عيونك آخر آمالي

[دوفي دوف]

عيونك آخر آمالي وليلي اطول من اليــــم
كيف القى كلام عذب يوصف دافي احساسـي

عشقتك قبل ما اشوفك وشفتك صرت كلي حلــم
ابي رمشك يغطيني وابيك اقرب من انفاســـي
يهمك تعرفي انك قتلتي في سنيني الهــــم
قتلني ضحكك وجدك قتلني لينك القاسـي
عيونك..

رميت اقداري في دربك وصرتي في عروقي الـــدم
احبك كثر ما سالت دموع وما نسى ناســــي
يجول الحزن في ضلوعي بردت وذاب فيني العضـم
ويا كثر الحطب حولي وعندك انكسر فاســــي
عيونك..

سألتك بالذي زانك تحبي فيني حتى الظلـــم
تحبي عيوبي وغدري تحبي المر في كاسـي
انا من كثر ما احبك ابيكِ كثر رمل اليـــم
وابيكِ تكوني فوق الناس وابي ما ينحني راسـي
عيونك