إعـــــــلان

تقليص
لا يوجد إعلان حتى الآن.

من روائع الشاعر حمد السعيد

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • من روائع الشاعر حمد السعيد

    السلام عليكم ورحمة الله وبركاته
    احبتى راح احط لكم روائع الشاعر الرائع صاحب الاحاسيس الجميله والقصائد العذبه وصاحب الوجه البشوش المبتسم وصاحب الاخلاق الراقيه
    الشاعر حمد السعيد بوخالد عسي ربي يحفظه
    وراح انتقى لكم مجموعه من روائعه هالرائع
    اتمنى انها تعجبكم كما اعجبتنى

    والله انى كنت ألوم اللى يضيق أن غاب خله
    لين جربت المحبه والفراق وقلت توبه
    لعنبو جد المفارق فيه هم وفيه ذله
    أثر كل الحب لذه والفراق أكبر عيوبه
    امس فارقت الغلا ومفارق الخلان عله
    والعلاج الوصل لا تبلش طبيب ولا حبوبه
    الزعل هو سبه الفرقا يهز الحب كله
    ليتنى طولت بالى قبل لا يعلن غروبه
    وآهني اللى وسيع الصدر.. صدره وسع فله
    غلطه الصاحب تجى وتروح ماهى بمحسوبه
    عارفً قدره.. وقدر اللى يحبه فى محله
    ذاك نفسه لا حشا ماهى على الحب مغصوبه
    ليش تحسب غلطه الصاحب على الصاحب مذله
    ليش ماتحسب ميانه لو تجى عشرين نوبه
    لا وربى.. كنت أحبه حيل مادورت زله
    لا تشكك فى غلاه ولا تساعد فى هروبه
    لايمى قبلك تعبت ألوم شعار المجله
    وكنت مؤمن فى مقوله اعذب الشعر الكذوبه
    وأثر كلن فى حياته له تجارب مستقله
    وانت لا تشره على مثلى وتبلا لك بحوبه
    كان جابتك.. الحميه روح له تكفى وقله
    لا يخلينى واذا وده يخفف من ذنوبه
    يستخير وله غلا قلب صدوق مايمله
    فدوة له كل قلبي من شماله لى جنوبه
    يوم قفى والخفوق يفوح عقبه فوح دله
    وسط وقدرة واحد عز الشتاء والسهر دوبه
    لا تقهوى بارده من برد فنجاله وزله
    ثم قربها على جال الجمر وأرهى شبوبه
    وين يدله هالخفوق وكل مايدله يتله
    طاري اللى ياكثر ماأتعبت رجلى فى دروبه
    لا طرى جريت ونه من بلاده مستحله
    مثل ماراحت بلادى مع شعارات العروبه
    كل هاجوس يجيبه جعل شعرى فدوة له
    وأعذابى كل ماجبت لى الجبله هبوبه
    مشغلن قلبي يحبه دون خلق الله من الله
    هيه ياللى ممتلكنى حسن وأسلوب وعذوبه
    ماسمعت ان الخوي له بالخوي تسعين زله
    وانت طوف زلتى ياعل تفداك اللعوبه
    صاحبي سيف الهجر لا صرت تقدر لا تسله
    ماتظن ان العفو عند المقدره اكبر عقوبه
    ايه انا اللى كنت ألوم اللى يضيق ان غاب خله
    لين جربت المحبه والفراق وقلت توبه

    اتمنى ان تعجبكم
    التعديل الأخير تم بواسطة سلوة الروح; الساعة 02-01-2012, 11:39 PM.

  • #2
    قصيدة جابك الله
    هلا جابك الله .. عقب ذاك الطريق ارتحت ... تبي باتصالك عقب ماغبت تنفعني ؟


    تبيني على حطت يدك جيت وإن روحت ... تبي بهالسهوله بالمعاذير تقنعني ؟


    تحسب الجفا عادي وانا منه ياما صحت ... تقول انت وش خسران وش فيك تمنعني ؟


    انا ما خسرت إلا الكرامه عقب مارحت ... نويت السفر ولا طرالك توادعني ؟


    على كل حال اسمع وابشرك ما طحت ... على مانت خابر لا وصدتك ترفعني !


