ابيكم شوي!!

[النهج الاسمى]

صباح الخير اعضاء المنتدى الغالين
شلوووونكم !!
طبعا كل شخص بقرأ الموضوع بيقول : ( فال الله ولا فاااالها شهالفال من فير الله )








الكويت كما تعلمون مرت بأزمة الغزو الله لايعيدها من قبل الجار العراقي
اللي يوم من الايام ما احترم حق الجيرة << طول عمرها ما احترمت الجيرة
المهم ما علينا
بسألكم
لو لو لو لو
الله لا يقوله
لو اي دولة اتيي و تغزي الكويت
تهقون راح نكون اقوياء نفس قبل ب 7 شهور بفضل الله ثم بسالة شبابنا و الدول الصديقه تحررنا !!!
انا اقول يمكن من ثاني يوم يتغير اسم الكويت و تنظم حق اي دولة تبيها .. بتكون احلى من قطعة الجيز كيك بالفم
صج والله >>>>وهالكلام ما جا من فراغ
اول شبابنا يمشي على زندهم التيس
الحين لو تمشي على زغاديده بعوظة طلب علاج بالخارج
والله شبابنا و بناتنا حالتهم كسيفة
تمشون بالسوق ما تدرون من مر يمكم ... بنت ولد !!! الله اعلم
بس الشي المتأكدة منه انه من الجنس البشري
دايما اسمع من ابوي يقول والله شبابنا يبيلهم غزو ثاني عشان يصيرون رياييل>>>>طبعا مو من صجه من القهر اللي يشوفه
كل امهات وآباء المنتدى
اللي علموا عيالهم على الرجولة
مشيتوا على الحديث ... علموا ابناءكم السباحة و الرماية و ركوب الخيل !!!
والأ علمتوهم يحجزون حق السينما من النت !!
بيدكم انتوا تبنون الكويت
اصلحوا عيالكم تصلح الكويت
ليش عيالكم بنهاية الاسبوع يروحون السينما و يتفرفرون بالسبايكي مع الشعر المقنزع !!
ليش ما تشركونهم بدورات ( كرة قدم \ كرة سلة \ كاراتيه \ جودو \ فروسية \ سباحة )
يا جماااااااعة نبييييييي ريااااااااييييييييييييل ... ما نبي ريال و متحسف
امانة ابي كل أم وأب يقولنا شنو الشي اللي مفتخرين انكم معلمين عيالكم !
ارجوا ان الموضوع يمر عليكم ك باب للنصح وادري انكم تحبوني وتتحملون شدتي عليكم

لكم تحياتي وودي

[منار]

[align=justify]
ههههه ترى ألحين تصنفين ضمن الإرهاب ..
يا يصيرون زبيده و تروفه , و إلا غيره بيكون إرهاب

بصراحة الموضوع يبيله حملة قويه .. ما يصير يمر مر الكرام ..
الفراغ يصنع الشر و العمل يصنع الخير ..


----
على الهامش ..
الفهد غاسل ايده من باجر ..
أحمد الفهد : اللقب الخليجي للأخضر ... و"لا تقصون علينا" السعودية لديها خمسة منتخبات .... وترشيح الكويت دقة قديمة :d
يعني لو تابعتها ترى مالي ذنب بخسارتهم ..
[/align]

[ام حمد]

اول شي مشكوره على هذه اللفته والتنبيه
ثاني شي اقول حق اختي منار الاعتدال مطلوب بكل شي
وبعدين التعليم بالصغر كالنقش على الحجر

[مشرف]

شدني العنوان كثيرا
و هذا ماتعودنا عليه من الاخت النهج الاسمي وهو التميز في المواضيع والطرح الراقي

فعلا انا اتالم واتحسر عندما اري احوال بعض شبابنا هذه الايام ونقارنهم بشباب الماضي ولاكن هذه حال الدنيا (فكل وقت مايستحي من وقته ) وهذا الشئ ليس عندنا فقط ولاكنا نجده في كل دول المنطقه وهي ضريبه النعمه والرخاء وتكاسل الحكومات بالاهتمام في تنميه النشئ
ولاكن للامانه نحن لانعمم علي الكل فلو خليت خربت فالمساجد والنوادي والاماكن المفيده كالنوادي العليميه وغيرها مليئه بالشباب الخلوق والمؤدب والذي نفتخر به وهو عماد المستقبل ولاكن للاسف دائما الشين والسلبي هو الظاهر وهو الذي نراه ودائما ماتسلط عليه الاضواء اما الزين فهو موجود وبكثره ولاكن للاسف غير ملفت للنظر لانه لايشد
واقول لوالدك اطال الله بعمره فعلا نحن بحاجه الي غزو ثاني
ولاكن غزوا فكري من حكومتنا للاهتمام اكثر بالنشئ وان يكون من اولوياتهم وتظافر جميع جهود المجتمع
وان يكون هذا هو جل اهتمامهم لانه اذا صلح الفرد صلح المجتمع

