إعـــــــلان

تقليص
لا يوجد إعلان حتى الآن.

دنياك ماتسوي تعيشها زعلان

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دنياك ماتسوي تعيشها زعلان

    السلام عليكم ورحمة الله وبركاته
    مرحباااا اخوتى واخواتى فى منتدانا الراقي منتدى نايس كويتى
    اليوم حابه اكتب لكم موضوع عن قسوة القلوب الناس في وقتنا الحالى وحابه ندردش شوي من خلال طرحى وهى فضفضه وعشان اسمع ارائكم بهالموضوع كثيرا مايشغل فكرى عندما اري بعض هالناس ويحز بخاطري لما اشوف احد زعلان او متضايق من احد وقول دايم فى نفسي ليش كل هذا والله الدنيا ماتسوي
    وليش احنا نزعل مع شخص من كلمه قالها او قلناها نختلف وبعدين نتفرق وبعدها نندم
    احيانا يكون الاختلاف مع الاخوة او مع الاصدقاء
    ونقول بعد مانزعل مع صديق العمر ( بصديق الندامة أو أخ الندامة)
    وعندما تقاتل بالأفعال لتثبت لصديقك أو لأخيك أنك
    تحبه بأمانة ولو يبي روحك ترخصه من اجله وتقدم له الدلائل بانك تحبه وتقدره، لكنه يترك كل هذا ويرميه وراء ظهره ومتجاهل كل شيء

    وننسي الذكريات والحظات الجميله والحلوه الي جمعتنا
    وتكون كل الذكريات مجرد ورقة وترمى في سلة مهملات وتنسي وتصبح مجرد ذكريات نريد ان نتخلص منها
    وين راحت الموده والمحبه والتسامح والكاظمين عن الغيظ والعافين عن الناس
    هل يعقل ان تقسي القلوب
    ولكننا فى لحظه فقدان هالشخص ومفارقته ووداعه من هالدنيا نتحسر و ناكل اصابعنا ندامه وملامه ونقول ياليت انى تسامحت منه اوشفته وياليتنى وياليتنى !!!!! واحنا نعلم ومتاكدين ان هالدنيا فانيه ولايبقي فيها الا الذكر الطيب واذا مات الشخص نقول مفقود
    ابي اعرف شنو سبب قساوة القلوب وعدما تسامحها عن زلات الاخرين والتغاضى عن الخطا وشنو الحل من خلال اقلامكم وردودكم على هالموضوع !!!!!
    وراح اختم واقول دنياك ماتسوي تعيشها زعلان
    اخذها من سلوة الروح وهذى نصيحه






    بقلم (سلوة الروح)
    التعديل الأخير تم بواسطة سلوة الروح; الساعة 13-08-2011, 07:20 AM.

  • #2
    يعطيج العافيه يالغاليه

    اضيف على كلامج هالمثل

    مِنْ خَلاَّ رِفِيجهْ بْغَيرْ زَلَّهْ خَلاَّهْ الزّمَانْ بْلاَ رِفِيج



    [align=center][/align]

    تعليق


    • #3
      [align=center]مشكوره على هالكلام الجميل
      جداً أعجبني الموضوع
      [/align]
      عندما كانت الكويت بيوتاً
      غافياتٍ في حضن سورٍ حنونِ

      كان أبناؤها يغنون صوتاً
      عربياً يهز ليل السكونِ


      تعليق


      • #4
        سعيده بمروركم حبايبى كل من دروازه والمسيله وشاكره لكم هالمرور

        تعليق


        • #5
          شكرا اختي سلوة الروح

          والله الواحد منا لما يفكر بمصيره

          اللي هو مصير كل حيّ تصغر الدنيا في عينه

          وما يتأخر في التسامح والتصافي مع الكل

          وأنا من هالمكان أقول لكل من يشعر بأنني أخطأت في حقه

          سامحوني وحقكم عليّ

          وأنا مو شايل في قلبي على أحد

          ياليت ما ينتهي هالشهر الكريم اللي انتصف الحين

          إلا و كل مختلف مع أحد يرجع عن خلافه

          واستسمحكم عبر موضوع اختي سلوة بالابتعاد مؤقتا

          بسبب ظروفي العملية متمنيا لكم جميعا

          دوام السعادة والصحة والعافية

          وعيدكم مبارك مقدما

          وكل عام وانتم بخير

          وسامحونا





          sigpic

          تعليق


          • #6
            وانت بخير اخو محمد انا الى شاكره لك هالمرور واتمنى لك التوفيق
            والله معااك

            تعليق


            • #7
              صدقتي اختي الغالية سلوة الروح
              والله بهالدنيا ماكو شي يسوى الزعل
              تسلمين على طرح هذا الموضوع

              تعليق

              يعمل...
              X