فارس أحلامي

[شفافية]

من فيلم
عفريت مراتي
..
كلمات..حسين السيد
ألحان..منير مراد
....

فارس أحلامى
حبيب قلبى
وحبيب أيامى
عايزاك تفهمنى
وتحقق صورة أحلامى
تعاملنى بقسوة وحنية
تجرحنى.. وتدارى عليه
ونقضى ساعات فى الملاغية
زى الأفلام الغرامية
عايزة حياتنا تكون مشحونة عواطف
جد وهزل ..
ورعد وبرق..
وريح وعواصف
عايزة احس بحب طاغى نور ونار
حب يملالى فراغى ليل نهار
وساعتها ح اقول
انت حبيبى
فارس احلامى
حبيب قلبى
وحبيب ايامى
انا عايزة النا س يتكلموا عنك
ويشاوروا عليك ويخافوا منك
واسمع عنك الف مغامرة والف حكاية
كل مغامرة يكتبوا عنها الف رواية
تسهر الامل وتضيع الملل
وتخلى كل ليلة وياك شهر عسل
وساعتها ح اقول
انت حبيبى
فارس احلامى
حبيب قلبى
وحبيب أيامى
ياحبيب أحلامى
مش بقولك الكلام ده
يعنى باهرب من حياتى
ده انت حب العمر كله
وانت احلى ذكرياتى
انا وياك على عهدى
وحياة حبك عندى
بس ح احبك اكتر
لما ح تفهم قصدى
وساعتها ح اقول..
انت حبيبى ..
انت حبيبى
وحبيب احلامى..
فارس احلامى
حبيب قلبى..
وحبيب ايامى