قالوا تحبـه قلـت مـا هـو بالحيـل
بس انه أغلا شوي مـن نـور عينـي
يسوى جميع الجيـل الأول وهالجيـل
واحبـابـي الماضـيـن والمقبلـيـن
شوقي له أعظم من ظمى الأرض للسيل
واشفق عليه أكثـر مـن أم الجنينـي
واحتاج له حاجة ثـرى مصـر للنيـل
وعليه أغـار أكثـر مـن الوالدينـي
أشتـاق لـه شـوق المحبيـن لليـل
وارتاح له راحـت دمـوع الحزينـي
لا صار جنبي لو سنـه وقتـي بخيـل
ولو غاب لو لحظـة صـارت سنينـي
قالوا يحبـك قلـت هـذا هـو الويـل
ما ودي أنشـد ثـم رفضـه يجينـي
واهدم رجاي بدبرتي مثـل مـا قيـل
والأفضل أحيـا بالأمـل لـو لحينـي
يا حبكـم يـا نـاس للقـال والقيلـي
الله يجـازي . . جملـة العاذليـنـي
سعود بن بندر رحمة الله


تعليق