[اوراد]

تسلمين أختي الغاليه النهج الأسمي ولج من لقبج نصيب يارب بكل خير .. فعلا مشكوووووووره وايد لأختيارج هالموضوع الي فعلا يحز بالخاطر ويألم القلب من إلي نشوفه ويقهر من أشكال غريبه ومياااعه أغرب للأسف زادت حيل أحنا أول شئ ما نعمم بس أكثرو لا نعرف البنت من الريال وياليت علي الصغار بس هني المصيبه الطامه الكبري شئ مخجل أعوذ بالله منه وأنتشر حيل الود ودي خيازرين مملحه وتلسب وبعدين حذف بالربع الخالي سنه مع الشغل والنفاذ وما يأخذون معاهم الا ماي وأعطيهم سخلتين عشان يحلبونهم وتمر وتعالي شوفيهم بعدين أذا ما تسنعو .. تبين الجد و أتوقع تعرفين هالشئ .. أيام الرسول صلي الله عليه وسلم كانو يدزون عيالهم عند الأعراب الي هم البدو .. عشان يتعلمون الفروسيه والرمايه مثل ما تفضلتي عشان يصقولنهم من الصغر ويتعلمون الرجوله والأخلاق .. هذاااك أول يا خساره .. والبنات مترين رأسها فوق ولابسه لي بلوزة رياييل وعلامة فريق كرة قدم !!!!!!!!! شكو ؟!!! كوجا مرحبااا؟!!!!!!!!! يحسبون مودا والا حلوو !!! والا تميع بالكلام ما خبرناه بأهلنا الأولين وإلا مسترجله و لكن أرجع أكرر وأقول مو إلكل لو خليت خربت .. وتعاالي شوفي أواخر الستينات و بداية السبعينات في موضه الخنافس والهيبيين البوهميين وغيرهم أنتشرو حتي بالكويت .. والدتي تقول دائما تتغزلون بالماضي وهو فعلا له حنين بالقلب وجمال خاص فيه وبأهله .. لكن له بشاعته وفي بلاوي نفس الحين وتقول والدتي الله يحفظها كنا نسمع بعض الأمور أشنع بعد إيش رأيج ؟!!! ولي يه الجيل الي ورانا بالمستقبل راح يقول الله علي الماضي أحلي وأبسط .. عن وقتنا هذا الي نتذمر منه .. وهلم جره دائره تدور .. سنة حيااااة ماشيين فيها .. ويظل جمال الماضي في بساطته وتواصل أهله فيما بينهم أكثر من الحين .. وإلا لهم نفس العيوب بالأخير هم بشر .. صدقيني العيب مو بالجيل .. وين أهلهم ؟!!!!!! أهم ما صارو جذي من نفسهم وبس .. الشره علي الي ساكت عنهم وما يتحري .. وبعدين أختي الكريمه .. لا تظلمين الشباب الصغار وبس شوفو بعض الشياب المراهقين .. شكل رجل للأسف وداخله شئ بشع الله يستر عليه .. ما تسمعين البلاوي .. تدرين شنو مصيبه هذي؟!! يحسبون ريال يعني ماحد يتكلم عليه ما يدرون له سمعه مثل المرأه ولو شنو يخشش الناس تتكلم والديره صغيره و إلا إلي صاير مراهق علي كبر ومطيح لي بالمجمعات لا شغله ولا مشغله انا عن نفسي أكره هالنوعيه وغيري وايد نفسي .. ووايد نفس هالنوعيه أشباه رجال وفي نفسهم للأسف حريم كبار لكن بالمقابل تلقين بعض البنات جمال ورقه لكنها أرجل من ستين ألف ريال مجتمعين بمواقفها وتفكيرها ورجولة اخلاقها .. و يظل في رجال والنعم ألف بالأول والحاضر والمستقبل بأذن الله وهم كثر بديرة الخير الكويت الحبيبه .. رجاااااااال تنحط علي الجرح يبري .. دين من غير تطرف ولا تعصب وأخلاق وسنع وثقافه وعلم وتعامل راقي ورهافة حس ونبل طبايع .. وحريمنا وبناتنا وأخواتنا يا الله من فضلك أخلاق وسنع وتعامل وطموح وعزيمه .. هذول الكوييتين الغالب فيهم الطيب بأذن الله .. و بالأخير مالنا إلا الدعاء بالهدايه عسا الله يهدي الجميع ومن غير غزو يارب يرجعون لصوابهم .. وتأكدي إلي ما يبي يتغير .. عمره ماحد يقدر يغيره إلا رب العالمين ثم نوايا حسنه تنبع من داخله .. شكرا مره ثانيه واسفه علي الأطاله موضوع شدني فعلا .

