إعـــــــلان

تقليص
لا يوجد إعلان حتى الآن.

قصيدة محتاجلكـ حيل والله يقطع الحاجة ..!!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة محتاجلكـ حيل والله يقطع الحاجة ..!!

    السلام عليكم ورحمة الله وبركاته

    قصيدة محتاجلكـ حيل والله يقطع الحاجة ..!!

    قصيده عجبتنى بالحيل
    وحـبـيـت اشاركـ فيها إن شاء الله تعجبكم .

    للشاعر ... ثامر شبيب الدقباسي ..


    محتاجلك حيـل والله يقطـع الحاجـه
    حدتني وجيت اداري دمعـة عيونـي
    :
    باين علي التعـب والضيـق وانتاجـه
    منهار لونـي متغيـر ماهـو بلونـي
    :
    لقيتـك اللـي يصـد معقـد احجاجـه
    وانت اقرب الناس والغالي ومضنونـي
    :
    سكـرت بابـك وقفلتـه بمـزلاجـه
    قدام وجهـي وكـل النـاس شافونـي
    :

    لكن على الله بدايه الضيـق وافراجـه
    ولا انت الله معك خابت بك ضنونـي
    :
    بلاش منك ومـن موقفـك واحراجـه
    رح واتبع اللي خذوا منـي وخلونـي
    :
    من صد عني ترى مانيـب محتاجـه
    من دونه اعيش دامه عاش من دونـي
    :
    وان قـدر الله مـع الايـام نتـواجـه
    تمـر مثلـك مثـل ناسـن يمرونـي
    :
    في عيوني تصير ماتسـوا ولا حاجـه
    من عقب ماكنت تسوا الناس في عيوني
    :

    وسلامة الجميع .

  • #2
    أختيار روعه..أختي الغاليه..
    وكلمات بمنتهى الروعه والجمال..
    أشكركِ حبيبتي

    تعليق


    • #3
      يعطيج العافية حبيبتى لحظه سكون على هالقصيدة الجميلة للشاعر شبيب الدقباسى وانا من المحبين لقصائد شبيب الدقباسى وله قصيدة احبها اسمها شلونك
      انا لاقلت لي شلونك وانا ضايق اقول بخير
      مدامك سائلٍ عني اكيد ان ضيقتي راحت
      انا من كثر ماحبك اشوفك في عيوني غير
      تضيق النفس من غيرك ولامن شفتك ارتاحت

      ..
      احبك كثر .. ماتطري فبالي وتشغل التفكير
      كثر .. ماشيلك بعيني وناسٍ منها طاحت

      ..
      احبك كثر .. ما ادمح خطاك ان خانك التعبير
      كثر .. ماخانت الرفقه بكتم اسرارها وباحت
      ..

      احبك كثر .. صقارٍ تولع في محبة طير
      كثر .. مادلة الطيّب بريحة هيلها فاحت
      ..

      احبك كثر .. ماحس بشعور اني عليك اغير
      كثر .. مازيح هالغيره عن افكاري ولا انزاحت

      ..
      احبك كثر .. مالك داخلي حب و غلا و تقدير
      كثر .. ماغبت عن عيني ودموع امفارقك ساحت
      ..

      تصدق !! من عرفتك صرت احبك .. واكره التغيير
      وانا اللي كنت اعشق كل نجمه بالسما لاحت
      ..

      تأكد كل ماتسئل عن حوالي اكون بخير
      مدامك سائلٍ عني اكيد ان ضيقتي راحت
      ..

      لكم ودي واحترامي
      التعديل الأخير تم بواسطة سلوة الروح; الساعة 16-09-2010, 02:30 AM.

      تعليق


      • #4
        المشاركة الأصلية بواسطة شفافية مشاهدة المشاركة
        أختيار روعه..أختي الغاليه..
        وكلمات بمنتهى الروعه والجمال..
        أشكركِ حبيبتي

        الروعة هو تواجد غاليتى واختى شفافية - لاخلا ولاعدم

        شكرا ياذووق على هالمرور الكريم والله لايحرمنا من هالطلة الحلوة .

        تعليق


        • #5
          سكـرت بابـك وقفلتـه بمـزلاجـه
          قدام وجهـي وكـل النـاس شافونـي

          :الله اكبر على جور الايام
          خلي هجرني تكفى ياموت زرني..وإن ماقدرة دلني مكانك وأنا أجيك
          مآبـــي حياتــي دام خلي هجرنــــي..مآبي حياتي دامه يقول ماأبيـــك

          تعليق

          يعمل...
          X