    هلا يوم ربي جابك وللاسف سامحت !!! أنا با تكلم وأنت لا . لا تقاطعني !


    ثلاثين ليله وانت ماقلت كيف اصبحت ؟؟؟ تبعثرت عقبك ولا طرالك تجمعني ؟


    شقا واشتقيت وللمخاليق مالمحت ... قرؤوك بعيونٍ للسهر منك تقلعني .


    كرهت السفر واللي يسافر ولا صرحت ... بأنك سبب حزني وفرقاك يوجعني .


    وأنا وإن شكيتك لأقرب الناس وإن وضحت ؟؟؟ لقيت الاجابه منه لا غاب وش يعني ؟


    تعبت ارتقي بك فوق والناس غيرك تحت ... احبك واخاف انك مع الوقت تخدعني ؟!


    هلا باتصالك عقب ذاك الغياب افلحت !!! ولي صدر ياسع غيبتك وانت تاسعني ؟


    هلابك على حطت يدك جيت وإلا رحت ... على مانت خابر وانت لاعاد تقطعنى





    تعليق


    • #3
      تسلم الايادي سلوه الروح

      تعليق


      • #4
        المشاركة الأصلية بواسطة مشرف مشاهدة المشاركة
        تسلم الايادي سلوه الروح
        تسلم مشرف واسعدنى مرورك العطر

        تعليق


        • #5
          ياضيقة الصدر


          يا ضيقة الصدر وش باقي على بكره
          يا طول الساعتين وطول غربالي

          الليل كله وانا فكره وراء فكره
          ومن دلة الهم ماهزيت فنجالي

          ما كنت اضن الحبيب اليا عشق يكره
          الين جربت فرقا اللي شغل بالي

          اثر الجفا موت مثل الموت له سكره
          يالله لاتقطع الغالي من الغالي

          من يوم قفا وانا للموت ابفتكره
          والله ليبطي بقلبي منزله خالي

          الطير لامن غدا ما عاض به وكره
          يقضي وفعله مع المده يورالي

          لا صار فعل وغلا بالقلب محتكره
          في ضيقته يااخذ الاول مع التالي

          كد قالوا الطير يا وفيه يانكره
          واقول نكاره العشره بروا حالي

          ارجع لموضوعنا السابق على فكره
          ماني بانا اللي مفارق بس بلحالي

          البعد سم البشر ماني بمبتكره
          عزي لمن جرب الفرقا وعزالي

          هذا الجفا موت ومثل الموت له سكره
          يالله لاتقطع الغالي من الغالي




          تعليق


          • #6
            كلمات في قمة الروعه والعذوبة والجمال
            تسلميلي يالغاليه سلوة الروح

            تعليق


            • #7
              المشاركة الأصلية بواسطة شفافية مشاهدة المشاركة
              كلمات في قمة الروعه والعذوبة والجمال
              تسلميلي يالغاليه سلوة الروح
              الله يسلم عمرج يالغالية
              ويسعدنى مرورج الجميل
              ودى وردى لج

              تعليق


              • #8
                ليش تحسب غلطه الصاحب على الصاحب مذله
                ليش ماتحسب ميانه لو تجى عشرين نوبه

                الله الله بس وين الي يقدر
                خلي هجرني تكفى ياموت زرني..وإن ماقدرة دلني مكانك وأنا أجيك
                مآبـــي حياتــي دام خلي هجرنــــي..مآبي حياتي دامه يقول ماأبيـــك

                تعليق


                • #9
                  اي والله وين الى يقدر
                  مروج اسعدنى ياغاليه
                  التعديل الأخير تم بواسطة سلوة الروح; الساعة 23-12-2011, 11:03 PM.

