغلب الأحيان يغُدر فيه ويجُحد معروفه ومحبته .. و تلقين الطرف الثاني سواء قريب أو صديق غالي .. ولا يهمه ولا يأنبه ضميره لأنه أساسا مخدر .. في غيبوبه .. ضمير علي المزاج .. ويا الله السلامه يارب .. تسلمين أختي النهج الأسمي علي مواضعيج الي تمس حياة أغلبنا أتوقع .. الله يعطيج العافيه

        تعليق


        • #5
          عدل كلامج يا شفشف
          تسلمين يا نهج
          وربي لا يكتب الفرقا لحد
          خلي هجرني تكفى ياموت زرني..وإن ماقدرة دلني مكانك وأنا أجيك
          مآبـــي حياتــي دام خلي هجرنــــي..مآبي حياتي دامه يقول ماأبيـــك

          تعليق


          • #6
            قد يكون هناك فتور بالعلاقه او برود
            مابين اي شخصين عزيزين وهذا شي طبيعي
            ولاكن من يفكر بالفراق لهذا السبب وياخذ قرار بذلك اعتقد انه راح يكون خسران
            وبالنهايه لن يجد له صديق في هذه الدنيا .....
            وانصح اي شخص يمر بهالمرحله ان يبتعد قليلا وسيجد نفسه بعد وقت انه مشتاق
            وبزياده وهذا الامر اعتقد ان الكل يمر فيه
            فمن السهل ان تخسر انسان ولاكن من الصعب ان تكسب صديق

            تعليق


            • #7
              الله لا يحرم احد عن احبابه واهله وناسه وعسي دوم المحبه توصل الجسور وما تقطعها لكن احيانا قد يكون الاحباب هم سبب الشقاء والعناء وتكون المصيبه عظيمه
              فكيف تقطع من جسدك وكيف تتعامل مع من يصر علي شقائك وعنائك ولا يترك لك من البهجه والفرحه برهه حتي يعود ليزيد في غلوه عندها لا تتمني غير الفراق فا في بعض الفراق راحه لا غني عنها وحل لا بد منه لا اصابكم ولا اصابني الله بهذه المصيبه التي تعجز عنها الحلول غير الرجاء بالله الواحد الاحد
              لـكـلِّ كـلـمـةٍ أذن..

              ولـعـلَّ كـلـمـاتـي لـيـسـت لأذنـك .. فــ "لا تــتــهــمــنــي بـالـغـمـوض" !!

              تعليق


              • #8
                الى كل من مر على متصفحي
                اشكر مروركم الذي اضاف لي وعساكم ماتفقدون غالي


                سَفَري بَعيدٌ وَزادي لَنْ يُبَلِّغَنـي** * وَقُوَّتي ضَعُفَتْ والمـوتُ يَطلُبُنـي
                وَلي بَقايــا ذُنوبٍ لَسْتُ أَعْلَمُها** * الله يَعْلَمُهــا في السِّرِ والعَلَنِ
                مـَا أَحْلَمَ اللهَ عَني حَيْثُ أَمْهَلَني**** وقَدْ تَمـادَيْتُ في ذَنْبي ويَسْتُرُنِي
                يَـا زَارِعَ الخَيْرِ تحصُدْ بَعْدَهُ ثَمَراً*** * يَا زَارِعَ الشَّرِّ مَوْقُوفٌ عَلَى الوَهَنِ
                يـَا نَفْسُ كُفِّي عَنِ العِصْيانِ واكْتَسِبِي **** فِعْلاً جميلاً لَعَلَّ اللهَ يَرحَمُني

                تعليق

                يعمل...
                X