إعـــــــلان

تقليص
لا يوجد إعلان حتى الآن.

من اجمل ماغنى فنان العرب محمد عبده (بو نوره)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    موال يا من هواه)...

    يا من هواه أعزه وأذلني
    كيف السبيل الى وصالك دلني
    تركتني حتى ملكت صبابتي
    ورجعت من بعد الوصال هجرتني
    وتركتني حيران صبا هائما
    أرعى النجوم وانت في عيش هني
    أنت اللذي حلفتلي وحلفتلي
    وحلفت أنك لا تخون فخنتني
    لاقعدن على الطريق واشتكي
    واقول مظلوم وانت ظلمتني
    ولادعين عليك في غسق الدجى
    يبليك ربي مثلما أبليتني

    تعليق


    • #32
      يا مرحبا يا معنى) ...

      يا مرحبا يا معنى خط الاقلام
      مثائل شوقتني في معانيها
      حيا المثائل يا سلالة نسل الكرام
      يا من بيوته عن الزلات يحميها
      من داثر الوقت وهذا طبع الايامي
      مرات تصفى ومرات الكدر فيها
      كم واردا ضاميا صد درب الاحيامي
      وكم واردا شرب من صافي مغانيها
      لا تنظر اللي مضى وتعد الايامي
      ارعى ربيع الزمان أول لياليها
      حلو الليالي تعوض مر الايامي
      ما يحسب الوقت ويفكر في ماضيها
      لو كان ما بي تقساه جفت أقلامي
      من حرتي أبدع أنفالي واغنيها
      ردار فكري يصورلي مضن زامي
      في هندس الليل يوم أرتاح غافيها
      يوم الخلايا تنام وفكرها نامي
      حرام عيني لذيذ النوم يغفيها
      حالي كما عشب صيف صابها الضامي
      ولا كما وردة جفت نواديها
      نار الغضى والتوقد في بحر طامي
      (خالد) وعيا مولعها يطفيها
      ريم رعى في الفياض وزهر الاوسامي
      قائد خشوف الجوازي في مفاليها
      بأرض محيله ولو توطى لها أقدامي
      تزهى وتضحك لها الدنيا وتحييها
      سود الليالي مع سالفات الايامي
      نأخذ مجازمها ونترك تواليها
      نمشي على درب ما تأطأها الاقدامي
      وإن وعرت الارض يعجبني المشي فيها
      يا خوي انا ريت رويان وهو ضامي
      يا كيف عطشان في جاري سواقيها
      ريح ضميرك ولو هيم بك هيامي
      حقا على اللي جرح نفسك يداويها
      يا مفطر الوقت هذا شهر الصيامي
      وليلة القدر في أخر لياليها
      يا زين هد الوحش بعض الايامي
      في ديرة قفرت عسره مضاويها
      أشقر طويل المعنق يبري أعظامي
      صوايده من فنادي الصيد يدميها
      يا شيخ هذا زمان كله أنعامي
      الذئب جائع وشبعانه حصانيها
      لو كان يبغى يغزو نابها الدامي
      يا كيف تكسر جوارحها طواريها
      وكل مخلوق في الدنيا فلا دامي
      لابد تنهي مغازلها مطاويها
      وأخر كلامي بحرف السين واللامي
      والميم والعين تتلاها قوافيها

      تعليق


      • #33
        يالله أني في رجاك )..

        يالله أني في رجاك يا مجيب من دعـــاك
        ربي تقـبل دعوتي
        دعوتي لك يا عظيم تشف عبدٍ لك كريم
        هـو رجـائي ومنـوتي
        وانت دوبك يالطبيب اللي بيدينك حبيب
        بسـمته هـي دنـيتي
        جرحه في قلبي أنا ليت أفديه العنا
        ليـت أفـدي عزوتي
        ونتـْه تـلوعني وآهْته تروعني
        وعـبرتي هي سلـوتي
        ويا ملا لو تنشدون عن غلا نور العيون
        جاوبتكم دمعـــتي
        حبه اللي بالوريد من قدم ما هو قديم
        راس مالي و ثروتي

        تعليق


        • #34
          ياشوق)..

