إعـــــــلان

تقليص
لا يوجد إعلان حتى الآن.

ابوي عزي وانا جيت عزله

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ابوي عزي وانا جيت عزله



    قصيدة معبرة فيهآ أسمى عبآرآت الحب و البر لـ / الأب

    حقيقة تمنيت هالقصيدة لي وأهديهآ أبوي

    امانه كل شخص يعز النهج الاسمى يدعي ان الله يطول بعمر ابوي ويخليه لنا>>>>ماأتصور الدنيا بلياه>>>عسى يومي قبل يومه



    سلّم على اللي عطاني شي مايعطى

    ................ الشايب اللي رهنت العمر له كلّه

    هو تاج راسي وهو ساسي ونبراسي

    ................ وهو بعد ظل الله اللي ظلني ظلّه

    من غيره اللي يقدمني على نفسه

    ................ ويرفع خمالي ويدمح عنّي الزلّه

    سلّم عليه اربعه مليون تسليمه

    ................ وقلّه يا هوجاس قلبي بعدها قلّه

    يلعنّي الله وتلعنّي ملائكته

    ................ ان كان عمري ما سقته كلّه ارضا لّه

    اكبرها نطحة عدوٍ يبغي الضدّه

    ................ واصغرها لو انفعه في صبّة الدلّه

    نذرٍ علي ماافتخر فيها ولا اجامل

    ................ ابوي عزّي وانا لا جيت عزّله

    ما هي بكلمة ضعيفٍ ما يثمنها

    ................ والهرج كلٍ يبيه ان جاء على حلّه

    انا لبوي اثقل من طويق وجباله

    ................ واسرع من البرق لا من جاء لزوم لّه

    بالله وشني بعد حيٍ على شانه

    ................ ان مانفعته خساره اطلع ابن لّه

    انا معه فأوّل الدنيا وتاليها

    ................ وماني بناسي كلامه لا حشا لله

    حتى لو اروح وامشي لاخر الدنيا

    ................ انا على اللي عليه ودربي ادلّه

    ما ني بخاوي من الشلاّت ضايعها

    ................ انا على العود ماني من هل الشلّه

    اللي تبيع الشرف والدين والشيمه

    ................ وتخلّي العقل فيه اربع مية خلّه

    انا على عز ابوي وما بنى جدّي

    ................ والطيب والمرجله صارت لي جبلّه

    الطيب آرافقه لو تبعد دياره

    ................ والفرصه اللي تجيبه تبري العلّه

    واللاش ماارافقه لو هو ولد عمّي

    ................ماهو بكفو لّي وماني بكفو لّه

    وان ابتلاني عدوٍ رافعٍ خشمه

    ................ بسل سيفي وليش السيف ما سلّه

    دامه عدوٍ بلاني ويش اسوي به

    ................ مثل اختي ان كانها تدخلني الذلّه

    بابيع نفسي لو ان الموت قدامي

    ................والموت واحد وانا ديني على الملّه

    وان ابتلاني ضعيفٍ ماعلي منّه

    ................ مادام يجهل دقاق الهرج من جلّه

    وانتم يا حساد قولوا ماتقولونه

    ................ اللي بقلبه غليلٍ يبطي بغلّه

    سلّم على اللي عطاني شي ما يعطى

    ................ الشايب اللي رهنت العمر له كلّه

    سلّم عليه اربعه مليون تسليمه

    ................ وقلّه يا هوجاس قلبي بعدها قلّه

    في ذمتي ماعلي من صكّة الدنيا

    ................ مادام حيٍ لي ومادمت حيٍ له





    لـ / الشآعر : فهد المكودر



    سَفَري بَعيدٌ وَزادي لَنْ يُبَلِّغَنـي** * وَقُوَّتي ضَعُفَتْ والمـوتُ يَطلُبُنـي
    وَلي بَقايــا ذُنوبٍ لَسْتُ أَعْلَمُها** * الله يَعْلَمُهــا في السِّرِ والعَلَنِ
    مـَا أَحْلَمَ اللهَ عَني حَيْثُ أَمْهَلَني**** وقَدْ تَمـادَيْتُ في ذَنْبي ويَسْتُرُنِي
    يَـا زَارِعَ الخَيْرِ تحصُدْ بَعْدَهُ ثَمَراً*** * يَا زَارِعَ الشَّرِّ مَوْقُوفٌ عَلَى الوَهَنِ
    يـَا نَفْسُ كُفِّي عَنِ العِصْيانِ واكْتَسِبِي **** فِعْلاً جميلاً لَعَلَّ اللهَ يَرحَمُني

