إعـــــــلان

تقليص
لا يوجد إعلان حتى الآن.

الى عشاق السديري

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الى عشاق السديري




    السلام عليكم ورحمة الله وبركاته


    صباح ..مساء الخير
    اهديكم هالقصيدة للشاعر الكبير والمغفور له بأذن الله
    محمد الآحمد السديري
    *****




    قالو تنوح وقلت قلبي نمر ناح




    قالوا علامك قلت بالقلب لاحي





    قالوا ترى نوحك يسبب للاجراح




    قلت اعذروني مغلق السر باحي





    بلاي من سيد المها ظبي الابراح




    عني بعيد ويمه القلب شاحي





    القلب من جور الهوا تقل ملواح




    امشي ولا ادري وين نية مراحي





    والدمع من عيني على الخد سفاح




    امش دمعي كل ما اقبل وساحي





    ان جيت اكف الدمع من ناظري فاح




    من مشة بين النواظر ملاحي





    على الذي له في حشا الروح مسراح




    حبه صبغ ما عاد يمحاه ماحي





    غيره بعيني حلم ليل به اشباح




    وزوله بعيني سلوتي وانشراحي





    يوم اشوفه فيه يوم به افراح




    وان غاب من فقده تضيق المشاحي





    دنياي عقبه ما بها خير وارباح




    تضيق بي يا عمير لو هي بياحي





    يا عمير حبه بالحشا صايبه جاح




    كسر ضلوع بالضماير صحاحي





    اللي ذبحني بالموده بلا سلاح




    يا عميرهي في دين ربه تباحي





    اذكر جبينه كل ما بارق لاح




    وارسل سلامي مع هبوب الرياحي





    وارجي بعد فرقاه لام للارواح




    ويصبح مريض القلب يا عمير صاحي




    ****




    ويشيلها المنشد : محمد السليس








    واتمنى ان تنال على اعجابكم
    دمتم بحفظ الرحمن

    التعديل الأخير تم بواسطة * لـحظة سـكون *; الساعة 23-12-2010, 05:39 AM.


    سَفَري بَعيدٌ وَزادي لَنْ يُبَلِّغَنـي** * وَقُوَّتي ضَعُفَتْ والمـوتُ يَطلُبُنـي
    وَلي بَقايــا ذُنوبٍ لَسْتُ أَعْلَمُها** * الله يَعْلَمُهــا في السِّرِ والعَلَنِ
    مـَا أَحْلَمَ اللهَ عَني حَيْثُ أَمْهَلَني**** وقَدْ تَمـادَيْتُ في ذَنْبي ويَسْتُرُنِي
    يَـا زَارِعَ الخَيْرِ تحصُدْ بَعْدَهُ ثَمَراً*** * يَا زَارِعَ الشَّرِّ مَوْقُوفٌ عَلَى الوَهَنِ
    يـَا نَفْسُ كُفِّي عَنِ العِصْيانِ واكْتَسِبِي **** فِعْلاً جميلاً لَعَلَّ اللهَ يَرحَمُني

  • #2
    شكرايا نهج على هذه الابيات الرائعه
    خلي هجرني تكفى ياموت زرني..وإن ماقدرة دلني مكانك وأنا أجيك
    مآبـــي حياتــي دام خلي هجرنــــي..مآبي حياتي دامه يقول ماأبيـــك

    تعليق


    • #3
      شىءٍ بقلبـى يامـلا حايـرٍ فيـه 0000000000
      شىءٍ تحير به العقـول الفهامـي