[النهج الاسمى]

شدني العنوان كثيرا
و هذا ماتعودنا عليه من الاخت النهج الاسمي وهو التميز في المواضيع والطرح الراقي

فعلا انا اتالم واتحسر عندما اري احوال بعض شبابنا هذه الايام ونقارنهم بشباب الماضي ولاكن هذه حال الدنيا (فكل وقت مايستحي من وقته ) وهذا الشئ ليس عندنا فقط ولاكنا نجده في كل دول المنطقه وهي ضريبه النعمه والرخاء وتكاسل الحكومات بالاهتمام في تنميه النشئ
ولاكن للامانه نحن لانعمم علي الكل فلو خليت خربت فالمساجد والنوادي والاماكن المفيده كالنوادي العليميه وغيرها مليئه بالشباب الخلوق والمؤدب والذي نفتخر به وهو عماد المستقبل ولاكن للاسف دائما الشين والسلبي هو الظاهر وهو الذي نراه ودائما ماتسلط عليه الاضواء اما الزين فهو موجود وبكثره ولاكن للاسف غير ملفت للنظر لانه لايشد
واقول لوالدك اطال الله بعمره فعلا نحن بحاجه الي غزو ثاني
ولاكن غزوا فكري من حكومتنا للاهتمام اكثر بالنشئ وان يكون من اولوياتهم وتظافر جميع جهود المجتمع
وان يكون هذا هو جل اهتمامهم لانه اذا صلح الفرد صلح المجتمع

صح لسانك بكل كلمة قلتها>>>>مميز يامشرف

شكرا مشرف اسعدني مرورك

[النهج الاسمى]

اول شي مشكوره على هذه اللفته والتنبيه
ثاني شي اقول حق اختي منار الاعتدال مطلوب بكل شي
وبعدين التعليم بالصغر كالنقش على الحجر

هلا بهالطله ام احمد

وفعلا التعليم بالصغر كالنقش على الحجر

وحياج الله

[النهج الاسمى]