                  تعليق


                  • #10
                    احد إذا غاب جرح الحب بغيابه

                    أحدٍ إذا غاب جرح الحب فغيابه
                    وأحدٍ جروحه تجيك معانقه حبه

                    منهو يقول الجروح جروح تتشابه
                    جرح"ن" قويته وجرح أبطيت في طبه

                    يامن ذبحني وأموت بريحة ترابه
                    ياما عطيته وهو ماخاف من ربه

                    شرعت بيبان قلبي ولا فتح بابه
                    ياكثر ماهو مزعلني بلا سبه

                    إيه أعشقه وأبغضه وأموت بغيابه
                    وأشتاق له وأقطعه وأغليه وأسبه

                    والله والله مابه شي ماهابه
                    لاصرت في متاهاته والمدى قبه

                    ياسيدي والجفا لا كشر بنابه
                    شمع المواصل دخيل محبتك شبه

                    لاصرت أقرب قريب"ن" لك فأنا أولى به
                    صب الغلا في خفوق معذبك صبه

                    يامن جروحك بقلبي كنها ذيابه
                    جرح"ن" قويته وجرح أبطيت في طبه

                    تعليق


                    • #11
                      (غلطتى)
                      يومهـا بيـن ايديـنـي والـغـلا عــادي
                      ويــوم قـفــت تـفـجـر حـبـهـا فـيـنـي
                      كـنـهـا حـطــت التـوقـيـت بـفــؤادي
                      لامـشــت حـبـهـا يـفـجـر شـرايـنــي
                      قـبـل تقـفـي وانــا متمـاسـك وهــادي
                      وعقبها ضاق كـل الكـون فـي عينـي
                      غلطـتـي كـنـت متـراهـي ومتـمـادي
                      كنت احسب الزمن والوقـت يمدينـي
                      واثـر مـن لا تغانـم فرصـتـه غــادي
                      اه يـا فرصتـن ضاعـت مـن سنيـنـي
                      تونـي فــي غـلاهـا قـلـت يــا هــادي
                      روحــت لعنـبـو مــن لامـهـا فـيـنـي
                      مــا نـفـع طـويـل الـوقـت وعـنــادي
                      يومـهـا مقـبـلـه مـــا كـــان يعنـيـنـي
                      بــس راحــت وكـنـي فـاقـد ابــلادي
                      اثر ما ارخص من الي تطوله ايديني
                      يـا وجـودي هليهـا وجـد بــن هــادي
                      وجـــد لا وجـــد فـــراق ولا ديـنــي
                      غلطتـي وارتكبهـا بثـورت ازنــادي
                      يـوم جـر العـزاوي راحــت ايميـنـي
                      والله انـــي علـيـهـا حـدنــي حـــادي
                      مـن يــرد المـواصـل بينـهـا وبيـنـي
                      علمـوهـا تـجــي وتـرجــع ارقـــادي
                      كــل ماجـيـت ابنـسـى وش ينسيـنـي
                      علموهـا الغـلا مـا عـاد هــو عــادي
                      مشـكـلـه الـولــع عـقــب الثـلاثـيـنـي

                      تعليق


                      • #12
                        يامعذبتنا

                        يا معذبتنا

                        يا معذبتنا ليش زولك فقدناه
                        عن شفتك بديارنا ما سمعنا
                        حتى الاثر على الثرا ما لقيناه
                        نطرش ومثل الي طرشنا رجعنا

                        قالت

                        الحين تشتكي من غيابي ودعواه
                        وين انت يومن جموع اندفعنا
                        لدياركم الين النصيفه خسرناه
                        والان اكثر لين منه جزعنا

                        قلت
                        الي ذبكم بالرمي كم نصحناه
                        وان كان شبع منكم تراى ما شبعنا
                        كيف انتحمل بالزمن خطاياه
                        والمشكله هو السبب في ولعنا

                        قالته
                        اسكت ومثلك ناقل داه برداه
                        لو يحصلك انت وغيرك قطعنا
                        والله لولا الثلج والبرد لولاه
                        ما جيت في خد يدور شمعنا

                        قلت
                        حنا تراني غير وعنهم وفرقاه
                        راعي الرمي ننفيه من مجتمعنا
                        كم واحدن يخطي ويرمي وننهاه
                        ونفشله في رمته الي اجتمعنا