      مخفيه بفـوادى و لا ودى ابديـه 0000000000


      وادور الخيـرات شـرقٍ وشامـي


      احترت به ما شفت شىءٍ يحاليـه 0000000000


      واليوم أنشد عنـه مانـى بكامـي


      سيلٍ حدر مع وادىٍ غيـر واديـه 0000000000


      مـدرى حـلالٍ مـاه والا حرامـي


      كانه حلالٍ جايـزٍ شـرب صافيـه 0000000000


      وش حلله يامفسريـن الحـلامـي


      هاتوا تفاصيلـه وهاتـوا معانيـه 00000000000


      نبى الدليل اللـى عليـه الكلامـي


      نبي دليلٍ يفهـم الـدرب ماشيـه 00000000000


      يمشي به التايـه بليـل الظلامـي


      يمشي به التايه ويقـدى مواطيـه0000000000


      ويشرب قراح الما ليا صار ضامي


      لاشك هجسي يوم خـلا مماشيـه00000000000


      انـه حـرام ومنـه زود الاثامـي


      احرم من الزقـوم مـره وحاليـه 000000000


      وشربه على الضامى يزيد الهيامي


      الله مـن قلـب همومـه تقـزيـه 000000000


      تدك بـه مثـل الجـراد التهامـي


      من ما جرى قامت تتلـه مشاحيـه0000000000


      تل الرشا من فوق هدف المقامـي


      روابـعٍ قامـت تصيبـه وتخطيـه000000000


      شاف الهوايل واختـلاف الاسامـي


      ما يسمع الداعى ليا قـام يدعيـه0000000000


      يعوم فى بحرٍ مـن الهـم طامـي


      ما ينتبـه للـى بصوتـه يناديـه0000000000


      يزيـد همـه يـوم كـلٍ ينـامـي


      يشـوف وقـتٍ ماعرفناتوالـيـه 0000000000


      وقتٍ يشّيب منـه ابـن الفطامـي


      هـذا زمـانٍ كـاثـراتٍ بـلاويـه000000000


      الغيم يقلـب فيـه عـج وكتامـي


      يا بعد شرب الما على كبد راجيـه000000000


      ما سيل الغبرا زعـوج الجهامـي


      انبيك يا من كلمة الحـق ترضيـه0000000000


      اعطيك ما ينفعـك وافهـم كلامـي


      قصـرٍ يذلـك لا تقابـل مبانـيـه00000000000


      خله عسى شامخ طويلـه هدامـي


      خله عسى ما صاب اغادير يفنيـه00000000000


      يودع منازلـه الطويلـه رجامـي


      لوزان مدخالـه وطالـت حواميـه00000000000


      شيّد على الخيبه قليـل الرحامـي


      وحىٍ يوريـك المـذ لـه وتغليـه0000000000


      أنا أشهدأنك ميـت القلـب عامـي


      مـن لا يـودك لا تـوده وترجيـه000000000


      ارفـع مقامـك ياعزيـز المقامـي


      ارفع مقامك عن عـدوك وتوذيـه00000000000


      ويلحقك من تركت رفيقـك ملامـي


      حـق الرفيـق وواجبـه لاتخليـه000000000


      يلزمك مثـل الوالديـن الحشامـي


      اخترعزيز الجار والحـق يعطيـه0000000000


      شبلٍ على هـرجٍ يقولـه يحامـي


      مادك به عرج المـذ لـه وطاريـه0000000000


      يسبق على فعل الفضيله شمامـي


      ومن قارب الاجرب بالامراض يعديه0000000000


      عدواه تسطي باللحـم والعظامـي


      درب السلامـه بينـاتٍ مماشـيـه00000000000


      ودرب العطب يّرث عليك اللكامـي


      ابعد وقلبك نـازح البعـد يشفيـه00000000000


      وتلقى عن الدار البغيضـه مقامـي


      دارٍ بدار وداعـى الـذل عاصيـه0000000000


      ولا تقبل الذ له نفـوس الكرامـي


      الـذل مـوت حايمـاتٍ ضواميـه0000000000


      ادخل على منزل فروض الصيامـي


      عن مقعد بالـذل عينـك تراعيـه00000000000


      الموت عند الذل امـان وسلامـي


      يرضى المذ له من تردت هقاويـه00000000000


      والذل يجفل منه قلـب العصامـي


      والعبد له ربٍ عن النـاس يغنيـه00000000


      ولو لاه ماصاب الهدف كل رامـي
      التعديل الأخير تم بواسطة النهج الاسمى; الساعة 23-12-2010, 01:23 AM.


