إعـــــــلان

تقليص
لا يوجد إعلان حتى الآن.

اهداء من سلوة الروح لمحبي الشعر

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اهداء من سلوة الروح لمحبي الشعر



    احدٍ اذا غاب جرح الحب بـ غيابه
    .... وحدٍ جروحه تجيك معانقه حبـــــــه

    منهو يقول الجروح جروح تتشابه ؟
    .... جرحٍ قويته و جرح ابطيت في طبه !

    يامن ذبحني واموت بريحه ترابه !
    .... ياما عطيته وهو ما خاف من ربه


    شرعت بيبان قلبي ولا فتح بابه !
    .... ياكثر ما هو مزعلني بلا سبه


    ايه اعشقه .. وابغضه واموت واحيابه ؟
    .... واشتاقله .. واقطعه واغليه واسبه

    والله مابـــه شي ما هآبه
    .... لا صرت في بحر حبه والمدى غبه


    ياسيدي والجفا لا كشرّ بـ نابه !
    .... شمع المواصل دخيل محبتك شبه


    لا صرت اقرب قريبٍ لك فـ انا اولابه
    .... صب الغلا في خفوق معذبك صبه



    يامن جروحك بقلبي كنها ذيابه
    .... جرحٍ قويته وجرح ابطيت في طبه



    عقبال ياماخذ فؤادي مية عام
    ضيعتني منك وانا ما اهتديتك


    لا مانسيتك كيف بنساك مادام
    ذكرى الفراق تهزني لو نسيتك


    حبك قدر وانا على دين الاسلام
    مكتوب في وجه الجبين ورضيتك


    ولك منزلٍ في نايف القلب وخيام
    وذود الغلا ترعاه ولاشكيتك


    يفطر عليك القلب وان فارقك صام
    والله لو انك شوك سدرة كليتك


    القلب طيرٍ لادعى للهواء حام
    والا انت وكره من كثر ماهويتك


    كن العيون من النظر عقبك ايتام
    وكني ماريت الا انت من يوم ريتك


    وكنك معي وانا فقدتك من اعوام
    مع الخيال القاك كني لقيتك


    ومن صعب وصلك ماتهنيتك احلام
    لاجابتك فزيت شوق ومحيتك


    يعني وصالك صعب واهدافي اوهام
    يعني زرعتك للقدر ماجنيتك


    صبرك يقولون العرب كل الايام
    يومٍ عليك ويوم لاجاك جيتك


    وياقلب ياللي ورثك جروح والآم
    بليتني ماهو أنا اللي بليتك


    ولعتني من عادني بالهواء خام
    واسرفت بي وانا اخطأ منك عطيتك


    طعتك وزبدة طاعتك هم وهيام
    مالله كتب لي واستخرت وعصيتك!


    لو للقلوب اسواق بايع وسوام
    لا ابدلك وان جيتني ماشريتك


    والا انت ياللي جيش عينيك مقدام
    لا اقنعت منك والرجاء مارجيتك


    كني سجين بين افراج واعدام
    وكنك سجن وانا بنفسي بنيتك


    وعقب الوصال اللي على عين مالام
    قد هو يكفيني عن الوصل صيتك


    وقدني اذامريت بالشارع العام
    لديت مما في الضمير ودعيتك


    ادري ان صوتي ماقطع عشرة اقدام
    وادري بي اعود الى من نصيتك


    ياشينها يا محني راس الابهام
    مقدر على شوفك وانا عند بيتك

    روائع الشاعر حمد السعيد والشاعر محمد بن فطيس اتمنى انها تعجبكم
    استماع طيب

    [MEDIA]http://uploads.njom.net/images/61961559201446239654.swf[/MEDIA]
    التعديل الأخير تم بواسطة سلوة الروح; الساعة 03-04-2012, 10:47 PM.

  • #2
    تسلمين والله سلوة
    كلّج ذوق على اهدائج الرّاقي

    تعليق


    • #3
      تستاااهلون وبالذاااات انتى يالغاليه شفافيه على تواجدج الدائم فى مواضيعى عسي ماانحرم من هالمرور الجميل

      تعليق

      يعمل...
      X