إعـــــــلان

تقليص
لا يوجد إعلان حتى الآن.

الله من عبرة ..

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الله من عبرة ..

    الله من عبرة


    الله من عبرة بالجوف مكنونه=من شد مابي هبوب الريح غربالي
    ياهل الهوى منسقم من دون مضنونه=الوذ برقابم عن لوم عذابي
    ترف الحشا صدني عن كل مزيونه=وناتحايا وهو يطري على بالي
    ادعج غنج يرهب العشاق بعيونه=يوم حمى الكون صدت كيلها اكيالي
    بين الشعر والنحر وملاعب امتونه=لعب العصافير في بستان وظلالي
    يضحك ويشرق بياض الصبحمن لونه=ولي تغير اعوذ بربي الوالي
    آيات سحر الحلال احروفها اجفونه=ورموقها كانها تشكي مرض حالي


    الشاعر الراحل منصور الخرقاوي
    عام 1948 م

  • #2
    الله من عبرة بالجوف مكنونه=من شد مابي هبوب الريح غربالي
    ياهل الهوى منسقم من دون مضنونه=الوذ برقابم عن لوم عذابي

    تسلم اناملك على هالاختيار الرائع للراحل منصور الخرقاوى الشمرى وهى من ضمن روائع المرحوم
    وايضا له قصيده ايضا جميله مع الشاعر خالد الهطلانى وكانت مساجله بينه وبين شاعرنا ويقول
    خالد الهطلاني
    أبو بدر يذكر أيامه وصورها=ينعي زمانه ليا جبنا طواريها
    يجر ونه في نفسه قبل يذكرها=لسان حالة يكفي عن خوافيها
    يابوبدر جامل أيامك وسايرها=خلها على الله وربك خير واليها
    خواطر الناس..من يدرك خواطرها=أدنات حاجة يزعلها ويرضيها
    يفدونك اللي عروض الناس تسبرها=اللي تخلت عن الملَه وداعيها
    أطيبهم اللي على الطلعه يشاورها= لا علَت الصوت في وجه يلبيها
    نفسه من الجهل ما يقدر يحررها=لا قال كلمة جهل وشهي معانيها
    ولا انت رجلك عن الهفوات قاصرها=وضح النوايا على وجهك مضويها
    شاعر علم ما تجيب الا نوادرها=يوم أن (مرشد ) تغنى في قوافيها
    أديب ولك كلمةٍ كلٍ يعبرها=مثل الذهب نقدها ترسخ لمصغيها
    بنت الهوى تشتكي من جور حاضرها=العبره بعيونها والخوف كاسيها
    تخاف من عاشقٍ يجرح مشاعرها=تروح بعيونها والكحل معميها
    كلٍ على طلعة النجمة يسامرها=والبنت ما تعشق الا عين مغليها
    اللي له النفس في عطفه مسخرها=يدرك رضاها وعلى نفسه يبديها
    والغيمه اللي تشح ابغيث ماطرها=عنها عيوني يابن منصور مغضيها
    جتك القصيدة تعبر عن مشاعرها=من قلب شاعر يعبر عن معانيها


    ورد عليه الشاعر الخرقاوى رحمه الله عليه
    ياخالد احييت في نفسي سرايرها=ذكرتني في امورٍ كنت مخفيها
    ذكرتني يوم مثل الغوج غايرها=قبل الثمانين أسهج في مفاليها
    الاعب الريش واسجع مثل طايرها=من غصن لي غصن ثوبي رافلٍ فيها
    من شب لشيب أكذب لو اعيرها=ماني لجور الدهر اول وتاليها
    الناس للناس والمولى امدبرها=واهل الحكي والنميمه وش لنا فيها
    اللي ليا جيتهم شانت خواطرها=أصفح عن الجهل والهفوه أداريها
    هذي نصايح لنا خالد مسطرها=عندي لها وزن والحشمه لراعيها
    يامرحبا خاطب العليا وخاطرها=يامن مدحني بأبياتٍٍ اغنيها
    ما يجهل الدر والملاح خابرها=اميز الفص بايعها وشاريها
    فيك العوض من شبابٍ أنت نادرها=العملة النادره نفسي تباريها
    الله يجنب حياتك من عزايرها=ونفرح بعرسك والعزوبه تخليها
    وتفوز باللي تغطيك بضفايرها=خودٍ وكل الصبايا ماتجاديها
    وتعيش لك سدرةٍ بالبيت ذاكرها=أمٍ وفي ناظرك وصفٍ يحليها
    ياخالد أعذر وسامح عن قصايرها=الكامل اللي جميع الخلق محصيها
    واسلم عدد ما دعا الله في منابرها=تكامل الرد يا باخص معانيها

    كانت مساجله جميله
    واخيرا اشكرك كويتى على هلاختيار







    تعليق


    • #3
      شكرا لك أخي كويتي على اختيارك الرائع
      تحياتي

      تعليق

      يعمل...
      X