          ياشوق انا عنك ظروفي حدتني
          مالي على المسيار يمك وسيله

          رجوى وصالك يالغضي بيّدتني
          طالت وقلبي فيه مثل المليله

          امحبتي لك يالغضي ورّدتني
          حوض المنيه بين يوم وليله

          امحبتك جارت علي واجهدتني
          مثل اللي عجزت عظامه تشيله

          كان الليالي المقبله ساعدتني
          جيتك ولو من عقب مده طويله

          تعليق


          • #35
            (يا هلا بك)..

            يا هلا بك ولا تطري الوداع عش معي لحظة الفرحة حبيـــــــبي

            عمرنا اليوم والباقي ضياع

            تصبح الأرض في قربك وساع دام فرحة عيونك من نصيــــــبي

            ونبتت ضاقت الأرض الوساع

            آه لولاك يا دافي الشعاع كان مرتاح بالي وش تبي بـــي

            تشغل البال يا دافي الشعاع

            أحسب إني على الفرقا شجاع بطوي الجرح أو بخفي نحيبي

            وأثر ما في الهوى مغرم شجاع

            يا هلا بك عدد عمري اللي ضاع او عدد ماتمنيت حبيـــــــبي

            ليت الأيام ما فيهـا وداع

            تعليق


            • #36
              يا نسيم الصباح) ..

              يا نسيم الصباح سلم على باهي الخد
              نبهه من منامه
              قول له أني على وعده أسيرا مقيد
              حتى يوم القيامه
              قلت يا عاذلي مالي ولك ليش تحسد
              خلي عنك النمامه
              انت يا من ترى في جمالك مزيد
              شيء علينا ملامه
              غير في نظرة الخد الاسيل المورد
              من روابي تهامه
              ريقها الشهد واحلى من الشهد وابرد
              والحلا في كلامه
              من رأى غرته هلل.. وكبر ... وشهد
              بدر ليل التمامه

              تعليق


              • #37
                مذهله)...

                مــذهــله
                ماهي بس قصة حسن
                رغم ان الحسن فيها بحد ذاته مشكلة
                مذهله .. كل شي فيها طبيعي
                ومو طبيعي أجمل من الأخيله

                طيبها .. قسوة جفاها
                ضحكها .. هيبة بكاها
                روحها .. حدة ذكاها
                تملئك بالأسئله ..
                .. مذهله

                يابدايات المحبه ..
                يانهايات الوله
                هالحسن سبحان ربه ..
                ظالم وما أعدله
                أعذب من الأمنيات ..
                عالم من الأغنيات
                يا أجمل الشعر البديع ..
                من آخره لين أوله
                مذهله .. تملئك بالاسئله

                هي حقيقه أو خيال ..
                هي ممكنه ولا محال
                هو سهلها صعب المنال ..
                أو صعبها تستسهله
                مذهله .. تملئك بالأسئله

                ليه كل مُعْجِزّ .. مر هذا الكون فيها له صله
                ليه كل شي فيها .. تظن انك تعرفه. تجهله
                ليه كل لا معقول فيها .. ورغم هذا تعقله

                ليه عمري .. ما لقى لبرده دفا ..
                إلا دفاك
                ليه أنا عيني تشوف وما تشوف
                إلا بهاك
                يا أجمل من الأخيله ..
                هذا جواب الأسئله
                كي تكوني في عيوني
                ومن حنيني
                بس فيني
                ومو بدوني
                ... مذهله
                مذهله..مذهله

                تعليق


                • #38
                  نـــوى الــقلــب)...