تسلمين أختي الغاليه النهج الأسمي ولج من لقبج نصيب يارب بكل خير .. فعلا مشكوووووووره وايد لأختيارج هالموضوع الي فعلا يحز بالخاطر ويألم القلب من إلي نشوفه ويقهر من أشكال غريبه ومياااعه أغرب للأسف زادت حيل أحنا أول شئ ما نعمم بس أكثرو لا نعرف البنت من الريال وياليت علي الصغار بس هني المصيبه الطامه الكبري شئ مخجل أعوذ بالله منه وأنتشر حيل الود ودي خيازرين مملحه وتلسب وبعدين حذف بالربع الخالي سنه مع الشغل والنفاذ وما يأخذون معاهم الا ماي وأعطيهم سخلتين عشان يحلبونهم وتمر وتعالي شوفيهم بعدين أذا ما تسنعو .. تبين الجد و أتوقع تعرفين هالشئ .. أيام الرسول صلي الله عليه وسلم كانو يدزون عيالهم عند الأعراب الي هم البدو .. عشان يتعلمون الفروسيه والرمايه مثل ما تفضلتي عشان يصقولنهم من الصغر ويتعلمون الرجوله والأخلاق .. هذاااك أول يا خساره .. والبنات مترين رأسها فوق ولابسه لي بلوزة رياييل وعلامة فريق كرة قدم !!!!!!!!! شكو ؟!!! كوجا مرحبااا؟!!!!!!!!! يحسبون مودا والا حلوو !!! والا تميع بالكلام ما خبرناه بأهلنا الأولين وإلا مسترجله و لكن أرجع أكرر وأقول مو إلكل لو خليت خربت .. وتعاالي شوفي أواخر الستينات و بداية السبعينات في موضه الخنافس والهيبيين البوهميين وغيرهم أنتشرو حتي بالكويت .. والدتي تقول دائما تتغزلون بالماضي وهو فعلا له حنين بالقلب وجمال خاص فيه وبأهله .. لكن له بشاعته وفي بلاوي نفس الحين وتقول والدتي الله يحفظها كنا نسمع بعض الأمور أشنع بعد إيش رأيج ؟!!! ولي يه الجيل الي ورانا بالمستقبل راح يقول الله علي الماضي أحلي وأبسط .. عن وقتنا هذا الي نتذمر منه .. وهلم جره دائره تدور .. سنة حيااااة ماشيين فيها .. ويظل جمال الماضي في بساطته وتواصل أهله فيما بينهم أكثر من الحين .. وإلا لهم نفس العيوب بالأخير هم بشر .. صدقيني العيب مو بالجيل .. وين أهلهم ؟!!!!!! أهم ما صارو جذي من نفسهم وبس .. الشره علي الي ساكت عنهم وما يتحري .. وبعدين أختي الكريمه .. لا تظلمين الشباب الصغار وبس شوفو بعض الشياب المراهقين .. شكل رجل للأسف وداخله شئ بشع الله يستر عليه .. ما تسمعين البلاوي .. تدرين شنو مصيبه هذي؟!! يحسبون ريال يعني ماحد يتكلم عليه ما يدرون له سمعه مثل المرأه ولو شنو يخشش الناس تتكلم والديره صغيره و إلا إلي صاير مراهق علي كبر ومطيح لي بالمجمعات لا شغله ولا مشغله انا عن نفسي أكره هالنوعيه وغيري وايد نفسي .. ووايد نفس هالنوعيه أشباه رجال وفي نفسهم للأسف حريم كبار لكن بالمقابل تلقين بعض البنات جمال ورقه لكنها أرجل من ستين ألف ريال مجتمعين بمواقفها وتفكيرها ورجولة اخلاقها .. و يظل في رجال والنعم ألف بالأول والحاضر والمستقبل بأذن الله وهم كثر بديرة الخير الكويت الحبيبه .. رجاااااااال تنحط علي الجرح يبري .. دين من غير تطرف ولا تعصب وأخلاق وسنع وثقافه وعلم وتعامل راقي ورهافة حس ونبل طبايع .. وحريمنا وبناتنا وأخواتنا يا الله من فضلك أخلاق وسنع وتعامل وطموح وعزيمه .. هذول الكوييتين الغالب فيهم الطيب بأذن الله .. و بالأخير مالنا إلا الدعاء بالهدايه عسا الله يهدي الجميع ومن غير غزو يارب يرجعون لصوابهم .. وتأكدي إلي ما يبي يتغير .. عمره ماحد يقدر يغيره إلا رب العالمين ثم نوايا حسنه تنبع من داخله .. شكرا مره ثانيه واسفه علي الأطاله موضوع شدني فعلا .

ياحلو والله اللي يعبرون من قلب>>>>صج مقموته ومقهوره!! ماألومج والله

بس حسيت انج شريره>>>>خيازرين وتالي الربع الخالي>>>>هذيلا سيييييده على القبر

اذا قلنالهم اقعدوا أدرسوا>>>>جني معطيتهم طراق

آآآآآآه لاتجيبين طار أول >>>>تحوشني قمته على هالجيل اللي مايترقع

اسعدني مرورج فديتج

[اوراد]

عسسسسسسسسسل يا النهج الأسمي سويتيني شريره مره واحده وين مساع شاده حيلج فيهم كسرو خاطرج طخيتي يباااا هذا الحل صدقيني اي والله خليتني اعبر عن الي باط جبدي من زماااان مكبوته يا أختج مو قلت لج عليج مواااضيع عجييييبه تطلع الطاقه السلبيه فعلا يعطيج العافيه وبصراحه لوما نحبهم ما عورتنا قلوبنا عليهم هذا الأكيد .. ألف شكر علي ذوقج وأجتهادج الطيب يا الحبيبه .

