إعـــــــلان

تقليص
لا يوجد إعلان حتى الآن.

عوير و زوير ( 4 ) ...

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عوير و زوير ( 4 ) ...








    اذا مرت وحده الساعه 12 بالليل بسيارتها
    ليش الشباب يفجون عينهم و يخزونها
    يمكن دكتوره عندها خفاره رايحه المستشفى
    (حلاتهم ملائكة الرحمه)




    اذا وحده حلوه مرت و ريلج طالعها
    ليش اتحسين انه يتحرش فيها و معجب ؟؟
    يمكن ايقول بقلبه مرتي تسواها و تسوا اهلها
    (عيل شكو يطالع؟؟)



    اذا وحده ثقيله و ماتضحك على اي شي
    ليش انقول نفسيه و شايفه روحها ؟؟
    يمكن عندها حالة وفاة او احد من اهلها فيه شي
    ( راجعه من العزه !!!!!!!!!)




    اذا بنيـه شعرها بوي ليش سيده على بالكم صبيك
    يمكن شعرها خفيف او مو حلو عليها الطويل
    ( معلووووووم )


    اذا واحد الله قارده بلون ابيض و شفايفه حمر
    ليش عبالكم جنس ؟
    ياخي العرج يحن شيسوي
    ( وايد بالافنيوز )



    اذا مرت فلبينيه و خزها شايب ليش اتفكرون غلط
    يمكن ماعندهم خدامه و بقلبه ايقول هذي تصلح
    (الا شايب مراهق)


    اذا قلتي حق ريلج ابي فلوس و قال ماعندي
    ليش اتظنين فيه ظن السوء
    يمكن امسويلج مفاجأه بيشتريلج شاليه
    (طــــــل)



    اذا واحد صار له 7 سنين بالجامعه وصار طرشي
    ليش انقول عنه فاشل ؟؟
    يمكن اخته مستجده و ينطرها تتخرج يخاف عليها
    (أخاف صج)



    اذا وحده ميته من البجي بسيارتها
    ليش كل الناس اتطالع
    و على بالهم ريلها طاقها ..؟
    يمكن عرسها اليوم و الخياطه خربت نفنوفها
    (أحلى ترقيع)



    اذا اثنين تزوجوا و مايابو عيال ليش سيده تقولون مافيهم عيال و اتدشون بخشومهم ؟؟
    يمكن اهمه مأجلين الموضوع
    (لاحقين على الحنه)



    اذا واحد على طول مغتر ..... بر , نادي , مباراة
    ليش اتقولون عنه اصلع و المايه قراح ؟؟
    يمكن الريال ايحب الرزه
    (امبله)



    اذا شفتوا بالمطار البنات اللي واصلين من ايران خشومهم
    ملزقه و عليها بلاستر
    ليش على بالكم عمليات تجميل ؟
    يمكن صار مطبات هوائيه و روسهم طقت
    الكراسي اللي جدام
    (قـــــــــــــويه )




    اذا وحده انعزمت على عشاء و ماكلت
    ليش على بالكم رجيم و تتناغزون عليها
    يمكن ياعت و تعشت مبجر
    (شخباري اللي يتعشون مبجر)




    اذا وحده اتدش الجامعه و تنفصل و اتدش التجاري
    و تنفصل وتدش دورات خاصه او دورات مياه اخر شي نيوهورايزن
    ليش انقول عنها فاشله ..؟
    يمكن اتدور مصلحتها وين
    ( ماصارت المصلحه اللي ما لقتها لي الحين )




    اذا واحد كل شهر سياره شكل مره مرسيدس
    مره جاكور ليش على بالكم فلوسه وايده ؟
    يمكن اجار
    (فششششششله)


    اذا واحد خطب وحده و اهلها ما عطوه و ماتزوج عقبها
    ليش اتقولون وووي لي الحين يبيها لي الحين ايحبها ؟
    يمكن مالقى اللي يبيها
    ( يا مسيجيييين )



    اذا وحده ساكنه بيت اهل ريلها و ماتنزل تتغدى معاهم
    ليش ايقولون عنها شايفه روحها و نسره ؟؟
    يمكن مسويه رجيم و ماتبي تقول
    (خوو غصب يعني ؟؟ )

    التعديل الأخير تم بواسطة نايس كويتي; الساعة 22-09-2010, 09:50 PM.

  • #2
    ههههههه اي والله ياكويتي
    إن بعض الظن إثم...موزين الظن القَشِر عالأوادم
    ...
    تسلم وتعيش على هالموضوع الأكثر من رائع

    تعليق


    • #3
      [align=center]العفو يا شفافيه ( ست الكل )[/align]

      تعليق

      يعمل...
      X