      سَفَري بَعيدٌ وَزادي لَنْ يُبَلِّغَنـي** * وَقُوَّتي ضَعُفَتْ والمـوتُ يَطلُبُنـي
      وَلي بَقايــا ذُنوبٍ لَسْتُ أَعْلَمُها** * الله يَعْلَمُهــا في السِّرِ والعَلَنِ
      مـَا أَحْلَمَ اللهَ عَني حَيْثُ أَمْهَلَني**** وقَدْ تَمـادَيْتُ في ذَنْبي ويَسْتُرُنِي
      يَـا زَارِعَ الخَيْرِ تحصُدْ بَعْدَهُ ثَمَراً*** * يَا زَارِعَ الشَّرِّ مَوْقُوفٌ عَلَى الوَهَنِ
      يـَا نَفْسُ كُفِّي عَنِ العِصْيانِ واكْتَسِبِي **** فِعْلاً جميلاً لَعَلَّ اللهَ يَرحَمُني

      تعليق


      • #4
        __---____---_____---_____---_____---_____---_____---____---_____---____---___---____


        قالو تتوب وقلت بالطـرف مصيـوب
        والله ماتـوب وصافـي الخـد ماتـاب

        قالـوا تحملـت المواثـيـم وذنــوب
        قلت الذنـوب لهـا موازيـن وحسـاب

        قالـوا تـرى مايفعـل العبـد مكتـوب
        قلت افهم الـي تذكرونـه يالاصحـاب

        قالوا جهلـت وعقلـك اليـوم منهـوب
        وكشفت سرك بين ربعـك والاجنـاب

        قلت الهوى لقلوب الاحبـاب مرغـوب
        ايات حـبٍ صـورت وسـط الالبـاب

        قالوا بعقلـك ضايـع الفكـر منكـوب
        قلـت المـوده ماتداويهـا الاطـبـاب

        عقلي معي ماني مـن العقـل مسلـوب
        انا الغريـق وكـل شـيٍ لـه اسبـاب

        كان انكم تـدرون بالـي شفـى ايـوب
        وجدٍ سطـى بالقلـب والحـب غـلاب

        انا غريقٍ مـع هـل الحـب منسـوب
        في زمرة العشـاق بالحـب منصـاب

        ماطـاب لـي زادٍ ولا اريـد مشـروب
        الي صفا لي صاحبي عسـل الانيـاب

        يغضى بعينـه وافهـم العلـم مقلـوب
        واسـري عليـه بليلـةٍ نورهـا غـاب

        ويرخص لي الغالي الى حـل ماجـوب
        وعن القرايب حط لـي ستـر وحجـاب

        وابعدعن الشكه ولا انـوش لـه ثـوب
        الا الحديـث وقرعـة النـاب بالنـاب

        اخاف يصبح زين الاوصاف معيـوب
        وهو عليه مـن الشـرف كـل جلبـاب

        وعرضه نضيف ابيض ولا فيه عذروب
        بولا حكـوا فيـه البعيديـن واقــراب

        عليـه وجـدي فايـقٍ وجـد يعقـوب
        وقلبي من اسبابـه بوسـط الحشـا ذاب

        يلومنـي مـن لاشكـى حـب نبنـوب
        طفـلٍ قرونـه ماتغطيـه الاســلاب

        طفلٍ نهب عقلي بضحكـات وعجـوب
        فتـان لقلـوب العشاشـيـق نـهـاب

        اصبح هو الغالب وانـا منـه مغلـوب
        غـدا بعقلـي بيـن شـاري وجـلاب

        ان كان شفته صفـق القلـب مرعـوب
        بالصـدر كنـه بيـن لاوي وجــذاب

        والدمع من مـوق النظيريـن مسكـوب
        يخضر ديارٍ ممحلـه عقـب الاجـداب


        وسلامتكم


        سَفَري بَعيدٌ وَزادي لَنْ يُبَلِّغَنـي** * وَقُوَّتي ضَعُفَتْ والمـوتُ يَطلُبُنـي
        وَلي بَقايــا ذُنوبٍ لَسْتُ أَعْلَمُها** * الله يَعْلَمُهــا في السِّرِ والعَلَنِ
        مـَا أَحْلَمَ اللهَ عَني حَيْثُ أَمْهَلَني**** وقَدْ تَمـادَيْتُ في ذَنْبي ويَسْتُرُنِي
        يَـا زَارِعَ الخَيْرِ تحصُدْ بَعْدَهُ ثَمَراً*** * يَا زَارِعَ الشَّرِّ مَوْقُوفٌ عَلَى الوَهَنِ
        يـَا نَفْسُ كُفِّي عَنِ العِصْيانِ واكْتَسِبِي **** فِعْلاً جميلاً لَعَلَّ اللهَ يَرحَمُني

        تعليق


        • #5
          النهج الأسمى
          مشكورة حبيبتي
          الله يعطيج العافية

          تعليق

          يعمل...
          X