                        قالت
                        وشلون حكيك الي سمعناه
                        يا شاعر ان كان ضرنا ما نفعنا
                        بالشعر هيضت المولع وتنخاه
                        من سبتك في بركم ما هجعنا

                        قلت
                        من حبني لم اكتب الشعر وانقاه
                        واوصف هددنا الين كلن تبعنا
                        ماهوبذنبي يوم زنتي للمرماه
                        وماهو بذنبي ان كان مثله خدعنا

                        قالت
                        برمي عذرك والله انه قبلناه
                        وين انت يومنا بالاسواق بعنا
                        صرنا تجاره لمن يبي ترس مخباه
                        في وسط صندوق عطشنا وجعنا

                        قلت

                        لو هو بكيفي ذاك مثله سجناه
                        بس السنع والله ماهو سنعنا
                        وسوق يبيع فيه شرواك والله ما طاه
                        وان كلن ما طاع الزمن غصب طعنا

                        قالت الحبارى

                        خلها على الله وكل خافي عرفناه
                        يا شاعرن في حجتك ما اقتنعنا
                        يالله ترحم زايد الخير يالله
                        لولاه كلن من الوجود انقطعنا

                        قلت

                        الله عليك وزايد حل طارياه
                        مافي غير المدح لشعر معنا
                        ابو خليف والله ان فقدناه
                        غايب لكن طيب ذكرها معنا



                        :


                        البارحه قدرت اصدق ظنوني

                        البارحه قدرت اصدق اضنوني
                        خلاص كلامي وانت غرقات تفكير
                        كنت احسب انك سارحن في عيوني
                        اثرك معي وانت فكرك مع الغير
                        يا خاين التفكير قمت جنوني
                        لامن تساوت جيتي والمعاذير
                        مدري شسميها ولو عذر بوني
                        مدري خيانت حب او حب تغير
                        افرض ابعديها واقاوم شجوني
                        شل فايده ما عاد لي اي تاثير
                        تعال نحسمها بحطم سكوني
                        تعبت من قمت ابي منك تفيسر
                        لاصرت تقدر عيش عمرك بدوني
                        والله يذكر هل علاقة على خير
                        شق الصور وشطب رقم تلفوني
                        انسى ويعني لا افترقنا وش يصير
                        ما انت اول الي بالمحبه يخوني
                        ياكثرهم قبلك ولا انت بالخير
                        كم قلت للعالم ولا صدقوني
                        ان البشر فيهم مرض حب تغير

                        :

                        سبع الصنايع لاكن البخت ضايع

                        لا خانتك الدنيا قال عادت البنت
                        دنيا وفيه من العذارى طبايع
                        من كثر ما جربت امنة وايقنت
                        الطيب بالدنيا وبالبنت ضايع
                        لاهنت يا قلب شكى الضيم لاهنت
                        من دنيتك ضاقت عليم الوسايع
                        كم كنت قاسي لكن من الزمن لنت
                        الي اطلقك لا يع تكفاك لا يع
                        رغم السنين وخبرتك ما تمكنت
                        رايح حيا تك بين شاري وبايع
                        الحظ كم عاند من الناس حتى انت
                        ما طاعك من الحظ يا قلب طايع
                        كم شانت وجيه الرفاقه ولاشنت
                        خابرك يا قلبي تحب الرفايع
                        وفيت معهم واكثر من الوفاء كنت
                        والغدر بين الناس هل وقت شايع
                        اسرفت باخلاصك وطيبك ولاخنت
                        مع دنيتك جربت سبع الشرايع
                        كن المثل يا قلب راكب عليك انت
                        سبع الصنايع لاكن البخت ضايع

                        تعليق


                        • #13
                          بسيطه

                          بسيطه!!

