{اهداء الى امى الغالية}

فتحت عيني على شوفة محياج
و عيون تنطرني بحنان و حب
وتعودت روحي على مبسم ثناياج
وتعودت اذني على دقات القلب
أمي ياكل الأمان
أمي ياكل الحنان
يا أغلى إسم بــ لساني غنيته
يا أحلى رسم بــ عيوني خشيته

لي ضاق صدري وزادت أحزاني
من غيرك يا يما يرعاني
يانهر جاري على مر الزمان
ياحمامة وأنا بأحضانك ربيت
ياجفن ساهر اذا أنا شكيت
أنام الليل وانتي تسهرين
ولي شربتي الماي قبلي تشرقين
كل كنوز الدنيا ماتعادل يايمه
الحنان اللي بعيونك اشوفه
كل كنوز الدنيا ما تعادل يا يمه
نظرة من عينك عطوفة
إعذريني عمري ما اوفيج حقك
أنا قطرة ماي يا يمه في بحرك
مهما أسوي ومهما لعيونج أضحي
لو أضل عمري أدعي لج و البي
عمري ما اطلع من جزاج

عــسـانـي مـا انـحـرم منـج يـا امــي 




تعليق