إعـــــــلان

تقليص
لا يوجد إعلان حتى الآن.

مستعجلة على الزواج !!!!!!!!!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مستعجلة على الزواج !!!!!!!!!


    هذه القصيدة للبنات المستعجلات على الزواج


    لاتحسبين العرس توفـي وكتكـات .... ولا تحسبينـه توكـس والا بونتـي

    ولا تحسبين العرس كيكة وطرطات .... وصلة قطعتيهـا ووصلـة بلعتـي

    ولاتحسبين العرس تصفيق واصوات .... وانت على صوت الغطاريف همتي

    ولاتحسبين العرس كوشة ولمبـات.... وانت كما الطاووس فيهـا جلستـي

    ولاتحسبين العرس احلام في الشات .... يامـا بنيتيـهـا ويـامـا هدمـتـي

    ولا تحسبين العرس روحة وجيـات .... هيا اقضبي بيتك عسـى مانهبلتـي

    ليلة سعيدة وانت احلـى الجميـلات .... تشخص عيون الناس اذا حضرتـي

    (واللاينر)حطيـه بـلا زيــادات .... لا يخـرب المكيـاج اذا دمعـتـي

    (والمسكرة)تحتاج لطف ومـدارات .... حتـى يبـان الزيـن اذا رمشتـي

    (والاسبريه )رشيه حتى البصيـلات .... يمسك شعرك زين لو كـان زدتـي

    وترى(المحدد)فن يحتـاج رسمـات .... يبـان رسمـه زيـن اذا ابتسمتـي

    العـرس يابنيـة ماهـو شعـارات .... تفنـى مراسيمـه وتبقيـن انـتـي

    ويبقى شريك العمر راعي الطويلات .... هذا هو العـرس حقيقـه عرفتـي؟

    اول نصيحة لك حفـظ الصلـوات .... صلي العشا والفجر في كل وقـتِ

    وفي ليلة العرس الموفـق بالـذات .... ادعــي الكـريـم إذا سجـدتـي

    والتعري لاترضين عند الكوفيـرات .... ولبسـك يملـى العيـن اذا لبستـي

    واللي على زوجك تحرضك مرات .... ارجـوك شوتيهـا شوتـت بلنتـي

    والصبر في العشرة حتى على فتات .... ياماحـلا فعلتـك يومـك صبرتـي

    واذا حفظت السر مـع المـدارات .... زوجك ترى في عيونه كبرتـي

    والسوق يعني هاه وقت الضرورات .... والاتـرى زوجـك يـدور لمفتـي

    زيدي الغطاية وكثري في العبايـات .... والله يرضـى عنـك اذا ستـرتـي

    اوصيك بالكبسـة وكثـر اليدامـات .... حتى لوانـك مـن سببهـا متنتـي

    وخلي الرجيم اللي فشلتي فيه مرات .... سويـه مـرة واحـدة لا ولـدتـي


    و سلامتك

  • #2
    دايم متألق كويتي خوش شعر عن اللي يبون الزواج بسرعه
    خل يشوفون اشلون الزواج 0ههههههههه سلمت يمناك ودايم متميز
    sigpic

    ٺدرۆن ۆش يعنيّ [ صّدآقَہ ]


    يعني إغمآء / وفآء . . مآ منہآ إفآقہ

    يعني ٺفآني . .

    يعني محبہ . .

    يعني قلۆب ٺجمعہآ أنقى علآقہ !

    تعليق


    • #3
      العـرس يابنيـة ماهـو شعـارات .... تفنـى مراسيمـه وتبقيـن انـتـي
      ويبقى شريك العمر راعي الطويلات ..هذا هو العـرس حقيقـه عرفتـي؟
      اول نصيحة لك حفـظ الصلـوات ....صلي العشا والفجر في كل وقـتِ

      خوش نصائح للمستعجلات على الزواج وعسى الله أن يوفق الجميع

      شكرا كويتى على هذة القصيدة الظريفة فى مفرداتها والصريحة فى معانيها

      باركـ الله فيك على هذا التميز والتنوع بالمشاركات القيمة فلاتحرمنا جديدكـ .

      دمت بكل الود والتقدير .

      تعليق


      • #4
        والله الزواج زين ومو زين
        والزواج توافيج ربي سعد كل معرسين
        خلي هجرني تكفى ياموت زرني..وإن ماقدرة دلني مكانك وأنا أجيك
        مآبـــي حياتــي دام خلي هجرنــــي..مآبي حياتي دامه يقول ماأبيـــك

        تعليق


        • #5
          الزواج قسمه ونصيب ورزق من الله لا يستطيع أحد أن يستعجل فيه لمن يحبهم ولا ان يمنعه عن من يكره .. ولمن لم تتزوج .. يطوفج القطار وخيره لكي ولا يدوسج مع من لايستحق ويسبب لكي العذاب . والحمد لله علي ما أعطي وما منع كلن فيه الخير . شكرا علي القصيده

          تعليق


          • #6
            ههههههه كويتي والله خوش كلمات
            وكل كلمه قلتها والله صاج فيها
            الله يعطيك العافية

            تعليق


            • #7
              [align=center]
              جميل ماقدمته لنا
              اخى العزيز
              دائما متألق
              تقبل مرورى المتواضع
              [/align]
              اتمنى من كل قلبى
              ان تكون بخير ياصديقى

              تعليق

              يعمل...
              X