Tweet
ايام الثانويه
السلام عليكم جمييييييعا ..
وانا اتصفح في المنتدى
لفت انتباهي كلمة دعواتكم ...توقعتها للمنتخب قلت اروح اشوف شنو الموجود حطيت دبل كلك عليها ولا الاخت النهج السمى منزله خووووش موضوع
دعواتكم احس انه طالع من قلبها الله يعينها بصراحه ماتنلام هذا الجيل مختلف جدا عن الجيل الي كنا نعيشه
وبصراحه جيل غير متفائل واتكالي جدا جدا والدليل على ذلك موضوع الاخت النهج لمه قالت انها تفكر بالنسبه والولد يقول شكلي ماراح انجح يعني كسر فيها 180 درجه هااااااردلك
...بصراحه ضحكت وقلت الله يعز ايام زماااان الي كنا ننجح بذراعنه محد وقف على راسنا ولا جابلنا لكن كنا قدها وقدود
واذا نبي الشي نسويه بعزيمه واصرار وكنا قد الثقه الي عطونا اياها اهلنا ...
الزبده ماعلينا من هالكلام ....
انا بقولكم قصتي واشلون فلت من مادة الكيمياء ..
سمعووووهاااااااا
بس من غير تعليق ولا تقاطعوني وتقولون لالالالالا مانبي نعلمهم ولا مانبيهم يسوون مثلك المهم انا تخرجت ولله الحمد وحصلت على مجموع دخلني الجامعه وكيفكم انتووو عاااااااااااد
كان وقتها علي اختبار مادة الكيمياء ومالي امل انجح لاني نص السنه درجاتي فيها زيييروووو يعني لازم اجيب مو فوق الخمسين
هذا النظام القديم ماراح اقولكم اي سنه
لازم احصل على 85 بالمئة علشان انجح اشلووون ايييبها اقولكم اشلون يبتها
طبعا مادرست ولا فتحت الكتاب ولا فكرت لانه مستحيل راح احفظ كل الكتاب بعشر ساعات
كل الي سويته اني نمت الظهر
وريحت بالي والعالم تطحس ومبققه عيونها والشارع صخه هدووووؤ كلن في بيته يوم صارت الساعه 5 وبرد الجو رحت مكتبة المقهوي
بذاك الوقت مافي الا هالمكتبه الي تبيع هالنوع من الاقلام الي اسمه صفر واحد بالثمانينات سعره كان دينارين ونص يعيني واخذتلي واحد ..
تالي مريت المخازن الكبرى وشريتلي بنطلون لونه رمادي بتقولون ليش على اخر السنه اشتري بنطلون
والله حتى راعي المحل تعجب
وماهو مصدق قلتله حق السنة اليايه مالي خلق اجيلك بالزحمه
ومشت عليه ورحت البيت يوم صارت الساعه عشر سدحت البنطلون على المكتب وفتحت كتاب الكيمياء والكشاكيل الي عندي كلها والاسئلة المهمه الي تبي تيي وبلشت هاااااات بووووم
اعبي حبر اسود واكتب على البنطلون كل المسائل ..ما رفعت راسي الا الساعه اربع الفجر
ولييييييه اشلون انام الحين قلت خلني اروح الخدمه الليليه اشتري فطاير وارجع ابدل وروح المدرسه من فير الله
صار الصبح قلت خلني اخذ معاي بنطلون احتياطي اخاف يطيحون علي باللجنه ويطردوني ابدل بالسياره وارجع ادش
ياحلات لجان قبل يعيني
....وانا واقف عند باب المطعم موصي اثنين من الربع يوقفون جدامي يغطون علي لين يوصلوني عند درجي واقعد وهما يروحون اماكنهم ...
وصلت بسلام وقعدت
وغطيت ريلي بالدرج الي يشوفني يحسبني برداااااااان واعصابي هاديه ريلاكس ناطر الورقه بس توزعت الاوراق كتبت اسمي والعالم منهده طايره عيونها بالورقه وحيل والمدرسين تحوس فوق روسنه جنهم يرايير
وانا ريلاكسقاعد ارسم على الورقه واشخبط
ماطاف نص الوقت دزيت الدرج ولا زووووم نفس السؤال بويهي واعطيها كتابه وخلصه والي وراه ودوره ولا بريلي الثانيه
واعطيه وانفظ الورقه كلها من الالف الى الياء ...
بس المشكله اشلون اقووووم هذي القبنده
ما وعيت الا ذاك المدرس السمح كان وقتها فلسطيني يقولي شوووو لساتك بتفكر
قتله خلصت
قالي شو ما بدك تروويح
قتله تفضل وخمط الورقه مني يبي الفكه يبون يمشون وراهم تصحيح
وقوم ووشه لي الباب حد الدوسه
ولا الشباب ناطرين بره وتصفر وصفقه 
ويوم يت النتايج لوووووووووووول تتوقعون شنو
ما يبيله بعد المجمووووع دخلني الجامعه وانا مرتااااااااااح البال
لا تقولون اني غشاش
انا اسميها شطانه (( فذلكه )) هههههه حلوه هذي
المهم ماكنا نيأس ونحب التحدي مهما كان الثمن بس ما يكون على حساب غيرنا
و بالاخر نكون الفايزين
هذا الفرق ....
[/align]
تعليق