                  نوى القلب نية مانواها لاحـد غيرك ..
                  نوىالقلب يمشي لك على السمع والطاعة

                  مع الشك والغيرة وهجرك وتقصيرك..
                  أحبك وأقول امرك لة الروح خضاعة

                  جمعنا طريق الحــب وأنوار بتنويرك..
                  عـلى صدفه قلـــوب الاحــباب جماعة

                  ملكني هـواك وقادني بامر تدبيـرك..
                  أمـانة معك روحي من البــعد ملتاعة

                  تغزلت بك والشعر من بعض تعبيـرك..
                  كلامك ســحــر يخلف موازين سماعة

                  تقول الغزل مني شغل كل تفكيـرك..
                  عسى واعسىوالنـفس بـزود طمـاعة

                  تعليق


                  • #39
                    هيفاء )..

                    الليل يا هيفا بلقياك جاني في زحمة انوارة وانا اخترت دنياك

                    ليل شبية الصبح مر وخذاني كنه محا ليل قضيتة بليــــــــاك

                    اهلا هلا بالصبح لا مر عانــي جاني يهلي بي يقول الف حيـــــاك

                    مثل البخت سير علي بمكانـي حطك وسط عيني وللعين هيـــــــاك

                    الوردلك بادلني احلى تهاني اقبل يعطرني بطيفك وطريـــــــاك

                    ياهلال عيدي ياابتسامةزماني العيد كل الوقت لا صرت ويــــــاك

                    حتىالنسيم اللي ترنم اغاني يكفيني انه منك يحمل هدايـــــاك

                    يانورك اللي عن هواهن دعاني لافي سنا ذيا ولا نور ذيــــــــاك

                    ان ضاع لي درب فلا درب ثاني واحلى العمر يبدا مع يوم لقيــاك

                    انتي ولاغيرك كماالليل جاني العين قرٌٌٌٌَُُِْت يوم انا اخترت دنيــاك

                    تعليق


                    • #40
                      ياغـايـب)...

                      ياغـايـب عـن مـدى شوفي
                      ومـتـمكن في وسـط جـوفي
                      لامونـي النــاس فـي حبــك
                      وقلبي عن العذل مصروفي

                      ماأقوى العزى عنك لاوالله
                      لكـــن تـحـدتـني ظــروفــي
                      ظنيت في البعد لي سلوى
                      وانا اللي انصبت بسيوفــي
                      حاولت اداوي وجع عيني
                      بس اخطفت عيني اكفوفي

                      ياصاحبي لد لي شوفك
                      اســيـرك اليوم مكــتوفــي
                      متغرب يرتجي وصلك
                      ياعـــللك بحــالــه تـروفــي
                      حاول يصور معاناته
                      عـبـر عــن الـشــوق بحروفي

                      تعليق


                      • #41
                        يامدور الهين )...
                        يـا مـدور الهـيـن تــرا الكـايـد أحـلـى
                        واســأل مــدور كـايـدات الطـروقـي
                        الـزيـن غـالـي لـكـن الأزيــن أغـلــى
                        ولكـل شـراي بضاعـه وسـوقـي
                        المـاء أعالـي والسمـاء فـوقـه اعـلـى
                        ولافاق علـم جـاه علـم يفوقـي
                        الصعب هـلاّ قلـت يـا صعـب سهـلا
                        دامك تبينـي انـت يـا صعـب شوقـي
                        أحــب عــزف المـهـرة الـــي تـغـلـى
                        واحب اروض كل طرف يموقي
                        احـب اسافـر مــع سـحـاب تـعـلا
                        واحــب فــوق الغـيـم لـمـع البـروقـي
                        واحــب اسـامـر بــدري الــي تجـلـى
                        وارسم شعاع الشمس عند الشروقي
                        يــا مــن عـلـى ثـايـر فــؤادي تـولـى
                        خلـك عـلـى قـلـب الكـرامـه شفـوقـي
                        أكـرم عزيـز بالعمـر مـا اسـتـذلا
                        يسـوق عـمـره للمشـاريـف سـوقـي
                        اختـرتـك مــن الـنـاس للقـلـب خـــلا
                        يـا حيـثـك مــرادي وكيـفـي وذوقــي
                        مـارحـت ادور كــل زول تحـلـى
                        لـولاك تسـوى مـا عطيتـك خفـوقـي

