تذكرين يوم وقفت تحت الدريشة .
وانتى من بين الدريشة اتبصبصين !
آنه من يومها على بيتكم آدور ،
واشكثر خليت أخوج يلعب معاى ،
حتى إنِّه يوم سألنى :
أنت ليش رايح وياى !
تبى مين
أنت ليش فى السكة كل ساعة تبين !
تذكرين ...
وانتى من بين الدريشة اتبصبصين !
آنه من يومها على بيتكم آدور ،
واشكثر خليت أخوج يلعب معاى ،
حتى إنِّه يوم سألنى :
أنت ليش رايح وياى !
تبى مين
أنت ليش فى السكة كل ساعة تبين !
تذكرين ...
تذكرين
تذكرين يوم مالقيتج فى طريج .
وآنه واقف فى كتر ،
وياى صديج .
حتى إنج يوم تقابلنه ابتسمتى ،
بسمه فيها كل الأشواق والحنين
والتفت صاحبى يقول :
هذى مين ؟
قلت له مِن ؟ ذى ...
هذى وحده ، صاحبة اختى من سنين !
تذكرين
تذكرين يوم مالقيتج فى طريج .
وآنه واقف فى كتر ،
وياى صديج .
حتى إنج يوم تقابلنه ابتسمتى ،
بسمه فيها كل الأشواق والحنين
والتفت صاحبى يقول :
هذى مين ؟
قلت له مِن ؟ ذى ...
هذى وحده ، صاحبة اختى من سنين !
تذكرين
تذكرين يوم عيد اضحى ،
يوم جيتوا إنتى واهلج زايرين ....
عرفتنى ريحة الخنه عليكم ،
دوختنى ،
ورد أو رازجى وياسمين
كنت آنه اف عيدين يومها ،
عيد حضوركم عندنا اف بيتنه ،
أو عيد لمعايدين
تذكرين
يوم جيتوا إنتى واهلج زايرين ....
عرفتنى ريحة الخنه عليكم ،
دوختنى ،
ورد أو رازجى وياسمين
كنت آنه اف عيدين يومها ،
عيد حضوركم عندنا اف بيتنه ،
أو عيد لمعايدين
تذكرين
تذكرين دزة افلانه ،
تذكرين السنطوانه ،
ويلستج حول العروس
القمر ليلتها كان ضاوى الجبين
شال قلبى من مكانه ،
ضيع انجوم السما ،
خلاها سوده ماتبين
تذكرين
تذكرين السنطوانه ،
ويلستج حول العروس
القمر ليلتها كان ضاوى الجبين
شال قلبى من مكانه ،
ضيع انجوم السما ،
خلاها سوده ماتبين
تذكرين
إحنا وين اليوم
من هذى اللى راح
ليش كبرنه ،
صرنا ما نعرف بعضنه ،
كانت الأيام تركض ،
واحنا نركض ،
ليش وقفنه ؟!
إسئلى قلبج عساه فى يوم يلين
تذكرين
من هذى اللى راح
ليش كبرنه ،
صرنا ما نعرف بعضنه ،
كانت الأيام تركض ،
واحنا نركض ،
ليش وقفنه ؟!
إسئلى قلبج عساه فى يوم يلين
تذكرين
الشاعر القدير ..... عبدالرحمن رفيع

تعليق