                          بس لحظه يامهملنـى ونـاوى فـى غيابـك
                          دامك اللى ناوى الفرقا باأقول اللـى باأقولـه
                          أنت يعنى لانويت تغيب باقـف عنـد بابـك
                          لاوربى تاقف الدنيا وأنا " تأبـى الرجولـه "
                          ماتعودت اتبع المقفى ولو حضـرت جنابـك
                          رح عساها خيرة والدرب لك عرضه وطولـه
                          روح لاجابك امجيب الغيم واترك لى صوابـك
                          جيت حلم ورحت حلم تشبه احـلام الطفولـه
                          ماأنت بأول من طعن هالقلب والدرب انتهابك
                          ياثقل خطواتـك البـارح وهالليلـه عجولـه
                          باغى الفرقا !!جعل ربى يعجـل فـى ذهابـك
                          بايع قلـب لـك الله كنـت ماتحلـم تطولـه
                          من يلومك..؟ شايف حالك وفـ.. بداية شبابك
                          طاغى تجرح قلوب الناس تحسبهـا بطولـه
                          بسألك: كم واحد قبلى هقابك واشتقـى بـك؟
                          أنت ياللى نظرة عيونك قبل عرفـك خجولـه
                          ياكثر ماكانـت ظنونـى دخيـل الله تهابـك
                          بس اكذبها واقول اوهـام والقلـب وميولـه
                          اثرك اللى تستلذ ان ذاقـوا العالـم عذابـك؟
                          مشكله !! والمشكله هذى بسيطـه ومحلولـه
                          كان مالبستك الغيـره مثـل لبسـت ثيابـك
                          قل عوافى.. قل مثل غيره تركتـه وبسهولـه
                          واجد اللى مشتهين الوصل والخـط متشابـك
                          كان لك جوله ترى محاكيك له تسعين جولـه
                          لابغيـت تغيـب فـارق لاوربـى مادرابـك
                          شاعر ياكثر ماتـل القلـوب وصفقـوا لـه
                          لاهلا بك فى حضورك .. فى غيابك لاهلا بك
                          رح مهف امقيط يوم مقيـط ودنـه رجولـه
                          باكر ان ماشفت غيرك جا يعوضنـى غيابـك
                          قل حكى شعار ماتفعـل ربـع هاللـى تقولـه

                          تعليق


                          • #14
                            مجنون زعلاتك

                            ،، مجنـــون زعلاتك ،،

                            تزعل واراضيك واتلذذ بتزعيــــــــــلك

                            تبي الصراحه انا مجنون زعـــــــلاتك

                            لاقمت تبعد وانا اقرب وادنيـــــــــلك

                            وامسك طرف غترتي وامش دمعـاتك

                            وتبدي تعاتب وانا كل انتبـــااهي لك

                            ما اسمعك شتقول انا عيني على شفاتك

                            وتعيد حجيك وتفرك حيل منديـــــــلك

                            وتخالطت صادق حروفـــــــك بوناتك

                            واحاول ارضيك ومدري منين ابدــيلك

                            واحتار واذكرك في بعــــــض زلاتك

                            واسمعك ماكتبته بك واغنيـــــــــــلك

                            طاروقك اللي تحبه واكسر سكاتــك

                            واستسمحك واعذرك واسمعك واشكيلك

                            واتلهف لبسمتك ورد ضحكــــــــــاتك

                            يسرقني الوقت ولا يمديني احجيلك

                            كلام اللي تحفظته لشوفـــــــــــاتك

                            وقت الوعد فات وعيوني تراعـيـلك

                            وقفيت واشغلت القلب بلتفــــــــاتك

                            عيني على خطوتك والقلب يدعيــلك

                            الله يحفظك من الحاسد وشمــــاتك

                            تزعل واراضيك واتلذذ بتزعيــــــلك

                            تبي الصراحه انا اعشق كل حالاتك


                            تعليق


                            • #15
                              http://www.youtube.com/watch?v=yjbcX5Bk-N0


                              بـيـن جـفـنـك وعـيـنـك ألـف مـعـنـى ومـعـنـى - وش بـقـى للـقـصـآيـد يـوم تـرخـي جـفـونـك

                              صح السانك ياحمد السعيد عزالله انك تصوغ الحرف وتبدع فيه والروائع ماهي غريبه عليك هالابداع _دايم ابياتك تدخل القلوب وتفرحها
                              وهالقصيده من احب القصايد الى احبها ولى لها ذكري عزيزه على قلبي

                              تعليق

                              يعمل...
                              X