[نسرينه]

*حبيبتي يا كويت ربي يحميكي من كل شر*نلوم الزمن ولا نلوم انفسنا*نحن من قصر في حق ابنائنا ونحن من أمن لهم كل الرفاهيه وخلقنا فيهم حس عدم المسؤوليه .شغلتنا الدنيا عنهم . وأصبحنا غرباء لا يعرف احدنا الاخر .لعدم وجود الحوار الدائم . امنا لهم كل شيء الا التغذيه الفكريه والروحيه والدينيه .فعذرا منكم نحن من يستحق العقاب*وهم ضحايانا*

[شفافية]

النّهج الأسمى..موضوعج صج واااايد مهم ..
عيالنا أحنا مجتهدين بتربيتهم..وكل إنسان اللي يزرعه راح يحصده..وفوق كل هذا الدّعاء لهم ولهدايتهم من رب العالمين..وعسى ما تضيع تربيتنا فيهم..وعسى الله لا يييب غزو علشان نقيس رجولة عيالنا..عيال الكويت..الاكثريّة والله أشوفهم بالمجمعات
حزّة الصّلاة أم ال15 وال16 والأكبر حتى لو لابسه هالضيّج لمّا يقول الله وأكبر دشّت مع أمّيمتها المصلّى وقطّت الثويب على جسمها وتغطّت وصلّت..إحنا مانبي نقارن بنات اليوم بجيل السبعينات والثمانينات..كل زمن وله ظروفه وعيشته..وبناتنا وصبيّانّا لو نقارنهم بغيرهم والله أنهم أبرك وأحسن وأنفع من غيرهم..وفوق هذا إحنا بنجتهد بتربيتهم والدّعاء لهم..وعسى الله يطرح فيهم البركه..
...
بارك الله فيج ياخيتي على موضوعج الحلو وايد واللي عجبني ..

[النهج الاسمى]

*حبيبتي يا كويت ربي يحميكي من كل شر*نلوم الزمن ولا نلوم انفسنا*نحن من قصر في حق ابنائنا ونحن من أمن لهم كل الرفاهيه وخلقنا فيهم حس عدم المسؤوليه .شغلتنا الدنيا عنهم . وأصبحنا غرباء لا يعرف احدنا الاخر .لعدم وجود الحوار الدائم . امنا لهم كل شيء الا التغذيه الفكريه والروحيه والدينيه .فعذرا منكم نحن من يستحق العقاب*وهم ضحايانا*

حياج الله اخيتي نسرينه اسعدني مرورج

ويمدينا ان شاء الله انغذيهم بما ينفعلهم لان الكل صار مشغول>>>>وماكو وقت نربيهم ونعلمهم

وطبعا ماخذين طبايع التلفزيون والخدم

لو كل واحد فينا يعطي من وقته>>>>جان قدرنا عقب الله ننشأ عيال صالحين

[النهج الاسمى]

النّهج الأسمى..موضوعج صج واااايد مهم ..
عيالنا أحنا مجتهدين بتربيتهم..وكل إنسان اللي يزرعه راح يحصده..وفوق كل هذا الدّعاء لهم ولهدايتهم من رب العالمين..وعسى ما تضيع تربيتنا فيهم..وعسى الله لا يييب غزو علشان نقيس رجولة عيالنا..عيال الكويت..الاكثريّة والله أشوفهم بالمجمعات
حزّة الصّلاة أم ال15 وال16 والأكبر حتى لو لابسه هالضيّج لمّا يقول الله وأكبر دشّت مع أمّيمتها المصلّى وقطّت الثويب على جسمها وتغطّت وصلّت..إحنا مانبي نقارن بنات اليوم بجيل السبعينات والثمانينات..كل زمن وله ظروفه وعيشته..وبناتنا وصبيّانّا لو نقارنهم بغيرهم والله أنهم أبرك وأحسن وأنفع من غيرهم..وفوق هذا إحنا بنجتهد بتربيتهم والدّعاء لهم..وعسى الله يطرح فيهم البركه..
...
بارك الله فيج ياخيتي على موضوعج الحلو وايد واللي عجبني ..

صاجه شفافيه من زرع حصد

احنا علينا ان نحسن تربيتهم>>>>وكل شي على الله

وانا طبعا مااقصد الكل >>>>ولو خليت خربت وعسى الله يهدي الغافل

اسعدني مرورج يالغاليه

[محمد السالم]

اما سالفة ريال ومتحسف هذي بروحها موضوع

يعطيج العافية النهج الاسمى طرح مميز

وانا اقول لو خليت خربت لازال من شباب وبنات الكويت

من يرفع الراس وهم كثر ولله الحمد بحسب مشاهدتي

على ارض الواقع

لكن ما يمنع تسليط الضوء على بعض الظواهر السلبية

شكرا مرة اخرى اختي الكريمة واعتذر لتطفلي بس شدني العنوان