بس لأنى موكلكجى
بالكلبجه .... كلبجونى
بس لأنى ما أساوم
بالخناجر صوبونى
بس لأنى مااعرف
حرق .... البخوره
احرقونى... بخرونى
بس لأنى أفدى عمرى
ما اجل..شايب ضرير
أزرع الروح ....ابتسامه
فى ثغر طفلٍ صغير
بس لأنى اكتفى بلبس الحصير
حاربونى..حاصرونى..شلخونى
بس لأنى ماقريت
نهج الكذابه...بس لأنى
ما أتغزل بالخرابه
عن حزنى ...وعذابه
بس لأنى...أحترم
فعل الكتابه
عن حروفى
ابعدونى ... عذبونى
بس لأنى ما اعرف
فن العجاف..أو لانى ما أخاف
شربونى الموت
والسم الزعاف.... وذبحونى
بس لأنى ما أصفق
ما أطبل .....
أولانى ما أشعوذ
ما أدجل ....
بس لأنى ماأقول
غير الحقيقة....
حاصرونى... دمرونى
صادروا روحى الرقيقه
هاجمونى بالاشاعه
ألف تهمه بالدقيقه
وما كفرت ...وكفرونى
بس لأنى أعشق أرضى
بس لأنى أحب ناسى
أو لأنى مو وصولى
ولا أفكر بالكراسى
إبطحونى...وأفضخوا
عينى وراسى وفلعونى
بس لأنى بحت
أسرار الشفايف
أو لأنى صرت
غنوه للحبايب والولايف
أو لأنى صرت
ورده وسط خصلات العجايف
اللهم ياكافى
أعصفت فينى العواصف
ارجفت ضدى الرواجف
إلبدوا لى بسوق واجف
آه ..... رنجفونى
صلاح الساير