  • #2
    قصيده جميله مؤثره تشكرين جدا عليها أختي الغاليه الحبيبه النهج الأسمي .. وعسا ياااااااارب يخلي لكم الوالد الله يحفظه يارب تاج علي رؤسكم تزهون وتسعدون به بصحه وعافيه آآمين يارب دعوه من كل قلبي تأكدي .. تأثرت كثيرا لإني فقدت والدي الله يرحمه من سنين طويله لكن لا أزال أفتقده جدااا ومو عشان والدي الله يرحمه وبس .. لأنه فعلا كان أنسان مميز بعطفه وحنانه وطيبه وجميع من عاشره يشهد حبيب عمري الله يرحمه ويجمعني معاه بجنات النعيم آآمين .. أرجو أن تدعون له بالرحمه والمغفره أرجوكم ولجميع موتي المسلمين يارب .. تسلمين النهج الأسمي .

    تعليق


    • #3
      الشكر لج يا غاليتي النهج الاسمى
      على هذه الابيات الرااااااائعه
      وعسا ربي يسلم والديني ووالدي الجميع
      خلي هجرني تكفى ياموت زرني..وإن ماقدرة دلني مكانك وأنا أجيك
      مآبـــي حياتــي دام خلي هجرنــــي..مآبي حياتي دامه يقول ماأبيـــك

      تعليق


      • #4
        باشة الغيد>>>تسلمين ياحياتي وعسى الله يرحم ابوج ويجمعكم ان شاء الله بالفردوس الاعلى على سرر متقابلين آمين طلتج على صفحي تضيف لي الكثير

        ام حمد>>اشكر مرورج ياقلبي وعسى الله يطول بعمر والدينا اجمعين ويعينا على برهم ورضاهم


        سَفَري بَعيدٌ وَزادي لَنْ يُبَلِّغَنـي** * وَقُوَّتي ضَعُفَتْ والمـوتُ يَطلُبُنـي
        وَلي بَقايــا ذُنوبٍ لَسْتُ أَعْلَمُها** * الله يَعْلَمُهــا في السِّرِ والعَلَنِ
        مـَا أَحْلَمَ اللهَ عَني حَيْثُ أَمْهَلَني**** وقَدْ تَمـادَيْتُ في ذَنْبي ويَسْتُرُنِي
        يَـا زَارِعَ الخَيْرِ تحصُدْ بَعْدَهُ ثَمَراً*** * يَا زَارِعَ الشَّرِّ مَوْقُوفٌ عَلَى الوَهَنِ
        يـَا نَفْسُ كُفِّي عَنِ العِصْيانِ واكْتَسِبِي **** فِعْلاً جميلاً لَعَلَّ اللهَ يَرحَمُني

        تعليق


        • #5
          الله يطول بعمر أبوج ويخليه لج

          قصيده أكثر من رائعه
          [glow=FFFF00]
          من اراد الخروج من حياتي 00سارافقه الي الباب !! لزوم [الواجب و الاتيكيت]
          [/glow]

          تعليق


          • #6
            المشاركة الأصلية بواسطة خيااااال مشاهدة المشاركة
            الله يطول بعمر أبوج ويخليه لج

            قصيده أكثر من رائعه
            والاروع وجودج وجزاج الله خير على الدعوه


            سَفَري بَعيدٌ وَزادي لَنْ يُبَلِّغَنـي** * وَقُوَّتي ضَعُفَتْ والمـوتُ يَطلُبُنـي
            وَلي بَقايــا ذُنوبٍ لَسْتُ أَعْلَمُها** * الله يَعْلَمُهــا في السِّرِ والعَلَنِ
            مـَا أَحْلَمَ اللهَ عَني حَيْثُ أَمْهَلَني**** وقَدْ تَمـادَيْتُ في ذَنْبي ويَسْتُرُنِي
            يَـا زَارِعَ الخَيْرِ تحصُدْ بَعْدَهُ ثَمَراً*** * يَا زَارِعَ الشَّرِّ مَوْقُوفٌ عَلَى الوَهَنِ
            يـَا نَفْسُ كُفِّي عَنِ العِصْيانِ واكْتَسِبِي **** فِعْلاً جميلاً لَعَلَّ اللهَ يَرحَمُني

            تعليق


            • #7
              تسلمين النهج الأسمى
              الله يعطيج العافية

              تعليق

              يعمل...
              X