                        تعليق


                        • #42
                          ياهلا فكرة حنت وحن القصيد
                          المزون المشاعر والسحايب أنا

                          ياقديم المودة مرحبا بك جديد
                          رد فيني شعور كنت أظنه فنا

                          ولع الشوق جمرة والهقاوي بعيد
                          أعرف إني أعشيك في غيابك سنا

                          التوى بي غرامك صرت عاشق عنيد
                          مـــا يهزه كلام ولايرده عنا

                          أنهل الحب عمر والعمر مايفيد
                          ماتفيد الحسوفة لين ضاع الهنا

                          ماأصعب العمر للعاشق نهاره وحيد
                          لين وقف وناظر بالهوى وش جنا

                          ياحبيب نسيته بين قلب ووريد
                          في خفوقي مشاعر و الكتابة أنا




                          كلمات مرهف الاحساس سعود بن عبدالله

                          تعليق


                          • #43
                            ياشوق يدفعني) ...

                            يا شوق يدفعني على شوفك أشواق
                            والقلب عندك يتلع الجيد ماسوق
                            أنا لشوفك طول الايام مشتاق
                            عليك لي واجب وعندي لك حقوق
                            واجبك تفرج ضيقة الصدر لى ضاق
                            وانا عليّ أرفعك بين الملا فوق
                            قلبي عليكم بين الاضلاع خفّاق
                            حلو الكرا من فقدكم حارب الموق
                            في ناظري غيرك من البيض ما لاق
                            ما شاقني غيرك من الناس مخلوق
                            للحب بعيون المحبين مصداق
                            النظره أبلغ فيه عن كل منطوق
                            حرام لى مثلك مشى وسط الاسواق
                            بين العذارى كامل الزين والذوق
                            بيني وبينك ياهوى البال ميثاق
                            عهد الغلا مابين عاشق ومعشوق

                            تعليق


                            • #44
                              ياأعذب الحب)...

                              ياأعذب الحب آمالي قد ابتسمت في موطنٍ
                              رقصت في جوه النعمُ
                              وقد بسطت بها فيئاُيضللنا
                              والخيرُ مازال فياضاً به الكرمُ
                              وقد صحونا على صوتٍ سرى نغمٌ
                              وللزمان لترديد النشيد فمُ
                              وكل خافقتن جاش الحنينُ بها صاغت
                              بحباتها في حبك القسمُ

                              ياأعذب الحب اكبادٌ مقرحةٌ
                              بغير كفك لاوالله لاوالله تلتئمُ
                              وقد رماها الى كف البلى قدرٌ
                              فهل لغيرك بعد الله بعدالله تعتصمُ
                              الله اكبر صوتٌ انت رافعهُ
                              والرجع عادا به الميقاتُ والحرمُ
                              فأنت غيثٌ من المولى حمائلةُ
                              العلم والدين والأخلاقُ والشيمُ
                              ياأعذب الحب آمالي قدإبتسمت في موطنٍ
                              رقصت رقصت في جوه النعموووو

                              تعليق


                              • #45
                                يامن خبر قلب)...

                                يامن خبر قلبٍ على الهم محسود
                                وروحٍ من الفرقا تزايد سقمها
                                لي حاسدٍ بالوصل مايرحم صدود
                                يذكر طرب روحي وينسى ألمها
                                هو مادرى إني منك ضايع ومضيوم
                                بالصحبة اللي حلو مرٍ طعمها
                                حبيبتي مالي سوى الحب مقصود
                                ماني بمن ناسٍ تفوت ذممها
                                ومالي على عيونك سوى عيونك شهود
                                إني مخلي اللي جرحني سهمها
                                وين المكان اللي عمرناه بوعود
                                ذيك الرسوم اللي تجافى هدمها
                                ماكن للعبرات به وعد وعهود
                                ولاكن قد داست ثراه بقدمها
                                غديت أنا مابين حاسد ومنقود
                                لحد عزى روحي ولا أحدٍ رحمها

                                تعليق

                                يعمل...
                                X