هو فيصل عبدالله الحجي, مطرب كويتي قدير أشتهر في سبعينيات القرن الماضي في الفتره اللي كانت فيها الأغنيه الكويتية في عالي سماها, راهن عليه المرحوم خالد الزايد الملحن القدير اللي أكتشف صوته وإمكاناته وأظهره على الساحه وتبناه مثل ماتبنى غيره من الأصوات مثل عايشة المرطة ورباب وغيرهم.
فيصل عبدالله له نمط غنائي يميزه عن غيره من المطربين حتى في شكله ونظارته الطبية كان مميز والنظارة الطبية ماتفارقه أبد, أغانيه دائما تدور حول الموضوعات اللي غالبا ماتتطرق لها الأغنيه الكويتية والعربية بشكل عام, يعني عن الحب, العشق, الهجر, وصف المحبوب وهلم جرا
له أغاني كثيره حلوة تطربني وتذاع بشكل متكرر على البرنامج العام ومحطة الغناء العربي القديم عبر إذاعه الكويت وله بعض الأغاني موجودة عالأنترنت لكن اغلب اغانيه الجميلة مو موجودة عالنت , أمس طلعتهم من الإذاعه وقلت أكتب كلماتهم الجميلة لكم يمكن تعجبكم
الأغنيه الاولى وهي الأجمل بالنسبة لي
يا صـبر قلبي
يا صبر قلبي من يصبرني
حتى الصبر ضيعت انا دروبه
دربٍ عليه بالحيل يجبرني
ودرب يكّثر لي عذروبه
...
ياقلبي شاللي بس جابرني
دور عشيرك واطلب التوبه
ولاّ تناسى ولا تذكرني
الصبر ماهو بيدي لعبوبه
...
جرح الهوى ياناس عذبني
مسكين منهو دار دالوبه
ياهيه ياللي دوم تعذلني
أحذر لا تزرى تحوشك الحوبه
أما الثانيه واللي فعلا اللحن فيها جميل جدا فتقول:
حبيبي حبني والعمر فاني
دخيلك وش جرا بينك وبيني؟
قبل ترتاح ياحلو المعاني
تقول حياك اسكن وسط عيني
وأترك كل شي واهجر مكاني
وادق الدرب بين شوقي وحنيني
واكتب للهوى احلى الاغاني
واخش رسمك, أغطيه بجفوني
واحس ان بعيونك لي مكاني
مكانك انت في عمري وعيني
واشوف الحين ﭼـن قلبك نساني
تغير كل شي بينك وبيني
واختمها بأغنيه بدور, بدور البنت الزوغة اللي تقط الطير من السما و اللي تغزل فيها بهالاغنيه وأحسن وصفها
بـدور
أول كلامي في بدور أتغزل
وأحتار شوصف من جمال ﭼساها
أم العيون اللي لها الطير حول
سبحان من صــــوّر ومن حسنه عطاها
...
ولا الشعر ﭼـنه أبريسم تهدل
مغطي الـﭼـتفين واصل قفاها
ولا الحسن في الوجه تكـّمل
من نظرة والقلب غادي وراها
...
مالوم قلبٍ من هواها تغربل
من شافها غير أسلوبه معاها
مير الحسن بالعون فيها تمثل
مزيونةٍ والزين كله حواها
زبدة الكلام أن فيصل عبدالله أعتزل الغناء وماعندي علم ليش؟ بس بغض النظر عن الأسباب الأكيد ان اغانيه وأعماله مازالت تسمع وينطرب لها الكثير من الناس سواء من اللي عاصروه أو من اللي طلعوا على الدنيا بعد أعتزاله مثلي انا,أغانيه مثل ماقلت حلوة وكثيرة واهوا بعد صوته هادي وحنون وكحال كل المطربين ماتعجبك كل اغانيه ولكن له 7 اغاني من اروع ماسمعت وتقريبا الحانهم متقاربه, مدري يمكن يكون ملحنهم واحد وإذا ماخاب ظني ألحانهم من لون "السامري" المحبب ولكن ألحان مطورة غناها بمصاحبة تخت عربي من عود وناي وطبلة وهم كمنجة مع اورغ بعد وانا اللي كتبته فوق هو صفوة أغانيه, لي حصلت لكم فرصة سمعوه.
