قديم العذر هذا , رد [ حاول مرة اخرى ] !
حفظتك أنت وأعذارك أعرفك زين صدقني , !
معديها لك الكذبات لكن [ غير ] هالمره , !
طعنت الظهر في غفله ولا لك عذر تطعني !
تحملتك أنت وعيوبك وكانت عشرتك مره , !
حسافه عمري اللي ضاع مع شخص مضيعني , !
صعب جبر القلوب اللي بيد الغدر منكسرة , !
فلا اتحاول تجبرني وبيدينك مكسرني , !
أنا كنت بيدك [ حاجه ] ثمينه , كنت لك دره , !
تمنى الغير يملكني , ولا غيرك تملكني , !
أنا قلبي سبب قلبك [ وقف ! ] مستغرب لأمره !
تردد كل نبضاته : خساره كيف يرخصني , !
تركتك [ قيصر ] ل قلبي ولا قيصر بعد كسرى , !
رفعتك فوق للعالي , ولا قدرت ابد مني , !
أنا مانيب ندمان ل علاقة زودت خبره , !
أنا تعبان من [ طيب ] الخفوق اللي مدمرني , !
أبي تعرف ترى ما كل مره تسلم الجره , !
ولا تسلم غدر غيري لو انك سالم مني , !
وبكره تب تحس فيني ليا من صارلك عبره ,
موفق / حافظك من فيك جمعني وفرقني , !
أبقفي والدروب [ أشواك ] والخنقة من العبره , !
رفيقي : [ هم ] والغربه : صدى شوق يحاصرني , !
تعال الحين ودعني , تعال انفخ على الجمره , !
كفايه جمرة طعونك , خلاص ولا تودعني , !
ليا حنيت لي والشوق صور لك من الذكرى , !
ابكتب شي بآخر بيت ركز فيه واذكرني , !
اذا ودك ترجعني .. تراني بالبحر ابره !
ابرجع لك اذا ودك .. بشرط انك تحصلني !


تعليق