ودمتم سالمين
فيصل عبدالله له نمط غنائي يميزه عن غيره من المطربين حتى في شكله ونظارته الطبية كان مميز والنظارة الطبية ماتفارقه أبد, أغانيه دائما تدور حول الموضوعات اللي غالبا ماتتطرق لها الأغنيه الكويتية والعربية بشكل عام, يعني عن الحب, العشق, الهجر, وصف المحبوب وهلم جرا
له أغاني كثيره حلوة تطربني وتذاع بشكل متكرر على البرنامج العام ومحطة الغناء العربي القديم عبر إذاعه الكويت وله بعض الأغاني موجودة عالأنترنت لكن اغلب اغانيه الجميلة مو موجودة عالنت , أمس طلعتهم من الإذاعه وقلت أكتب كلماتهم الجميلة لكم يمكن تعجبكم
الأغنيه الاولى وهي الأجمل بالنسبة لي
يا صـبر قلبي
يا صبر قلبي من يصبرني
حتى الصبر ضيعت انا دروبه
دربٍ عليه بالحيل يجبرني
ودرب يكّثر لي عذروبه
...
ياقلبي شاللي بس جابرني
دور عشيرك واطلب التوبه
ولاّ تناسى ولا تذكرني
الصبر ماهو بيدي لعبوبه
...
جرح الهوى ياناس عذبني
مسكين منهو دار دالوبه
ياهيه ياللي دوم تعذلني
أحذر لا تزرى تحوشك الحوبه
أما الثانيه واللي فعلا اللحن فيها جميل جدا فتقول:
حبيبي حبني والعمر فاني
دخيلك وش جرا بينك وبيني؟
قبل ترتاح ياحلو المعاني
تقول حياك اسكن وسط عيني
وأترك كل شي واهجر مكاني
وادق الدرب بين شوقي وحنيني
واكتب للهوى احلى الاغاني
واخش رسمك, أغطيه بجفوني
واحس ان بعيونك لي مكاني
مكانك انت في عمري وعيني
واشوف الحين ﭼـن قلبك نساني
تغير كل شي بينك وبيني
واختمها بأغنيه بدور, بدور البنت الزوغة اللي تقط الطير من السما و اللي تغزل فيها بهالاغنيه وأحسن وصفها
بـدور
أول كلامي في بدور أتغزل
وأحتار شوصف من جمال ﭼساها
أم العيون اللي لها الطير حول
سبحان من صــــوّر ومن حسنه عطاها
...
ولا الشعر ﭼـنه أبريسم تهدل
مغطي الـﭼـتفين واصل قفاها
ولا الحسن في الوجه تكـّمل
من نظرة والقلب غادي وراها
...
مالوم قلبٍ من هواها تغربل
من شافها غير أسلوبه معاها
مير الحسن بالعون فيها تمثل
مزيونةٍ والزين كله حواها
زبدة الكلام أن فيصل عبدالله أعتزل الغناء وماعندي علم ليش؟ بس بغض النظر عن الأسباب الأكيد ان اغانيه وأعماله مازالت تسمع وينطرب لها الكثير من الناس سواء من اللي عاصروه أو من اللي طلعوا على الدنيا بعد أعتزاله مثلي انا,أغانيه مثل ماقلت حلوة وكثيرة واهوا بعد صوته هادي وحنون وكحال كل المطربين ماتعجبك كل اغانيه ولكن له 7 اغاني من اروع ماسمعت وتقريبا الحانهم متقاربه, مدري يمكن يكون ملحنهم واحد وإذا ماخاب ظني ألحانهم من لون "السامري" المحبب ولكن ألحان مطورة غناها بمصاحبة تخت عربي من عود وناي وطبلة وهم كمنجة مع اورغ بعد وانا اللي كتبته فوق هو صفوة أغانيه, لي حصلت لكم فرصة سمعوه.
ودمتم سالمين